ഭാരത് മാതാ കീ ജയ്. ഭാരത് മാതാ കീ ജയ്. ഭാരത് മാതാ കീ ജയ്.

ഗുജറാത്തിന്റെ ജനപ്രിയ മുഖ്യമന്ത്രി ശ്രീ ഭൂപേന്ദ്ര ഭായ് പട്ടേൽ, കേന്ദ്ര മന്ത്രിസഭയിലെ എന്റെ സഹപ്രവർത്തകൻ സി. ആർ. പാട്ടീൽ, ഉപമുഖ്യമന്ത്രി ഭായ് ഹർഷ് സാങ്‌വി, ഗുജറാത്ത് ബിജെപി പ്രസിഡന്റ് ജഗദീഷ് വിശ്വകർമ ജി, മറ്റ് മന്ത്രിമാർ, പൊതു പ്രതിനിധികൾ, സൂറത്തിലെ എന്റെ പ്രിയപ്പെട്ട സഹോദരീ സഹോദരന്മാരേ.

നിങ്ങൾക്ക് എല്ലാവർക്കും സുഖമാണോ? സൂറത്ത് ആസ്വദിക്കുന്നുണ്ടല്ലോ, അല്ലേ? സഹോദരാ, നിങ്ങൾ എന്താണ് കൊണ്ടുവന്നത്? നന്ദി സുഹൃത്തേ, നിങ്ങൾ വളരെ മനോഹരമായ ഒരു ചിത്രം നിർമ്മിച്ചു. എസ്‌പി‌ജി അം​ഗങ്ങളേ, , ഈ സഹോദരൻ അത് നൽകാൻ ആഗ്രഹിക്കുന്നു, വളരെ നന്ദി സഹോദരാ, ദയവായി അത് എന്റെ ടീമിനെ ഏൽപ്പിക്കുക.

സുഹൃത്തുക്കളേ,

എന്റെ വാക്കുകൾ ആരംഭിക്കുന്നതിന് മുമ്പ്, കുറച്ച് ദിവസങ്ങൾക്ക് മുമ്പ്, ഞാൻ വർഷങ്ങളോളം ജോലി ചെയ്തിരുന്ന, ജീവിതത്തിന്റെ അവസാന നിമിഷങ്ങൾ വരെ സജീവമായിരുന്ന എന്റെ അടുത്ത സുഹൃത്ത് കനുഭായ് മാവാനി വിടവാങ്ങി. ഞാൻ അദ്ദേഹത്തിന് ബഹുമാനപൂർവ്വം ആദരാഞ്ജലി അർപ്പിക്കുന്നു. ഒരു കൂട്ടുകാരനെ നഷ്ടപ്പെടുമ്പോഴുള്ള വേദന സ്വാഭാവികമാണ്, പക്ഷേ ഇന്ന് ഞാൻ സൂറത്തിന്റെ മണ്ണിൽ നിൽക്കുമ്പോൾ, അദ്ദേഹത്തിന്റെ പവിത്രമായ സ്മരണയോടെ ഞാൻ എന്റെ വാക്കുകൾ തുടരുന്നു.

സുഹൃത്തുക്കളേ, 

സൂറത്ത് ഒരു നഗരം മാത്രമല്ല, സൂറത്ത് ഒരു ആത്മാവാണെന്ന് എനിക്ക് പലപ്പോഴും തോന്നാറുണ്ട്. ഈ ആത്മാവ് നിലനിൽക്കുമ്പോൾ, പരിസ്ഥിതി ദിനത്തിൽ, എല്ലാ കുടുംബങ്ങളും ഒത്തുചേരുന്നു, പരിസ്ഥിതിക്ക് സമർപ്പിച്ചിരിക്കുന്ന 15,000 പോസ്റ്ററുകൾ സൃഷ്ടിച്ച് ഇവിടെ കൊണ്ടുവരുന്നു. ഈ ജോലി ചെയ്ത എല്ലാ കുടുംബങ്ങളെയും ഞാൻ ഹൃദയപൂർവ്വം അഭിനന്ദിക്കുന്നു. കാരണം, അവർ ഇതിനെക്കുറിച്ച് ചിന്തിച്ചപ്പോൾ, അവരുടെ മനസ്സ് പരിസ്ഥിതി സംരക്ഷണത്തിൽ മുഴുകി. നമ്മുടെ കത്തിയവാഡ് സഹോദരന്മാരിൽ പലരും ഇവിടെ സൂറത്തിലാണ് താമസിക്കുന്നത്, അവർക്ക് അവിടെ കൃഷിയിടങ്ങളുണ്ട്. പരിസ്ഥിതി പ്രവർത്തനത്തിന്റെ ഭാഗമായി "കൃഷി സംരക്ഷിക്കുക" എന്ന കാമ്പെയ്‌നിൽ ചേരാൻ ഞാൻ അവരോട് അഭ്യർത്ഥിക്കുന്നു. രാസവസ്തുക്കളില്ലാത്ത കൃഷി, നമ്മുടെ മുതിർന്നവർ പരിശീലിപ്പിച്ച പ്രകൃതിദത്ത കൃഷി. കൃഷിയിടങ്ങളുള്ള സൂറത്തിലെ എല്ലാ ആളുകളോടും, അവർ എവിടെയായിരുന്നാലും, ഇതാണ് ഞാൻ നിങ്ങളോട് ആവശ്യപ്പെടുന്ന ജോലി എന്ന് ഞാൻ പൂർണ്ണ അവകാശത്തോടെ പറയുന്നു.

