FAO গী দাইরেক্তর জেনেরেল,

এক্সেলেন্সীশিং,

ইকায়খুম্নজরবা ইবেম্মা অমদি ইবুংঙোশিং,

খুরুমজরি!

ফুদ এন্দ এগ্রিকলচর ওর্গনাইজেসনগী দাইরেক্তর-জেনেরেলবু তরাম্না ওকপিবগীদমক অমসুং ঐগী ইফমদা "এগ্রিকোলা মেদল” পীবিবগীদমক থম্মোয় শেংনা থাগৎচবা ফোঙদোকচরি। মহাক্না ভারতপু থাগৎপগী ৱাফমশিং থমবিখিবগীদমক অমসুং FAO দা মহাক্না চহি কয়া কৎথোক্তুনা থবক তৌবিরকখিবগীদমক ঐহাক্না থাগৎচবা ফোঙদোকচরি।

মসি ঐহাকখক্কী ওইবা ইকাইখুম্নবা অমা নত্তে। মসি ভারতকী লৌমীশিং, শা-শন লোইরিবা, ঙা য়োক্লিবা মীওইশিং, লৌউ-শিংউগী সাইন্তিস্তশিং অমসুং থৌমীশিংগী ইকাইখুম্নবা অমনি। মসি ভারতনা মীওইবগী য়াইফ-থৌরাং, চিঞ্জাক্কী অৱাৎপা লৈতবা ফীভম অমসুং তুং কোইনা চাওখৎপা পুরক্নবগীদমক খোঙফম হন্দনা কৎথোক্লিবা অসিবু শকখঙবীবা অমসু ওইরি। ঐহাক্না মেদল অসি লৌজবগা লোয়ননা মসিবু ভারতকী "অন্নদাতাশিং"গী মফমদা কত্থোকচরি।

মরূপশিং,

ভারতকী খুন্থোক্লোন্দা লৌউ-শিংউ হায়বসি মহৈ মরোং থানবগী পাম্বৈ অমখক নত্তে। মসি মীওইবা অমদি মালেম ইমা অনিগী মরক্তা লৈনরিবা অচৌবা অমদি শেংলবা মরী অমা ওইনা লৌনৈ।

ভারত্তা লৌউ-শিংউ হায়বসি পুন্সিগী য়ুম্ফম অদুবুনি। মসি ঐখোয়গী নাৎকী থাদোক্নবা য়াদ্রবা শরুক অমনি অমসুং ঐখোয়গী নুংগী ওইবা ৱাখল্লোনগী মমি অমসুনি। ঐখোয়গী চৎনবীদা মালেম অসিবু ইমা ওইনা থাক ৱাংনা থম্মি অমসুং লৌমীশিংনা মালেম লৈমগী মচাশিংনি হায়না লৌনৈ। অসিগুম্লবা মতম নাইদ্রবা, চহি লিশিং কয়াগী পারী পুরীদা চেৎনা মরা তাখ্রবা ৱাখল্লোন অসিনা ঙসিসু ঐখোয়না হোৎনরিবশিং অসিবু পুক্নিং থৌগত্তুনা লৈরি।

মরূপশিং,

চহি লিশিং কয়া তম্লকপা অমদি ভারতকী ইনাক খুল্লবা লৌউ-শিংউগী চৎনবীদা শেমগৎ শাগত্তুনা ঐখোয়গী লৈবাক অসিনা ঙসি লৌউ-শিংউগী লমদা সাইন্স, তেক্নোলোজী, অমদি ইনোভেসন্না থৌদুনা পুবা পরমগী খুত্থাঙদা মাঙদা চঙশিল্লি।

ঐখোয়না চাথোক হেনগৎহন্নবা হোৎনবতা নত্তনা তুং কোইগদবা, মালেমগী অইং-অশাগী খল হোংলকপদা খাঙবা ঙমগদবা, অমদি তুংলমচৎকীদমক শেম শারবা লৌউ-শিংউগী ইকোসিস্তেম অমা শেমগৎনবা থবকসু পায়খৎলি। মরম অদুননি ভারত শিনবা থুংনা মিসন মোদতা সাইন্তিফিক ওইবা লৌউ-শিংউ পথাপ্পু খুমাঙ চাওশিনহল্লিবা।

সোইল হেল্থ কার্দকী খুত্থাঙদা ঐখোয়না লৌমীশিংদা সাইন্তিফিক ওইবা লৈপাক লৈহাউ চাংয়েং তৌহল্লি অমসুং য়াওরিবা মচলগী মতুং ইন্না লমজিং পীরি।

“পর দ্রোপ মোরু ক্রোপ” কুম্বা কেম্পেনশিংনা মাইক্রো-ইরিগেসন অমসুং প্রিসিজন ফার্মিং য়োকখত্তুনা লৌমীশিংবু ঈশিং য়াম্না শীজিন্নদনা চাথোক হেন্না ফংহনবা ঙমহল্লি।

