पंतप्रधान कार्यालय
azadi ka amrit mahotsav

23 वर्षांखालील आशियाई अजिंक्यपद स्पर्धा 2026 मध्ये उत्कृष्ट कामगिरीबद्दल पंतप्रधानांनी केले भारतीय कुस्तीपटूंचे अभिनंदन

Posted On: 28 MAY 2026 9:42PM by PIB Mumbai

नवी दिल्‍ली, 28 मे 2026

 

​व्हिएतनाममधील दा नांग इथल्या 23 वर्षांखालील आशियाई अजिंक्यपद स्पर्धा 2026 मध्ये उत्कृष्ट कामगिरी केल्याबद्दल पंतप्रधान नरेंद्र मोदी यांनी आज भारतीय कुस्तीपटूंचे अभिनंदन केले आहे.

​भारताच्या पुरुषांच्या फ्रीस्टाईल आणि महिलांच्या कुस्ती संघाने या अजिंक्यपद स्पर्धेत सांघिक विजेतेपद पटकावल्याचे पंतप्रधानांनी नमूद केले आहे.

​पुरुषांच्या फ्रीस्टाईल कुस्ती संघाने 4 सुवर्णपदकांसह 9 पदके जिंकली असून, 23 वर्षांखालील आशियाई अजिंक्यपद स्पर्धेच्या इतिहासात एकूण पदकसंख्येच्या बाबतीत भारताची ही आत्तापर्यंतची सर्वोच्च कामगिरी ठरल्याचेही पंतप्रधानांनी नमूद केले आहे.

​महिला कुस्ती संघाने देखील 6 सुवर्णपदकांसह 10 पदके जिंकली असल्याचे त्यांनी अधोरेखित केले आहे.

​ग्रीको-रोमन संघाने देखील 8 पदकांसह आत्तापर्यंतची आपली सर्वोच्च कामगिरी नोंदवल्याचा उल्लेखही पंतप्रधानांनी केला आहे.

या यशाबद्दल त्यांनी ​कुस्तीपटूंचे अभिनंदन केले, तसेच त्यांना भविष्यातील कामगिरीसाठी शुभेच्छाही दिल्या आहे.

यासंदर्भात पंतप्रधानांनी ​ X या समाजमाध्यमावर सामायिक केलेला संदेश

आपल्या कुस्तीपटूंची उत्कृष्ट कामगिरी!

​व्हिएतनाममधील दा नांग इथे पार पडलेल्या 23 वर्षांखालील आशियाई अजिंक्यपद स्पर्धा 2026 मध्ये आपल्या पुरुषांच्या फ्रीस्टाईल आणि महिलांच्या कुस्ती संघाने सांघिक विजेतेपद पटकावले.

​पुरुषांच्या फ्रीस्टाईल कुस्ती संघाने 4 सुवर्णपदकांसह 9 पदके पटकावली असून, 23 वर्षांखालील आशियाई अजिंक्यपद स्पर्धेच्या इतिहासात एकूण पदकसंख्येच्या बाबतीत भारताची ही आत्तापर्यंतची सर्वोच्च कामगिरी ठरली आहे. महिला कुस्ती संघानेही 6 सुवर्णपदकांसह 10 पदके जिंकली. ग्रीको रोमन संघाने देखील 8 पदकांसह एकूण पदकसंख्येच्या बाबतीत आपली आतापर्यंतची सर्वोच्च कामगिरी नोंदवली.

​आपल्या कुस्तीपटूंचे अभिनंदन. पुढील वाटचालीसाठी माझ्या शुभेच्छा.

 

* * *

निलिमा चितळे/तुषार पवार/दर्शना राणे

सोशल मिडियावर आम्हाला फॉलो करा:@PIBMumbai   Image result for facebook icon /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai


(Release ID: 2266443) अभ्यागत कक्ष : 8