സുഹൃത്തുക്കളേ,

ഇവിടെയുള്ള എല്ലാവരും എന്നെ സ്വാഗതം ചെയ്തു, വ്യത്യസ്തമായ സുവനീറുകൾ, സമ്മാനങ്ങൾ തന്നു. എന്നാൽ അതിനുപുറമെ, സൂറത്ത് എനിക്ക് വിലമതിക്കാനാവാത്ത ഒരു സമ്മാനം തന്നു, ഏറെ വിലപ്പെട്ടത്. സൂറത്ത് എനിക്ക് മാലിന്യമാണ്  ഒരു സമ്മാനമായി തന്നത്. ഒരു ലക്ഷം പേർ ചേർന്ന് അഞ്ചു ദിവസമാണ് ഇവിടെ ഒരു ശുചീകരണ കാമ്പയിൻ നടത്തിയത്. എന്നെ സംബന്ധിച്ച്, ഇതാണ് ഏറ്റവും വലിയ സമ്മാനം, ഒരു ലക്ഷം ജനങ്ങൾക്കും മുഴുവൻ സൂറത്തിനും ഞാൻ എന്റെ ഹൃദയത്തിൽ നിന്ന് നന്ദി പറയുന്നു. ആളുകൾ ചിന്തിച്ചേക്കാം, ഇത് എങ്ങനെയുള്ള പ്രധാനമന്ത്രിയാണെന്ന്?  സ്വാഗത സമ്മാനമായി മാലിന്യം സ്വീകരിക്കുന്നതിൽ അദ്ദേഹം അഭിമാനിക്കുന്നു. കാരണം എന്നെ സംബന്ധിച്ച്, ശുചിത്വം എന്നത് ഒരു മൂല്യമായി മാറണം. ഒരു ലക്ഷം പേർ ചേരുക എന്നാൽ ഒരു ലക്ഷം കുടുംബങ്ങൾ പങ്കു ചേരുക എന്നാണ്. ഇത് വെറുമൊരു ശുചിത്വ കാമ്പയിൻ അല്ല, ആരോഗ്യകരമായ ഭാവിക്കായുള്ള മൂല്യങ്ങളുടെ ഒരു ഉത്സവമാണ്. ഇതിനായി, സൂറത്തിലെ എല്ലാ കൂട്ടാളികളും വലിയ അഭിനന്ദനങ്ങൾ അർഹിക്കുന്നു.

സുഹൃത്തുക്കളേ,

തദ്ദേശ സ്വയംഭരണ സ്ഥാപന തിരഞ്ഞെടുപ്പിനുശേഷം, ഞാൻ ആദ്യമായാണ് ഗുജറാത്തിൽ സൂററ്റിലേക്ക് വരുന്നത്. സൂറത്തിൽ നിന്ന്, ഗുജറാത്തിലെ ജനങ്ങളെ ഞാൻ വണങ്ങുകയും അഭിനന്ദിക്കുകയും ചെയ്യുന്നു.

സുഹൃത്തുക്കളേ,

രണ്ടര പതിറ്റാണ്ടിലേറെയായി നിങ്ങൾ ഞങ്ങൾക്ക്, ബിജെപിക്ക് തുടർച്ചയായി അനുഗ്രഹങ്ങൾ നൽകുന്നു. കാലക്രമേണ, ഈ അനുഗ്രഹങ്ങൾ വർദ്ധിച്ചതേയുള്ളൂ. നോക്കൂ, ഒരു മകൾ നിങ്ങളെയെല്ലാം ആകർഷിച്ചു. അടുത്തിടെ, ജില്ലാ കൗൺസിലുകൾ, താലൂക്ക് കൗൺസിലുകൾ, മുനിസിപ്പാലിറ്റികൾ, മുനിസിപ്പൽ കോർപ്പറേഷനുകൾ എന്നിവയിലേക്കുള്ള തിരഞ്ഞെടുപ്പുകൾ നടന്നു. ഇവയിൽ, ഗുജറാത്തിലെ ജനങ്ങൾ ബിജെപിക്ക് വളരെയധികം പിന്തുണ നൽകിയതിനാൽ എല്ലാ പഴയ റെക്കോർഡുകളും തകർന്നു. ഇന്ന് നിങ്ങൾ എന്റെ റെക്കോർഡുകളും തകർത്തതിൽ ഞാൻ കൂടുതൽ സന്തോഷിക്കുന്നു. ഞാൻ വളരെ വൈകിയാണ് രാഷ്ട്രീയത്തിലേക്ക് വന്നത്, ഒരുപക്ഷേ 1987-ൽ, തുടർന്ന് ആദ്യ തിരഞ്ഞെടുപ്പ് സൂറത്ത്-അഹമ്മദാബാദ് കോർപ്പറേഷനുടേതായിരുന്നു, ആ ആദ്യ തിരഞ്ഞെടുപ്പിൽ ഞങ്ങൾ ഒരു വലിയ വിജയം നേടി. അതിനുശേഷം, ഈ വിജയയാത്ര തുടർന്നു. ലോകത്തിലെ ജനാധിപത്യ സമൂഹങ്ങളിൽ, അത്തരമൊരു കാര്യം വളരെ അപൂർവമായി മാത്രമേ കാണാനാകൂ. ഏതൊരു പാർട്ടിക്കും ഇത്രയും കാലം ജനങ്ങളുടെ അനുഗ്രഹവും സേവനത്തിനുള്ള അവസരവും ലഭിക്കുക എന്നത്, വളരെ മികച്ച ഒരു കാര്യമാണ്.

