মন্ত্রী সিধু অমসুং মন্ত্রী গোয়লনা লৈবাক অনিগী ত্রেদ অমসুং ইনভেস্তমেন্তকী মরি চেৎশিলহন্নবা, শেল থাদবা চাওখৎপা অমসুং ললোন-ইতিক্কী খুদোংচাবশিং হেনগৎহনবা ঙম্বা তেঞ্জিবল আওৎকমশিং ফংহন্নবা মখোয়গী সেয়র তৌরবা ৱাশক অদু অমুক হন্না ফোঙদোকখি। হন্দক্কী মন্ত্রীশিংগা খুৎশম্নদুনা শেমখিবা খোঙজেল অদুদা য়ুম্ফম ওইরগা মন্ত্রী সিধুনা মন্ত্রী গোয়ল অমসুং মালেমগী মফম অমদা থারকপা খ্বাইদগী চাওবা ভারতকি মীহুৎ কাঙবুবু তরাম্না ওকখি, অমসুং ক্লিন ইনর্জি, মরুওইবা মিনরেলশিং, এগ্রীকলচরেল ফুদ, এদভাল্স মেন্যুফেকচরিং, দিজিতেল তেক্নোলোজিশিং, অমসুং স্কীল দিবেলপমেন্তগুম্বা কম্পলিমেন্তেরি সেক্তরশিংগী মরক্তা তেংবাং পিনবগী খুদোংচাবশিং হেন্না চেৎশিলহন্নবগী খুদোংচাবশিং ফোঙদোকখি।

মন্ত্রী অনিমক্না অচৌবা অমসুং নাকল অনিগী কান্নগদবা কম্প্রিহেন্সিব ইকোনোমিক পার্ত্নর্সিপ এগ্রীমেন্ত (সি.ই.পি.এ.) অমা মাংলোমদা পুখৎনবা মখোয়গী ৱাশক অদু অমুক হন্না ফোঙদোকখি অমসুং চহি অসিগী অরোয়বদা ৱারি শানবা লোয়শিনবগী মখোয়গী সেয়র তৌরবা পান্দম অদু চেৎশিলহল্লে। মখোয়না মার্কেৎ এক্সেস পাকাথোক চাওথোকহনবদা, রেশিলিয়েন্ত শপ্লাই চেনশিংদা মতেং পাংবদা, অমসুং লম্বি অনিগী শেন্মিৎলোনগী চাওখৎপা ঙমহনবদা সি.ই.পি.এ.গী মরুওইবা অদু ফোঙদোকখি।

মন্ত্রীশিংনা কেনাদা-ইন্দিয়া ত্রেদ অমসুং ইনভেস্তমেন্ত ফোর্ম অসি কেনাদা অমসুং ভারতকি বিজিনেস লিদরশিংবু পুনশিল্লিবা অমসুং অনৌবা কম্মর্সিএল পার্ত্নরর্সিপশিং অমসুং বিজিনেস এঙ্গেজমেন্ত হেনগৎহনবা ঙম্বা মরুওইবা প্লেৎফোর্ম অমা ওইনা হৌদোকখি।

মন্ত্রীশিংনা ভারত অমসুং কেনাদাগী মরকতা কনেক্তিবিতি হেঙ্গৎহনবগী মরুওইবদসু অকনবা ৱাফম থমখি – মিয়ামগা মরি লৈনবা, বিজিনেস মোবিলিতি, অমসুং দাইরেক্ত কম্মর্সিএল লিঙ্কেজশিং য়াওনা – ললোন-ইতিক অমসুং শেল থাদবগী পাকথোক চাওথোকপগী তঙাই ফদবা ঙমহনবশিং ওইনা।

মন্ত্রী সিধুনা কনফর্ম তৌখি মদুদি কেনাদানা চহি অসিগী মতুংদা ভারত্তা তিম কেনাদা ত্রেদ মিশন অমা লুচিংগনি, মসিনা ভারতকি কৈথেলদা মখোয়গী লৈফম পাকথোক চাওথোকহনবদা কেনদাগী বিজিনেসশিংনা অকনবা ইন্তরেস্ত অমসুং কম্মর্সিএল পার্ত্নর্সিপশিং হেন্না চেৎশিলহন্নবা সেয়র তৌরবা এমবিসন অদু উৎলি।

কেনাদা অমসুং ভারতনা প্রাইওরিতি সেক্তরশিংদা লোং তর্ম, অৱাংবা থাক্কী ইনভেস্তমেন্তশিং মখা তানা পুক্নিং থৌগৎপা অমসুং লৈবাক অনিমক্কি বিজিনেসশিং, ইনোবেতরশিং, অমসুং ইন্সতিত্যুসমনেল পার্ত্নরশিংগী মরক্তা হেন্না নিংথিনা পুন্না থবক তৌমিন্নবদা মতেং পাংনবা য়ানখি। মন্ত্রীশিংনা লাক্কদৌরিবা থা খরসিদা চাং নাইনা ৱারি শানবা অমসুং অকক্নবা ফলশিং মাংলোমদা পুখৎনবা ৱাশক লৌখি।

***