Ha ka jingïadei bad ka jingangnud jong ka Sorkar ban pynkhlaiñ ïa ka kyrdan jong ka India kum ka jaka bei tyngka ba kongsan ha ka pyrthei bad ban pyniar ïa ka iew pisa, ka Tnad Kam Pla Tyngka ka la shim ïa ki sienjam kiba thmu ban kyntiew ïa ka jingsuk ban bei tyngka na ka bynta ki briew Persons Resident Outside India (PROI) bad ki Foreign Portfolio Investor (FPI), bad ban khring ka jingwan ka pisa nabar ri.

Da kaba tei halor ki sienjam ba dang shen ban kyntiew ia ka jingsuk ban leh ia ki kam ha ki iew pisa, ka Sorkar ka la shim ia ki jingpynkylla shuh shuh ban pynlong ia ka jingbei tyngka nabar ri ha ki equity bad ki G-Secs kaba kham suk ban ioh, kaba kham sted, bad kaba lah ban iakhun ha ka pyrthei.

Ka jingpyllait ia ka jingbei tyngka da ki briew kiba sah shabar ka ri India hapoh ka Foreign Exchange Management (Non- Debt Instrument) Rules, 2019

Ka Myntri kam pla tyngka jong ka sorkar pdeng bad ki kam kompeni ka la pynbna ha ka mang tyngka jong ka sorkar pdeng FY2026-27 ba yn shah ia ki briew kiba sah shabar jong ka ri India (PROI) ban bei tyngka ha ki equity jong ki kompeni jong ka India lyngba ka Portfolio Investment Scheme kaba haduh mynta ka long kaba lah ban ioh tang da ki NRI/CIO; bad yn kyntiew ia u pud jong ka jingbei tyngka na ka bynta ki PROI shimet hapoh kane ka skhim na ka 5% sha ka 10% ha kano kano ka kompeni, ryngkat bad u pud bei tyngka na ka bynta baroh ki PROI shimet sha ka 24%, na ka 10% kaba mynta.

Ban pyntreikam ia kane, ka Tnad Economic Affairs (DEA) ka dang pynbna ia ka Foreign Exchange Management (Non-Debt Instruments) (Third Amendment) Rules, 2026.

Kane ka jingpynbna kan pynsuk ia ka jingpyndonkam kaba kham stet ia ka pisa nabar ri da kaba pyndonkam ia ki rukom iashim bynta kiba la don lypa na ka bynta ki nongbei tyngka NRI/OCI. Ka jingpynsuk ia ka jingiashim bynta bad ka jingpynduna ia ki jingdonkam ban bud ryntih kan kyntiew shuh shuh ia ka jingsuk ban sdang ia ka kam, katba ka khring ia ka nongrim kaba kham iar jong ki nongbei tyngka shimet nabar ri kiba kham skhem. Kane kan kyrshan ruh ia ka jingwan kham bun bad kham skhem ka pisa nabar ri sha ki iew jong ka ri India.

Ka jingpeit bniah ia ka rukom pyniaid ia ka jingbei tyngka FPI ha ki security jong ka Sorkar

Da ka jingthmu ban kyntiew ïa ka jingïashim bynta jong ki FPI ha ka G-Sec, ka Sorkar ka la rai ban pynïar ïa ka thup jong ki security hapoh ka Fully Accessible Route (FAR) ban kynthup ruh ïa ki jingpynmih thymmai ha ki security jong ka Sorkar kiba 15, 30 bad 40 snem kumjuh ruh ki Sovereign Green Bonds (SGrB) ha ki por jong ki security FAR. Shuh shuh, ha kaba iadei bad ki jingbei tyngka jong ka FPI hapoh ka General Route, la rai ban weng noh ia ki lai tylli ki jingpyrkhing, kata. U pud jingbei tyngka kiba lyngkot samoi, ka concentration limit bad u pud katkum ki security na ka bynta ki jingbei tyngka da ki Foreign Portfolio Investor (FPI) ha ki security jong ka Sorkar, katba dang bat ia u pud jong ka jingbei tyngka baroh kawei kaba long 6 percent na ka stock ba dang sah jong ki jingthew jong ka Sorkar Pdeng bad 2 per cent jong ki State Government securities (SGS). Ki bynta ba rit jong ki pud jingbei tyngka, kata, ‘'general' and 'long-term' ruh yn pyniasoh lang ha kawei ka pud na ka bynta ka jingbei tyngka ha ki security jong ka Sorkar bad ki SGS, kawei hadien kawei pat.