സുഹൃത്തുക്കളേ,

സൂറത്തിലെയും നവസാരിയിലെയും തിരഞ്ഞെടുക്കപ്പെട്ട നിരവധി  പ്രതിനിധികളും ഇവിടെയുണ്ട്. നിങ്ങൾക്കെല്ലാവർക്കും എന്റെ ആശംസകൾ നേരുന്നു. ഗുജറാത്തിലെ ജനങ്ങൾ ഞങ്ങളുടെ സേവന മനോഭാവത്തെ പിന്തുണച്ചിട്ടുണ്ടെന്ന് ഞങ്ങൾ എപ്പോഴും ഓർക്കണം. ഈ സേവന ദൗത്യം കൂടുതൽ വികസിപ്പിക്കുക എന്നതാണ് ഈ വലിയ വിജയം. നാമെല്ലാവരും കൂടുതൽ കഠിനാധ്വാനം ചെയ്യണം. നമ്മുടെ ദൃഢനിശ്ചയം ഒരു വികസിത ഗുജറാത്ത്, ഒരു വികസിത ഇന്ത്യയാണ്. സേവനത്തോടുള്ള സമർപ്പണത്തോടെ ഈ ദൃഢനിശ്ചയം പൂർത്തീകരിക്കണം. സൂറത്ത് ഒരു നഗരമല്ലെന്ന് ഞാൻ പറയുമ്പോൾ, സൂറത്ത് ഒരു ആത്മാവാണ്, അതിന് പിന്നിൽ എന്റെ ബോധ്യമുണ്ട്. ഇന്ത്യയിലുടനീളം, ശുചിത്വത്തിന് തുടർച്ചയായി അവാർഡുകൾ ലഭിക്കുന്ന ഒരു നഗരം സങ്കൽപ്പിക്കുക. സ്വാഭാവികമായും, ഒരാൾക്ക് തോന്നിയേക്കാം, മതി, നമുക്ക് നിരവധി അവാർഡുകൾ ലഭിച്ചു, ഇനിയും എന്താണ് ചെയ്യേണ്ടതെന്ന്? പക്ഷേ സൂറത്ത് അങ്ങനെ ചിന്തിക്കുന്നില്ല. അത് ഇപ്പോഴും ശുചിത്വ പ്രചാരണങ്ങൾക്ക് മുൻഗണന നൽകുന്നു. അതുകൊണ്ടാണ് സൂറത്ത് ഒരു നഗരമല്ല, സൂറത്ത് ഒരു ആവേശമാണ് എന്ന് ഞാൻ പറയുന്നത്.

സുഹൃത്തുക്കളേ,

വികസിത ഇന്ത്യ, ഒരു വികസിത ഗുജറാത്ത് എന്ന നമ്മുടെ ദൃഢനിശ്ചയം - രാജ്യത്തെ എല്ലാ ഗ്രാമങ്ങളെയും, ഓരോ ജില്ലയെയും, ഓരോ നഗരത്തെയും വികസിപ്പിക്കുമ്പോൾ മാത്രമേ ഈ ദൃഢനിശ്ചയം പൂർത്തീകരിക്കപ്പെടുകയുള്ളൂ. അതിനാൽ, തിരഞ്ഞെടുക്കപ്പെട്ട എല്ലാ ബിജെപി പ്രതിനിധികളുടെയും പങ്ക് വളരെ പ്രധാനമാണ്.

സുഹൃത്തുക്കളേ,

ഇന്ന് ഒരു സന്തോഷകരമായ യാദൃശ്ചികത കൂടിയുണ്ട്. ഇന്ന് ജൂൺ 5 പരിസ്ഥിതി ദിനമാണ്. ഈ പരിസ്ഥിതി ദിനത്തിൽ, രാജ്യത്തെ ഏറ്റവും വൃത്തിയുള്ള നഗരങ്ങളിലൊന്നായ സൂറത്തിലാണ് ഞാൻ. എത്ര അഭിമാനകരമായ കാര്യമാണിത്! ഒരുകാലത്ത് പ്ലേഗ് പോലുള്ള പകർച്ചവ്യാധി ബാധിച്ച അതേ സൂറത്താണ് ഇത്, ഇന്ന് അത് ശുചിത്വത്താൽ അംഗീകരിക്കപ്പെട്ടിരിക്കുന്നു. ഇതിനായി രണ്ടര പതിറ്റാണ്ടായി തുടർച്ചയായ ശ്രമങ്ങൾ നടന്നിട്ടുണ്ട്. സൂറത്തിലെ എല്ലാ ജനങ്ങളും, ഉദ്യോഗസ്ഥരും, ജീവനക്കാരും, പൊതുജന പ്രതിനിധികളും - എല്ലാവരും സംഭാവന നൽകിയിട്ടുണ്ട്. സമീപ ദിവസങ്ങളിൽ, ശുചിത്വത്തിനായുള്ള പ്രത്യേക പ്രചാരണ പരിപാടികളും ഇവിടെ നടത്തിയിട്ടുണ്ടെന്ന് എന്നോട് പറയുകയുണ്ടായി. എന്റെ പ്രിയപ്പെട്ട സൂറത്തുകാരേ, സൂറത്തിലെ എല്ലാ നിവാസികളെയും ഞാൻ വളരെയധികം അഭിനന്ദിക്കുന്നു. സൂറത്തിന്റെ വികസനം ത്വരിതപ്പെടുത്തുന്നതിന്, ഇന്ന് ഇവിടെ നിരവധി പദ്ധതികൾ ഉദ്ഘാടനം ചെയ്യുകയും തറക്കല്ലിടുകയും ചെയ്തിട്ടുണ്ട്. ഈ പദ്ധതികൾക്ക് നിങ്ങൾക്കെല്ലാവർക്കും എന്റെ ഹൃദയംഗമമായ അഭിനന്ദനങ്ങൾ.

