ৱেভস ও.তি.তি., প্রসার ভারতীগী দিজিতেল স্ত্রীমিং প্লেৎফোর্ম অসিনা নবেম্বর ২০২৪দা হৌদোকখিবগী চহি অনিগী মতুংদা রেজিস্তর তৌরবা য়ুজর করোর ১ (মিলিয়ন ১০) গী মাইলস্তোন লানখ্রে।

মসিগী মাইপাকপা অসিনা ভারতকী পব্লিক দিজিতেল মীদিয়া ইকোসিস্তেম চাউখৎপদা মরুওইবা খোঙথাং অমা উৎলি অমসুং মসিনা ভারত অমসুং মালেমগী মীয়ামদা থাজবা য়াবা, ইনক্লুসিব অমসুং তোঙান তোঙানবা কন্তেন্ত ফংহল্লিবা লমদমসিগী দিজিতেল প্লেৎফোর্মশিং শিজিন্নবা হেনগৎলক্লিবা অদু উৎলি।

ঙসিদি, ৱেভস ও.তি.তি.না কন্তেন্ত তাইতল ২৪,০০০ হেন্না অমসুং এন্তর্তেনমেন্ত, ন্যুজ, এজুকেসন, কলচর, স্পিরিচুএলিতি অমসুং পব্লিক সর্ভিস জোনরশিংগী কন্তেন্ত পুং ১৫,০০০ হেন্না হোস্ত তৌরি। প্লেৎফোর্ম অসিনা লাইব তিভি চেনেল ১৪০ হেনবা, রেদিও সর্ভিস ২০০ হেনবা, লাইব ইভেন্ত স্ত্রীমিং, পি.এম. ই-বিদ্যা চেনেলশিংগী খুত্থাংদা এজুকেস্নেল কন্তেন্ত, য়োজনা, কুরুক্ষেত্রা অমসুং রোজগর সামচারগী দিজিতেল ইদিসনশিং, মমিং লৈরবা লাইশঙশিংদগী ভক্তিগী ওইবা স্ত্রীমশিং অমসুং প্রসার ভারতীদগী পুং লিশিং কয়াগী আর্কাইব কন্তেন্ত ফংহল্লি।

মোবাইল, ৱেব অমসুং কনেক্তেদ তি.ভি. দিভাইসশিংদা ফংলিবা ৱেভস ও.তি.তি.না হৌজিক্তি লৈবাক ১৩০ হেনবদা মীয়ামদা য়ৌশিন্দুনা মসিনা ভারতকী লোন কয়াদা কন্তেন্ত ফংহল্লি অমসুং মীয়ামগী অপাম্বা অমসুং এন্তর্তেনমেন্ত প্রোগ্রামিংগী পাক-চাউবা শরুক অমা লেম্না ফংহল্লি।

মাইলস্তোন অদুগী মতাংদা পল্লদুনা, প্রসার ভারতীনা হায়খি মদুদি মাইপাকপা অসিনা দিজিতেলগী মতম অসিদা দিজিতেল পব্লিক সর্ভিস মীদিয়াগী হেনগৎলক্লিবা মরী অদু উৎলি অমসুং তেলিভিজন, রেদিও, ওন-দিমান্দ কন্তেন্ত, এজুকেসন, কলচর অমসুং হেরিতেজকীদমক সিঙ্গল দেস্তিনেসন অমা শেমগৎপগী ভিজন অদু ভেলিদেৎ তৌরি।

প্লেৎফোর্ম অসিনা কন্তেন্ত ওফরিং, স্ত্রেতেজিক দিজিতেল পার্তনরশিপ, দিভাইস হেন্না য়াম্না ফংহনবা অমসুং য়ুজর এক্সপরিয়েন্স হেনগৎহনবগী থোংদা লেপ্পা লৈতনা চাউখৎলক্লি। লাইব স্ত্রীম, এজুকেস্নেল কন্তেন্ত, দিজিতেল পব্লিকেসনশিং, আর্কাইব কলেক্সনশিং অমসুং লাইব ইভেন্ত কভরেজগুম্বা হন্দক্কী অহেনবা থৌওংশিংনা মীয়ামগী পুক্নিং চিংশিনবা হেনগৎহনখ্রে।

রেজিস্তার তৌরবা য়ুজর করোর ১ হেনবা অমসুং দাউনলোদ করোর ১.৪ হেনবগা লোয়ননা, ৱেভস ও.তি.তি. হৌজিক্তি কন্তেন্ত পার্তনরশিপশিং পাকথোক চাউথোকহনবা, দিভাইস অমসুং প্লেৎফোর্মশিংদা পাক-শন্না শন্দোকপা, রিজনেল অমসুং এজুকেস্নেল কন্তেন্ত পীবা হেনগৎহনবা অমসুং ২০২৭গী মার্চ ফাওবদা রেজিস্তার তৌরবা য়ুজর করোর ২গী পান্দম ফংনবা মীৎয়েং থম্লি।

মাইলস্তোন অসিনা ভারতকী খ্বাইদগী খোংজেল য়াংনা চাউখৎলক্লিবা পব্লিক সর্ভিস স্ত্রীমিং প্লেৎফোর্ম অমসুং ভারতকী চৎনবী, লৌশিং, হেরিতেজ অমসুং ক্রিএতিভিতিগী দিজিতেল শোকেস অমা ওইনা ৱেভস ও.তি.তি.গী থাক অদু মপাঙ্গল কনখৎহল্লি।

***