Kine ki sienjam kin iarap ha kaba kyntiew ia ka jingmih kaba iaid beit, bad khring ia ka jingwan rung kaba skhem kaba ryntih jong ka pisa bar ri kaba jrong samoi, kaba iaishah, kynthup ia ki nongbei tyngka kiba jrong samoi kum ki pisa penshon, ki kompeni insurance, bad ki sovereign wealth fund. La khmih lynti ruh ba kane kan kyntiew ia ka jingwan ka pisa nabar ri na ka bynta ka ri.

Pyllait ia ka sut bad ki jingmih na ka pisa ha ki G-Sec na ka khajna

Da kaba ithuh ia ka jingdonkam jong ka rukom lum khajna kaba lah ban iakhun ha kaba khring ia ka pisa pyrthei, ka Sorkar ka la rai ban pynbeit ryntih ia ka rukom khein khajna kaba iadei bad ki jingbei tyngka da ki FPI ha ki Security jong ka Sorkar, da kaba pyllait ia kum kine ki jingbei tyngka na ka income tax halor kano kano ka sut ne ka jingiohnong. Kane ka sienjam kan pyniahap ia ka jingsiew khajna ia ki G-Sec bad kiwei kiwei ki jaka treikam ba iasyriem.

Ka jingpyllait kan treikam naduh ka 01.04.2026, kata, ka jingpyllait kan treikam ia kano kano ka sut lane ka jingiohnong kaba mih na ki FPI ha ka 01.04.2026 lane hadien ha kaba iadei bad ki jingbei tyngka ha ki G-Secs.

Ka jingpyllait na ka income tax kaba kum kane la pynbiang ruh na ka bynta ki Bank for International Settlement (BIS) na ka bynta kano kano ka sut ne ka jingiohnong na ka jingbei tyngka jong ka ha ki G-Secs.

Kane kan pynthikna ia ka jingwan rung kaba ryntih kaba skhem jong ka pisa bar ri kaba neh, kaba iaishah bad ki nongbei tyngka kiba slem kum ki pisa penshon, ki kompeni insurance, bad ki Sovereign wealth fund (SWF).

Lada shim lang, kine ki jingpynkylla ki thmu ban pynduna ia ki jingeh ha ka jingtreikam, ban pynsuk ia ka jinglah ban ioh ia ki iew, bad ban ai ia ka jingshem kaba kham suk ha ka jingbei tyngka kaba lah ban ianujor bad ki iew pisa ba halor tam jong ka pyrthei. La khmih lynti ba kine ki sienjam kin pyniar ia ka nongrim jong ki nongbei tyngka na ka bynta ki equity jong ka India bad ki Security jong ka Sorkar bad pynshlur ia ka jingiashim bynta kaba kham iar na ki nongbei tyngka jong ka pyrthei kiba kwah ban iashim bynta ia kawei na ki ri ba heh jong ka pyrthei kaba kiew stet bha ha ka ioh ka kot.

NION HANGNE BAN IOH IA KA NOTIFICATION OF ORDINANCE

NION HANGNE BAN IOH IA KI FAQ HALOR KA JINGPYLLAIT NA KA BIS

NION HANGNE BAN IOH IA KI FAQ HALOR KA JINGPYLLAIT NA KA FII

****