സുഹൃത്തുക്കളേ,

ഒരു ഹരിത യുഗത്തിലേക്കും ഒരു ഹരിത ഭാവിയിലേക്കും നീങ്ങുന്നതിൽ ലോകം ഇപ്പോൾ വളരെ ജാഗ്രത പുലർത്തുന്നു, ക്രമാനു​ഗതമായി ഇതിനുളള നടപടികൾ സ്വീകരിക്കാൻ ശ്രമിക്കുകയാണ്. ഇന്ത്യയും ഹരിത വളർച്ചയിൽ വലിയതോതിൽ പ്രവർത്തിക്കുന്നു. ഗുജറാത്ത് ഇതിനകം തന്നെ ഈ ദിശയിൽ വളരെ വേ​ഗം ചുവടുവെച്ചിരുന്നു. ഈ നൂറ്റാണ്ടിന്റെ തുടക്കത്തിൽ കാലാവസ്ഥാ വ്യതിയാനത്തിനായി ഒരു പ്രത്യേക വകുപ്പ് സൃഷ്ടിച്ച സംസ്ഥാനമാണ് ഗുജറാത്ത്. ഇത്തരമൊരു സംവിധാനം സൃഷ്ടിച്ച രാജ്യത്തെ ആദ്യത്തെ സംസ്ഥാനം ഗുജറാത്ത് ആയിരുന്നു. മുഖ്യമന്ത്രി നേരത്തെ സൂചിപ്പിച്ചതുപോലെ, ഗുജറാത്തിലെ പത്താനിലെ സ്വന്തം ചരങ്ക ഗ്രാമത്തിലാണ് ഇന്ത്യയിലെ ആദ്യത്തെ സോളാർ പാർക്ക് നിർമ്മിച്ചത്. ആ സമയത്ത്, അത് ഒരുതരം തീർത്ഥാടന കേന്ദ്രമായി മാറി. ദൂരെയെല്ലാം കാണാവുന്ന ഇത്രയും വലിയ ഒരു സോളാർ പ്ലാന്റ് കാണാൻ ആളുകൾ എത്തി.

സുഹൃത്തുക്കളേ,

അന്ന് ഗുജറാത്തിൽ നിങ്ങളെല്ലാവരും ചെയ്തത് മുഴുവൻ രാജ്യത്തിനും പ്രചോദനമായി. ഇന്ന് ഇന്ത്യ പ്രകൃതിയോടൊപ്പമുള്ള പുരോഗതി എന്ന മന്ത്രത്തോടെ വികസിച്ചുകൊണ്ടിരിക്കുന്നു. സമ്പദ്‌വ്യവസ്ഥയിലും പരിസ്ഥിതിയിലും.

സുഹൃത്തുക്കളേ,

സൂറത്തിൽ ഇത് വ്യക്തമായി ദൃശ്യമാണ്. ഇപ്പോൾ, സൂറത്തിന്റെ "ചാക്രിക ജല സമ്പദ്‌വ്യവസ്ഥ" വളരെയധികം ചർച്ച ചെയ്യപ്പെടുന്നു. ഇവിടെ, നഗരത്തിലെ മലിനജലം സംസ്‌കരിച്ച് വ്യവസായങ്ങൾക്ക് വിതരണം ചെയ്യുന്നു. ഇത് വൃത്തികെട്ട വെള്ളം കൈകാര്യം ചെയ്യുന്നു, കൂടാതെ വെള്ളത്തിൽ നിന്ന് വരുമാനം നേടുകയും ചെയ്യുന്നു. കഴിഞ്ഞ 12 വർഷമായി, രാജ്യത്ത് മാലിന്യങ്ങൾ സമ്പത്തിലേക്ക് മാറ്റുന്ന ഒരു വലിയ നീക്കം നടക്കുന്നുണ്ട്. ഇത് നമ്മുടെ നഗരങ്ങളുടെ ശുചിത്വത്തിനും അവയെ പച്ചപ്പുള്ളതും വൃത്തിയുള്ളതുമാക്കുന്നതിനും വളരെയധികം സഹായിക്കുന്നു.

സുഹൃത്തുക്കളേ,

വരും പതിറ്റാണ്ടുകളായി സൂറത്തിന് കുടിവെള്ളത്തിന്റെ പൂർണ്ണമായ ക്രമീകരണം ഉറപ്പാക്കാനാണ് ഇപ്പോൾ ശ്രമം. ഇതിനായി, താപി ബാരേജ് പദ്ധതിക്ക് അംഗീകാരം ലഭിച്ചു. കൂടാതെ, ജല മാനേജ്‌മെന്റും ജല ഡ്രെയിനേജും ​ഗവൺമെന്റിന്റെ വളരെ വലിയ മുൻഗണനകളാണ്. അത്തരം നിരവധി പദ്ധതികൾ ഇന്ന് ഇവിടെ ഉദ്ഘാടനം ചെയ്യപ്പെട്ടിട്ടുണ്ട്.

സുഹൃത്തുക്കളേ,

സൂറത്ത് ശുചിത്വത്തിലും ചാക്രിക സമ്പദ്‌വ്യവസ്ഥയിലും മാത്രം ഒതുങ്ങുന്നില്ല. ഹരിത വളർച്ചയുടെ മറ്റ് മാർഗങ്ങളുടെ വികാസവും അഭൂതപൂർവമായ വേഗതയിൽ നടക്കുന്നു. ഉദാഹരണത്തിന്, ഇലക്ട്രിക് മൊബിലിറ്റി. റോഡുകളിൽ ഓടുന്ന എല്ലാ ബസുകളും ഇലക്ട്രിക് ആയിരിക്കുന്ന ഒരു സംവിധാനം സൃഷ്ടിക്കാൻ സൂറത്ത് പ്രവർത്തിക്കുന്നു. ഇതോടൊപ്പം, സൂറത്ത് മെട്രോയുടെ വികസനവും നടക്കുന്നു. ഈ നടപടികളെല്ലാം സൂറത്തിന്റെ ഹരിത നഗരമെന്ന വ്യക്തിത്വത്തെ കൂടുതൽ ശക്തിപ്പെടുത്തും. അതെ, വരും കാലത്ത്, ഹസിറ ഇൻഡസ്ട്രിയൽ ഏരിയയും ഹരിത ഉരുക്ക് ഉൽപാദനത്തിന് പേരുകേട്ടതായിരിക്കും. അതായത്, ഉരുക്ക് ഉൽപാദനത്തിൽ ഹരിത ഊർജ്ജം ഉപയോഗിക്കും.

