প্রধানমন্ত্রীগী লোইশঙ
প্রধান মন্ত্রীনা 2026 U23 এসিয়ন চেম্পিয়নশিপতা ভারতকী রেস্তলরশিংদা ময়ামদগী থোইদোক-হেন্দোকপা পর্ফোমেন্সকীদমকক্তা থাগৎপা ফোংদোকখ্রে
থাগৎখিবা:
28 MAY 2026 8:10PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি ভিয়েতনামগী দা নাংদা পাংথোকখিবা 2026 U23 এসিয়ন চেম্পিয়নশিপতা ভারতকী রেস্তলরশিংনা উৎখিবা থোইদোক-হেন্দোক্না শিংথানিংঙাই ওইরবা পর্ফোমেন্সকীদমকক্তা থাগৎপা ফোংদোকখ্রে।
শ্রী মোদীনা হায়খি মদুদি ঐখোয়গী নুপাগী ফ্রীস্তাইল অমসুং নুপীগী রেস্তলিং তীমশিংনা চেম্পিয়নশিপতা তীমগী মকোক থোংখি।
প্রধান মন্ত্রীনা হায়খি মদুদি নুপাগী ফ্রীস্তাইল রেস্তলিং তীমনা গোল্দ মেদল 4 য়াওনা মেদল 9 ফংখি। মসিনা U23 এসিয়ান চেম্পিয়নশিপকী পুৱারীদা ভারতকী ওইনা মেদল মশিং খ্বাইদগী য়াম্না লৌরকপা ঙমখি।
মহাক্না মখা তারদুনা হায়খি মদুদি নুপী রেস্তলিং কন্তিঞ্জেন্তনা গোল্দ মেদল 6 য়াওনা মেদল 10 ফংখি।
গ্রীকো-রোমান তীমনা মেদল 8 লৌরকপগা লোইননা হৌজিক ফাওবগী ওইনা মখোয়গী মেদলগী মশিং খ্বাইদগী য়াম্বগী রেকোর্দ থম্বগী ৱাফমসু প্রধান মন্ত্রীনা পনখি।
রেস্তলরশিংবু থাগৎলদুনা, প্রধান মন্ত্রীনা মখোয়গী তুংলমচৎকীদমক য়াইফ-পাউজেল পীখি।
প্রধান মন্ত্রীনা Xতা অসুম্না ইখি;
“ঐখোয়গী রেস্তলরশিংনা ময়ামদগী থোইদোক-হেন্দোক্না শিংথানীংঙাই ওইরবা পর্ফোমেন্স অমা উৎখ্রে!
ঐখোয়গী নুপাগী ফ্রীস্তাইল অমসুং নুপীগী রেস্তলিং তীমশিংনা 2026দা ভিয়েতনামগী দা নাংদা U23 এসিয়ন চেম্পিয়নশিপতা তীমগী তাইতল লৌখি।
নুপাগী ফ্রীস্তাইল রেস্তলিং তীমনা গোল্দ 4 য়াওনা মেদল 9 ফংখি। মসিনা ভারতকী U23 এসিয়ন চেম্পিয়নশিপকী পুৱারীদা মেদল মশিং খ্বাইদগী য়াম্না লৌরকপা ওইখি। নুপী রেস্তলিং কন্তিঞ্জেন্তনা গোল্দ 6 য়াওনা মেদল 10 ফংখি। গ্রীকো-রোমান তীমনা মেদল 8 লৌদুনা হৌজিক ফাওবগী ওইনা মখোয়গী মেদলগী মশিং খ্বাইদগী য়াম্বশু ওইখি।
ঐখোয়গী রেস্তলরশিংদা নুংঙাইবা ফোংদোকচরি। তুংদা লাক্কদবা থবকশিংগীদমক ঐহাক্না য়াইফ-পাউজেল পীজরি।”
***
(রিলিজ আই.দি.: 2266510)
ভিজিতর কাউন্তর : 4