মরূপশিং,

ঙসি তেক্নোলোজীনা ভারতকী লৌউ-শিংউগী অনৌবা মপাঙ্গল ওইরক্লি। এগ্রিস্তেক, AI-বেজ এদভাইজরি সীস্তেম, দ্রোন, রিমোৎ সেন্সিং তেক্নোলোজী, অমসুং সেন্সর বেজ মেচিনরীগুম্বা দিজিতেল পব্লিক ইনফ্রাস্ত্রকচর থৌশিলশিংনা ভারত্তা লৌউ-শিংউবগী থবকশিং হেন্না স্মার্ত অমসুং দেতা-দ্রিভন ওইহল্লি। ঙসিদি খুঙ্গংদগী অপীকপা লৌমী অমনা ফাওবা মোবাইল তেক্নোলোজীগী খুত্থাঙদা নোংজু-নুংশাগী অপদেত, মহৈ মরোংগী পাউতাকশিং অমসুং কৈথেলগী ঈ-পাউ ফংবা ঙম্লে।

ভারতনা ক্লাইমেত-রেজিলিএন্ত ওইবা লৌউ-শিংউগী মায়কৈদসু খোঙজেল য়াঙনা চঙশিল্লি। হৌখিবা চহি তরাসিদা লৈবাক অসিদা ক্লাইমেত-রেজিলিএন্ত ওইবা মহৈ মরোং মখল ৩,০০০ লোম শেমগৎখ্রে। লিশিং অহুম। ভারত শিনবা থুংবদগী লৌমী মিলিয়ন কয়ানা ইনোভেসনশিং অসিদগী কান্নবা ফংলি।

মরূপশিং,

লৌউ-শিংউগী তুংগী লাইবক অসি “চাথোক হেন্না পুথোকপা” হায়বসি নত্তে, “হেন্না ফবা চাথোক পুথোকপনি হায়না ঐখোয়না থাজৈ। মীৎয়েঙ অসিনা লমজিং ওইদুনা, বাইওদাইভর্সিতী ফগৎহন্নবা অমসুং কেমিকেল হারশিংদা তাংবগী চাং হন্থহনবদা মরুওইবা মীৎয়েঙ থম্লি। ভারতকী এক্সপিরিএন্সশিং অসিনা মালেমগী মফমদা স্কেল অমদি সস্তেনেবিলিতী অনিমক পুন্না চৎমিন্নবা য়াই, অমদি তেক্নোলোজী অমসুং ইনক্লুজন্না অমনা অমবু মপাঙ্গল কনখৎহনবা ঙম্মি, অমদি সাইন্স-দ্রিভন লৌউ-শিংউনা মালেমগী ফুদ সিক্যুরিতীগী অচেৎপা য়ুম্ফম ওইরক্কনি হায়বা উৎলি।

মরূপশিং,

ঙসি, ভারতকী লৌউ-শিংউগী সেক্তর খোঙজেল য়াঙনা হোংলক্লি। চীঞ্জাক পুথোকপদা মরোমদোম লেপচবগা লোয়ননা ভারতনা মালেমগী ফুদ সিক্যুরিতীগী লমদা মরুওইবা থৌদাং অমসু লৌরি। ভারতনা মালেমগী খ্বায়দগী চাউনা শঙ্গোম অমদি মরু-মরাং পুথোকপা লৈবাক ওইরি। লৈবাক অসিনা চেঙ, গেহু, উহৈ, মনা মশিং, অমসুং লশিং পুথোকপদা মকোক থোংবা লৈবাকশিংগী মরক্তা লৈরি। ভারতকী লৌউ-শিংউগী এক্সপোর্ত মপাঙ্গল কন্না চাউখৎলক্তুনা ২০২০ দা দোলর বিলিয়ন ৩৫ লৈরম্বদগী মমাঙ চহিদা দোলর বিলিয়ন ৫১ হেল্লে।

মরূপশিং,

মায় পাকপশিং অসি তশেংনা শিংথানিংঙাই ওই মরমদি ভারত্তা মালেমগী লৌউ-শিংউ তৌবা য়াবা অপুনবা লমগী ২.৫% খক্তমক লৈ, অদুগা মালেমগী অপুনবা মীশিংগী ১৮% লোম লৈবাকসিদা লৈরি। ভারতকী মায় পাকপনা গ্লোবেল সাউথ পুম্বগী পুক্নিং থৌগৎনফম ওইরি অমসুং লৈবাক কয়াদা মাঙদা চঙশিন্নবা থাজবা পী। ভারতকীদমক্তদি ফুদ সিক্যুরিতী হায়বসি খুজিল থৌরাংগী ৱাফম অমখক নত্তে – মসি মীওইবা খুন্নাইগীদমক লৌগদবা থৌদাং অমনি।