സുഹൃത്തുക്കളേ,

ഇന്ന് ലോകം അഭൂതപൂർവമായ വെല്ലുവിളികളുടെ ഒരു കാലഘട്ടത്തിലൂടെയാണ് കടന്നുപോകുന്നത്. ഈ ദശകം ലോകത്തിന് ദുരന്തങ്ങളുടെ ഒരു ദശകമാണെന്ന് കുറച്ചു കാലം മുമ്പ് ഞാൻ പറഞ്ഞിരുന്നു. സമീപകാലത്ത് ഒന്നിനുപുറകെ ഒന്നായി ആഗോള ദുരന്തങ്ങൾ നാം കണ്ടിട്ടുണ്ട്. ആദ്യം കൊറോണയുടെ വലിയ പ്രതിസന്ധി വന്നു, പിന്നീട് വ്യത്യസ്ത സ്ഥലങ്ങളിൽ യുദ്ധങ്ങൾ പൊട്ടിപ്പുറപ്പെട്ടു, ഇപ്പോൾ ഇത്രയും വലിയ ഒരു ഊർജ്ജ പ്രതിസന്ധി ലോകത്തെ മുഴുവൻ പ്രക്ഷുബ്ധതയിലേക്ക് തള്ളിവിട്ടിരിക്കുന്നു. ലോകമെമ്പാടും പെട്രോൾ വില തുടർച്ചയായി ചാഞ്ചാടുന്നു, ഗ്യാസ് വിതരണ ശൃംഖലകൾ തകർന്നുകൊണ്ടിരിക്കുകയാണ്.

എന്നാൽ സഹോദരീ സഹോദരന്മാരേ,

1.4 ബില്യൺ ഇന്ത്യക്കാരുടെ കൂട്ടായ പരിശ്രമത്തിലൂടെ, രാജ്യം അത്തരം എല്ലാ പ്രതിസന്ധികളെയും ശക്തമായി നേരിടുന്നതിൽ എനിക്ക് വലിയ സംതൃപ്തി തോന്നുന്നു. ഈ പോരാട്ടത്തിൽ നിങ്ങൾ എന്നോടൊപ്പമുണ്ട്, അല്ലേ? ഈ പോരാട്ടത്തിലും നമ്മൾ വിജയിക്കണം, അല്ലേ?

സുഹൃത്തുക്കളേ,

ഇതിലും ഗുജറാത്തിന് വളരെ വലിയ പങ്കുണ്ട്. സമീപ വർഷങ്ങളിൽ, ഗുജറാത്ത് ശുദ്ധീകരണം, സൗരോർജ്ജം, കാറ്റാടി വൈദ്യുതി എന്നിവയിൽ തങ്ങളുടെ ശേഷി ശക്തിപ്പെടുത്തിയിട്ടുണ്ട്, ഇത് രാജ്യത്തിന് വളരെ ഉപയോഗപ്രദമാണെന്ന് തെളിയിക്കപ്പെട്ടിട്ടുണ്ട്. ഇന്ന് ഇന്ത്യയുടെ പുനരുപയോഗ ശേഷി 250 ജിഗാവാട്ടാണ്. നമ്മുടെ രാജ്യത്ത്, മുമ്പ് മെഗാവാട്ടിനപ്പുറം നമ്മൾ ചിന്തിച്ചിരുന്നില്ല, ഇന്ന് നമ്മൾ ജിഗാവാട്ടിനെക്കുറിച്ചാണ് സംസാരിക്കുന്നത്. ഗുജറാത്ത് മാത്രം 50 ജിഗാവാട്ട് സംഭാവന ചെയ്യുന്നു. 250 ജിഗാവാട്ടിൽ 50 ജിഗാവാട്ടും നിങ്ങളുടെ ശക്തിയാണ്. അതായത് രാജ്യത്തിന്റെ ഹരിത ഊർജ്ജത്തിന്റെ അഞ്ചിലൊന്ന് ഗുജറാത്ത് മാത്രമാണ് ഉത്പാദിപ്പിക്കുന്നത്. സൗരോർജ്ജ ഉൽപാദനത്തിൽ ഗുജറാത്ത് പ്രശംസനീയമായ പ്രവർത്തനങ്ങൾ നടത്തിയിട്ടുണ്ട്. ഇപ്പോൾ, രാജ്യം ഗ്രീൻ ഹൈഡ്രജൻ, ഗ്രീൻ അമോണിയ തുടങ്ങിയ മേഖലകളിൽ പ്രവർത്തിക്കുമ്പോൾ, ഗുജറാത്തിന്റെ പങ്കും വളരെ പ്രധാനമാണ്.

