ప్రధాన మంత్రి కార్యాలయం
పురుషుల అండర్ 18 ఆసియా కప్ 2026 విజేతగా నిలిచిన భారత హాకీ జట్టుకు ప్రధానమంత్రి అభినందనలు
प्रविष्टि तिथि:
06 JUN 2026 6:18PM by PIB Hyderabad
భారత యువ హాకీ క్రీడాకారులు సాధించిన అద్భుతమైన విజయాన్ని ప్రధానమంత్రి శ్రీ నరేంద్ర మోదీ ప్రశంసించారు. పురుషుల అండర్-18 ఆసియా కప్ 2026 హాకీ టోర్నమెంట్ ఛాంపియన్గా నిలిచిన భారత యువ హాకీ జట్టును ప్రధానమంత్రి అభినందించారు.
ఈ టోర్నమెంట్ అంతటా భారత జట్టు అద్భుతమైన నైపుణ్యాన్ని, అత్యుత్తమ సమష్టి కృషిని ప్రదర్శించిందని, తుది పోరులో చిరస్మరణీయ విజయం సాధించిందని ప్రధానమంత్రి పేర్కొన్నారు. ఈ అద్భుత విజయం దేశంలోని యువతలో హాకీ క్రీడకు పెరుగుతున్న ఆదరణను ప్రతిబింబిస్తోందని అన్నారు. ఈ సందర్భంగా భారత జట్టు భవిష్యత్తు ప్రయత్నాలకు తన శుభాకాంక్షలు తెలియజేశారు.
సామాజిక మాధ్యమం ఎక్స్ వేదికగా ప్రధానమంత్రి ఈ విధంగా పేర్కొన్నారు.
‘‘మన యువ హాకీ ఆటగాళ్లు సాధించిన అద్భుతమైన ఘనత ఇది!
పురుషుల అండర్-18 ఆసియా కప్ 2026 విజేతగా నిలిచిన భారత హాకీ జట్టుకు హృదయపూర్వక అభినందనలు. ఈ టోర్నమెంట్ పొడవునా మన జట్టు అసాధారణ నైపుణ్యాన్ని, అద్భుతమైన సమష్టి స్ఫూర్తిని ప్రదర్శించి.. తుదిపోరులో చిరస్మరణీయ విజయాన్ని అందుకుంది. ఈ విజయం మన యువతలో హాకీకి పెరుగుతున్న ప్రజాదరణను చాటిచెబుతోంది. భవిష్యత్తులో మన జట్టు మరిన్ని విజయాలు సాధించాలని మనస్ఫూర్తిగా ఆకాంక్షిస్తున్నాను".
(रिलीज़ आईडी: 2269908)
आगंतुक पटल : 7