பிரதமர் அலுவலகம்
23 வயதுக்குட்பட்டோருக்கான ஆசிய சாம்பியன்ஷிப் போட்டிகள் 2026-ல் சிறப்பான செயல்பாட்டை வெளிப்படுத்திய இந்திய மல்யுத்த வீரர்களுக்கு பிரதமர் வாழ்த்து
प्रविष्टि तिथि:
28 MAY 2026 8:10PM by PIB Chennai
வியட்நாமின் டா நாங் நகரில் நடைபெற்ற 23 வயதுக்குட்பட்டோருக்கான ஆசிய சாம்பியன்ஷிப் போட்டிகள் 2026-ல் இந்திய மல்யுத்த வீரர்கள் வெளிப்படுத்திய சிறப்பான செயல்பாட்டிற்காக பிரதமர் திரு நரேந்திர மோடி வாழ்த்து தெரிவித்துள்ளார்.
இந்த சாம்பியன்ஷிப் போட்டிகளில் இந்தியாவின் ஆடவர் ஃப்ரீஸ்டைல், பெண்கள் மல்யுத்த அணிகள் குழுப் பட்டங்களை வென்றதாக திரு மோடி கூறினார்.
ஆடவர் ஃப்ரீஸ்டைல் மல்யுத்த அணி, 4 தங்கப் பதக்கங்கள் உட்பட 9 பதக்கங்களை வென்றதன் மூலம், 23 வயதுக்குட்பட்டோருக்கான ஆசிய சாம்பியன்ஷிப் போட்டிகளின் வரலாற்றில் இந்தியா இதுவரை இல்லாத அளவுக்கு அதிக ஒட்டுமொத்த பதக்கங்களை வென்றுள்ளது என்று பிரதமர் குறிப்பிட்டார்.
மேலும், மகளிர் மல்யுத்த அணி 6 தங்கப் பதக்கங்கள் உட்பட 10 பதக்கங்களை வென்றுள்ளது என்றும் அவர் கூறினார்.
கிரேக்கோ-ரோமன் அணி 8 பதக்கங்களுடன், இதுவரையிலான தங்களின் அதிகபட்ச ஒட்டுமொத்தப் பதக்க எண்ணிக்கையைப் பதிவு செய்துள்ளதையும் பிரதமர் சுட்டிக்காட்டினார்.
மல்யுத்த வீரர்களைப் பாராட்டிய பிரதமர், அவர்களின் எதிர்கால முயற்சிகளுக்குத் தனது நல்வாழ்த்துகளைத் தெரிவித்தார்.
சமூக ஊடக எக்ஸ் தளத்தில் பிரதமர் பதிவிட்டதாவது:
“நமது மல்யுத்த வீரர்களின் மிகச்சிறப்பான செயல்பாடு!
வியட்நாமின் டா நாங்கில் நடைபெற்ற 23 வயதுக்குட்பட்டோருக்கான ஆசிய சாம்பியன்ஷிப் போட்டிகள் 2026-ல் , நமது ஆடவர் ஃப்ரீஸ்டைல், பெண்கள் மல்யுத்த அணிகள் குழுப் பட்டங்களை வென்றன.
ஆடவர் ஃப்ரீஸ்டைல் மல்யுத்த அணி 4 தங்கம் உட்பட 9 பதக்கங்களை வென்றதன் மூலம், 23 வயதுக்குட்பட்டோருக்கான ஆசிய சாம்பியன்ஷிப் வரலாற்றில் இந்தியா இதுவரை இல்லாத அளவுக்கு அதிக பதக்கங்களை வென்று சாதனை படைத்துள்ளது. மகளிர் மல்யுத்த அணி 6 தங்கம் உட்பட 10 பதக்கங்களை வென்றது. கிரேக்கோ-ரோமன் அணியும் 8 பதக்கங்களுடன், இதுவரை இல்லாத அளவுக்கு அதிக பதக்கங்களை வென்று சாதனைப் படைத்துள்ளது.
நமது மல்யுத்த வீரர்களுக்குப் பாராட்டுகள். அவர்களின் எதிர்கால முயற்சிகளுக்கு எனது நல்வாழ்த்துகள்.”
(Release ID: 2266397)
***
SS/BR/KR
(रिलीज़ आईडी: 2267810)
आगंतुक पटल : 11
इस विज्ञप्ति को इन भाषाओं में पढ़ें:
Telugu
,
Malayalam
,
Marathi
,
Bengali
,
Assamese
,
Odia
,
English
,
Urdu
,
हिन्दी
,
Manipuri
,
Punjabi
,
Gujarati
,
Kannada