സുഹൃത്തുക്കളേ,

ഊർജ്ജത്തിന്റെ കാര്യത്തിൽ സ്വാശ്രയത്വം എത്രത്തോളം പ്രധാനമാണെന്ന് ഈ തുടർച്ചയായ ആഗോള പ്രതിസന്ധി കാണിക്കുന്നു. കഴിഞ്ഞ 12 വർഷമായി രാജ്യം നിർമ്മിച്ച ശേഷി വളരെ പ്രധാനമാണ്. ഒരു വശത്ത്, ലോകത്തിന്റെ വിവിധ ഭാഗങ്ങളിൽ നിന്നുള്ള എണ്ണയുടെയും വാതകത്തിന്റെയും വിതരണം ഞങ്ങൾ ഉറപ്പാക്കി. മറുവശത്ത്, പുനരുപയോഗ ഊർജ്ജത്തിൽ ഞങ്ങൾ ചരിത്രപരമായ നിക്ഷേപങ്ങൾ നടത്തി. പന്ത്രണ്ട് വർഷം മുമ്പ്, ഇന്ത്യയിലെ സൗരോർജ്ജ ഉൽപാദനം തുച്ഛമായിരുന്നു. ഇന്ന് ലോകത്തിലെ ഏറ്റവും മികച്ച അഞ്ച് രാജ്യങ്ങളിൽ ഒന്നാണ് നമ്മൾ. സൗരോർജ്ജം മാത്രമല്ല - എത്തനോൾ മിശ്രിത ശേഷി വർദ്ധിപ്പിച്ചു, റെയിൽവേ വൈദ്യുതീകരണം ത്വരിതപ്പെടുത്തി, ആണവോർജ്ജ മേഖലയിൽ പ്രവർത്തിച്ചു, നമ്മുടെ പഴയ വൈദ്യുതി പ്രസരണ ശൃംഖല നവീകരിച്ചു, വികസിപ്പിച്ചു, ഗ്യാസ് പൈപ്പ്‌ലൈൻ ശൃംഖല വളരെയധികം വികസിപ്പിച്ചു, കൂടുതൽ പെട്രോളിയം ഉൽപ്പന്നങ്ങൾ അവിടെ എത്താനും സാധ്യമാകുന്നിടത്തെല്ലാം സംഭരിക്കാനും കഴിയുന്ന തരത്തിൽ നമ്മുടെ തുറമുഖങ്ങളുടെ ശേഷി വർദ്ധിപ്പിച്ചു. വരും കാലങ്ങളിൽ, രാജ്യത്തിന്റെ ശേഷി ഇനിയും വർദ്ധിക്കും. ഈ ദിശയിലുള്ള നമ്മുടെ ഗവൺമെന്റിന്റെ ശ്രമങ്ങൾ തുടർച്ചയായി മുന്നോട്ട് പോവുകയാണ്.

സുഹൃത്തുക്കളേ,

സൂറത്തിൽ നിങ്ങളുടെ ഇടയിൽ വരുന്നതിനു മുമ്പ്, ഞാൻ ഹർഷ് ഭായ് വിവരിച്ച ഹസിറയിലേക്ക് പോയി. സ്വാശ്രയ ഇന്ത്യ എന്നാൽ എന്താണെന്ന് ഹാസിറയിൽ വ്യക്തമായി കാണാം. ഇന്ന് ഹാസിറ ഒരു വ്യാവസായിക മേഖല മാത്രമല്ല. ഊർജ്ജം, ഉരുക്ക്, പ്രതിരോധ ഉൽപ്പാദനം, തുറമുഖങ്ങൾ, ആഗോള വ്യാപാരം എന്നിവയുള്ള ഒരു ആവാസവ്യവസ്ഥയായി ഇത് മാറിയിരിക്കുന്നു. സ്വാശ്രയ ഇന്ത്യയുടെ ഒരു പ്രധാന കേന്ദ്രമായി ഉയർന്നുവരുന്ന, രാജ്യത്തിന്റെ ഒരു പ്രധാന സമുദ്ര-വ്യാവസായിക കേന്ദ്രമായി ഹാസിറ വികസിച്ചുകൊണ്ടിരിക്കുന്നു.

എന്നാൽ സുഹൃത്തുക്കളേ,

സ്വാശ്രയ ഇന്ത്യ പ്രചാരണത്തെ പരിഹസിക്കുന്ന ചില ശുഭാപ്തിവിശ്വാസമില്ലാത്ത ആളുകൾ ഇന്ന് രാജ്യത്തിലുണ്ട്. രാജ്യത്തിന്റെ ഈ ദൃഢനിശ്ചയത്തെ അവർ നിരന്തരം കുറച്ചുകാണുന്നു. ഇന്ത്യയെ എപ്പോഴും മറ്റ് രാജ്യങ്ങളെ ആശ്രയിച്ചു കഴിയുന്ന അവസ്ഥയിൽ നിർത്തിയിരുന്നവരാണ് ഇവർ. മറ്റുള്ളവരെ ആശ്രയിക്കുന്ന ഒരു രാജ്യത്തിന് ഒരിക്കലും അർഹമായ വികസനത്തിന്റെ ഉയരങ്ങൾ കൈവരിക്കാൻ കഴിയില്ലെന്ന് അവർ മറക്കുന്നു.

സുഹൃത്തുക്കളേ,

സ്വാശ്രയ ഇന്ത്യയെ ത്വരിതപ്പെടുത്തുന്നതിന്, ഇന്ന് രാജ്യം കണക്റ്റിവിറ്റിയിൽ വളരെയധികം ശ്രദ്ധ കേന്ദ്രീകരിക്കുന്നു. വഡോദര-മുംബൈ എക്സ്പ്രസ് വേ, സമർപ്പിത ചരക്ക് ഇടനാഴി, ബുള്ളറ്റ് ട്രെയിൻ തുടങ്ങിയ പദ്ധതികൾ ഇന്ത്യയുടെ ഈ മുൻഗണനയെ പ്രതിഫലിപ്പിക്കുന്നതാണ്. ഇന്ന് വഡോദര–മുംബൈ എക്സ്പ്രസ് വേയുടെ ഒരു പ്രധാന ഭാഗം ഉദ്ഘാടനം ചെയ്യപ്പെട്ടു. ഇത് രാജ്യത്തെ രണ്ട് പ്രധാന വ്യാവസായിക, വ്യാപാര കേന്ദ്രങ്ങൾക്കിടയിൽ മികച്ച കണക്റ്റിവിറ്റി നൽകും.

സുഹൃത്തുക്കളേ,

എല്ലാവരെയും ബന്ധിപ്പിക്കുക, എല്ലാവർക്കും തുല്യ അവസരങ്ങളും സൗകര്യങ്ങളും നൽകുക എന്നതാണ് ഞങ്ങളുടെ ശ്രമം. ഒരിക്കലും സൗകര്യങ്ങൾ ലഭ്യമാകാതിരുന്ന വിദൂര പ്രദേശങ്ങളിലും ഗോത്ര മേഖലകളിലും ഇന്ന് ആധുനിക കണക്റ്റിവിറ്റി ലഭ്യമാണ്. ദാഹോദ്–ബോഡേലി–വാപി ഇടനാഴി ഈ ദൃഢനിശ്ചയത്തെ പ്രതിഫലിപ്പിക്കുന്നു. സങ്കൽപ്പിക്കുക, നർമ്മദ, താപി ജില്ലകളിലെ ഗോത്ര മേഖലകളിലേക്ക് നാലുവരി സൗകര്യങ്ങൾ എത്തിച്ചേരുന്നു. ഇത് യാത്രാ സമയം കുറയ്ക്കുകയും യാത്രാ നിരക്കുകൾ കുറയ്ക്കുകയും ഗോത്ര, ഗ്രാമീണ ജനങ്ങൾക്ക് വിദ്യാഭ്യാസം, ആരോഗ്യ സംരക്ഷണം, ഉപജീവനമാർഗ്ഗം എന്നിവയ്ക്ക് മികച്ച സൗകര്യങ്ങൾ നൽകുകയും ചെയ്യും.

സുഹൃത്തുക്കളേ,

ഈ ഇടനാഴിയിലൂടെ, ഛോട്ടാ ഉദേപൂർ, നർമ്മദ, ഭറൂച്ച്, താപി ജില്ലകളിലെ ഗോത്ര മേഖലകളെ വ്യാവസായിക മേഖലയുമായി ബന്ധിപ്പിക്കും. ഇത് ദക്ഷിണ ഗുജറാത്തിലെ ഗോത്ര മേഖലകളിലെ ടൂറിസത്തെയും ഉത്തേജിപ്പിക്കും. സ്റ്റാച്യു ഓഫ് യൂണിറ്റി, സപുതാര, സമീപ വിനോദസഞ്ചാര കേന്ദ്രങ്ങൾ എന്നിവയിലേക്കുള്ള പ്രവേശനം വളരെ എളുപ്പമാകും.

സുഹൃത്തുക്കളേ,

ഇന്ന് സൂറത്തിൽ, ഒരു ആധുനിക ഇ.എസ്.ഐ.സി ആശുപത്രിയും ഉദ്ഘാടനം ചെയ്യപ്പെട്ടു. നമ്മുടെ തൊഴിലാളി സഹോദരീസഹോദരന്മാർക്കും അവരുടെ കുടുംബങ്ങൾക്കും മികച്ച ആരോഗ്യ സേവനങ്ങൾ നൽകുന്ന ഒരു പുതിയ കേന്ദ്രമായി ഈ ആശുപത്രി മാറും. മറ്റ് സംസ്ഥാനങ്ങളിൽ നിന്ന് താമസിക്കാനും ജോലി ചെയ്യാനുമായി ഇവിടെയെത്തിയ സഹപ്രവർത്തകർക്കും ഈ ആശുപത്രിയിൽ നിന്ന് വളരെയധികം പ്രയോജനം ലഭിക്കും.

സുഹൃത്തുക്കളേ,

ദേശീയ വികസനത്തിന് മുൻഗണന നൽകിയാണ് നമ്മുടെ ​ഗവൺമെന്റ് പ്രവർത്തിക്കുന്നത്. അതുകൊണ്ടാണ് രാജ്യത്തിന്റെ വിശ്വാസം ബിജെപിയിലും ബിജെപിയുടെ വികസന പ്രവർത്തനങ്ങളിലുമുള്ളത്. അതുകൊണ്ടാണ് രാജ്യത്തെ ജനങ്ങൾ ബിജെപിക്ക് ആവർത്തിച്ച് ജനവിധി നൽകുന്നത്. അടുത്തിടെ, ബംഗാളിലെ തിരഞ്ഞെടുപ്പുകൾ - ഞാൻ ബംഗാളിനെ പരാമർശിക്കുമ്പോൾ തന്നെ നിങ്ങൾക്ക് ഊർജ്ജം ഉയരുമെന്ന് തോന്നിയേക്കാം - എന്നാൽ എന്റെ അനുഭവം, അഞ്ച് രാജ്യങ്ങളിലേക്ക് നടത്തിയ എന്റെ സമീപകാല സന്ദർശന വേളയിൽ ബംഗാൾ എല്ലായിടത്തും ചർച്ച ചെയ്യപ്പെട്ടു എന്നതാണ്. എല്ലാവരും ബംഗാളിനെക്കുറിച്ചാണ് സംസാരിക്കുന്നത്. ബംഗാൾ, അസം, പുതുച്ചേരി എന്നിവിടങ്ങളിലെ തിരഞ്ഞെടുപ്പുകളിൽ ബിജെപിക്കും എൻഡിഎയ്ക്കും വലിയ ജനവിധി ലഭിച്ചു. ഇതിനുപുറമെ, രാജ്യത്തുടനീളം നടക്കുന്ന പഞ്ചായത്ത്, കോർപ്പറേഷൻ തിരഞ്ഞെടുപ്പുകളിലും ബിജെപി വിജയിക്കുന്നു.

സുഹൃത്തുക്കളേ,

ഇത്തരത്തിലുള്ള ഓരോ തിരഞ്ഞെടുപ്പും ഒരു സന്ദേശം നൽകുന്നു: രാജ്യം കുഴപ്പങ്ങൾ, അനിശ്ചിതത്വം, നിരാശ എന്നിവ ഇഷ്ടപ്പെടുന്നില്ല. കഴിഞ്ഞ 12 വർഷമായി കോൺഗ്രസ് സ്വയം അവസരങ്ങൾ കണ്ടെത്തുന്നതിനായി കുഴപ്പങ്ങളും അനിശ്ചിതത്വവും വിതറുകയാണ്, പക്ഷേ രാജ്യത്തെ ജനങ്ങൾ അതിന് ശക്തമായ മറുപടി നൽകുന്നു. ഗുജറാത്തിലെ നിങ്ങൾ കോൺഗ്രസിനെ വശങ്ങളിലേക്ക് തള്ളിവിട്ടു, എന്നാൽ കോൺഗ്രസിന് ​ഗവൺമെന്റുകൾ ഉള്ളിടത്ത് പോലും, കോൺഗ്രസിന്റെ ദുർഭരണത്തിൽ ജനങ്ങൾ മടുത്തു. അടുത്തിടെ, കോൺഗ്രസ് അധികാരത്തിലിരിക്കുന്ന ഹിമാചലിൽ തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പ് നടന്നു, കോൺഗ്രസ് ദയനീയമായി പരാജയപ്പെട്ടു. ഹിമാചലിലെ ജനങ്ങൾ കോൺഗ്രസിന്റെ ദുർഭരണം നിരസിച്ചു. അതിനുമുമ്പ്, ഹരിയാനയിലെ തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പിൽ കോൺഗ്രസ് പരാജയപ്പെട്ടു, പഞ്ചാബിലെ ജനങ്ങളും കോൺഗ്രസിന് വ്യക്തമായ സന്ദേശം നൽകി. കോൺഗ്രസിന്റെ പരാദ രാഷ്ട്രീയം പ്രവർത്തിക്കില്ല എന്നതാണ് സന്ദേശം, കുഴപ്പങ്ങളിൽ അവസരങ്ങൾ കണ്ടെത്തുന്ന കോൺഗ്രസിന്റെ രാഷ്ട്രീയം പ്രവർത്തിക്കില്ല. കർണാടകയിൽ പോലും, കോൺഗ്രസ് ​ഗവൺമെന്റിനെതിരെ ജനങ്ങൾക്കിടയിൽ വലിയ രോഷമുണ്ട്. അതുകൊണ്ടാണ് കർണാടകയിലും കോൺഗ്രസ് മുഖ്യമന്ത്രിയെ മാറ്റേണ്ടി വരുന്നത്.

സുഹൃത്തുക്കളേ,

ഇന്ത്യ നിഷേധാത്മകതയ്ക്ക് അപ്പുറത്തേക്ക് വളരെയധികം മുന്നോട്ട് പോയി. ഇത് പരിധിയില്ലാത്ത ശുഭാപ്തിവിശ്വാസമുള്ള ഒരു രാജ്യമാണ്. അസാധാരണമായ അഭിലാഷങ്ങൾ നിറഞ്ഞ ഒരു രാജ്യം. ഇന്ത്യയിലെ പൗരന്മാർ സ്വപ്നങ്ങളാൽ നിറഞ്ഞിരിക്കുന്നു, ദൃഢനിശ്ചയത്താൽ നിറഞ്ഞിരിക്കുന്നു. ദൃഢനിശ്ചയത്തെ നേട്ടമാക്കി മാറ്റാൻ ജനങ്ങൾ പ്രതിജ്ഞാബദ്ധരാണ്. രാജ്യത്തെ ജനങ്ങൾ ദൃഢനിശ്ചയമുള്ളവരാകുമ്പോൾ, രാജ്യത്തിന് എല്ലാ ലക്ഷ്യങ്ങളും കൈവരിക്കാൻ കഴിയും. ഇതാണ് ഇന്ത്യയുടെ ശക്തി. നമുക്കെല്ലാവർക്കും ഒരുമിച്ച് ഒരു വികസിത ഇന്ത്യയുടെ നിർമ്മാണം ത്വരിതപ്പെടുത്താം. സ്വപ്നങ്ങളെ ദൃഢനിശ്ചയമാക്കി മാറ്റാം, സ്വയം പൂർണ്ണമായും സമർപ്പിച്ചുകൊണ്ട് ദൃഢനിശ്ചയം പൂർത്തീകരിക്കാം. ഞാൻ നിങ്ങളോടൊപ്പം തോളോട് തോൾ ചേർന്ന് നിൽക്കുന്നു. നിങ്ങൾ രണ്ട് ചുവടുകൾ നടന്നാൽ, ഞാൻ മൂന്ന് ചുവടുകൾ നടക്കാൻ തയ്യാറാണ്. നിർത്തുന്നതും ക്ഷീണിപ്പിക്കുന്നതും ഞങ്ങൾക്ക് സ്വീകാര്യമല്ല. ഈ ആഹ്വാനത്തോടെ, വികസന പദ്ധതികൾക്ക് വീണ്ടും നിരവധി അഭിനന്ദനങ്ങൾ.

ഭാരത് മാതാ കീ ജയ്.

ഭാരത് മാതാ കീ ജയ്.

വന്ദേമാതരം.

വന്ദേമാതരം.

വന്ദേമാതരം.

വന്ദേമാതരം.

വന്ദേമാതരം.

വന്ദേമാതരം.

വന്ദേമാതരം.

വന്ദേമാതരം.

വന്ദേമാതരം.

വന്ദേമാതരം.

വന്ദേമാതരം.

NK