মরূপশিং,

ভারতকা FAO গা খোঙবু ওইরক্লিবা অসি দেকেদ য়াম্লে। এম.এস. স্বামিনাথন অমদি বিনয় রঞ্জন সেন গুম্বা মমিং লৈরবা সাইন্তিস্তশিংনা ফুদ এন্দ এগ্রিকলচর ওর্গনাইজেসনগীদমক থবক তৌদুনা মালেমগী ফুদ সিক্যুরিতীগী লমদা অচৌবা থৌদাং লৌরম্বগীদমক ঐখোয় চাউথোকচৈ। কাঙলোন, খুজিল থৌরাং, অমসুং মীওইবগী মমল পুনশিল্লকপা মতমদা তশেংনা অহোংবা লাক্কনি হায়না ভারতনা মতম পুম্বদা থাজদুনা লাকখি। হৌদোরকপা মেম্বর অমা ওইনা ভারতনা মালেমগী ফুদ সিক্যুরিতী, তুং কোইগদবা লৌউ-শিংউ, অমদি অরাম খৌরাংবা লৈত্রবা মালেম অমা পুরক্নবগীদমক মতম পুম্বদা FAO গা থবক তৌদুনা লাক্লি। ঐখোয়গী খোঙবু ওইবগী মরীগী খ্বায়দগী ফবা খুদম অমা ইন্তরনেস্নেল ইয়র ওফ মিল্লেতসতা উবা ফংখি। ফুদ এন্দ এগ্রিকলচর ওর্গনাইজেসনগা পুন্না হোৎনমিন্নদুনা মালেম অসিনা অমুক হন্না চনানগী মরুওইবা অমসুং মতিক ময়ায় খঙবা ঙম্লে। ঐখোয়না তুংদসু পুন্না থবক তৌমিন্নখিগনি। ঐহাক্না চনানগী মতাঙদা ৱারী শানবা খুদিং মীওই অয়ামবনা মশিগী মচি ওইবা মচলদা পুক্নিং চঙনৈ। অদুবু চনান অসি অকোয়বগী ফীভমগা চুনবা মহৈ মরোং অমসুনি। মখোয় ঈশিং য়াম্না চঙদে অমসুং কেমিকেল হার য়াওদনা হৌবা ঙম্মি। ভারত্তা লৌমী ৮৫% দি অকক্নবা লম খরদা লৌ উজবা অপীকপা লৌমীশিংনি। ঈথৈ-লৌখোংগী খুদোংচাবা লৈতবা মফম কয়াদা লৌমীশিংনা কুমগী নোংদা তাংদুনা লৈ, মতাংসিদা চনান থাবনা মচি ওইবা মচল হেনগৎহনবতা নত্তনা অকোয়বগী ফীভম ঙাক শেনবদসু চাউনা মতেঙ ওইরি।

মরূপশিং,

ভারত্তা ঐখোয়না “জয় জৱান, জয় কিসান” হায়না। লৌমীনা লৌ হুনবা মতমদা মহাক্না মহৈ মরোংখক্তা নত্তা হুল্লিবদু, মহাক্না তুংগী মীরোলগী থাজবসু মরু হুল্লিবনি। ঙসি মালেম অসিনা তমবা ঙমদবা অমদি লৈতাদবা ফীভম অমা মায়োক্নরিবা মতমসিদা লৌমীশিংগী থৌদাং য়াম্না হেন্না মরুওইরক্লি। ঙসি উৎপিরিবা ইকায়খুম্নবা অসিনা ভারতকী লৌমীশিংগী খোঙফম হেন্না চেৎশিনহল্লগনি। ভারতনা অরাম খৌরাংবা, লায়রবা, অমদি মচি ওইবা মচল ফংদবা থেংননা মালেমগী ওইনা হোৎনরিবশিংদা মপুং ফানা ঙাক্লৌ পীখিগনি। অদোম্না হেং “চাগী নুমিৎ” পাঙথোক্কনি হায়না তৌরিবা তাঞ্জাসিদা “চাইৱালা” অমা ময়ামগী মরক্তা থৌরম অসিদা শরুক য়াননবা নোংমা ৱাৎলিঙৈদা য়ৌরক্তুনা লৈরে। ভারত মাগী মখল মখা কয়াগী চাগীদমক খঙনৈ অমসুং চাদা তশেংনা অখন্নবা মতিক ময়ায় চেল্লি।

অমুক্কা হন্না, ঐহাক্না FAO গী দাইরেক্তর জেনেরেলগী মফমদা থম্মোয় শেংনা তৌবিমল খঙবা উৎচরি।

ঐহাক্না ময়ামগী মফমদা য়াইব-পাউজেল পীজরি।

ময়ামবু হন্না হন্না থাগৎচরি।

দিসক্লেমর: মসি প্রধান মন্ত্রীগী ৱারোলগী চাউরাকপা ৱাহন্থোক্নি। অশেঙবা ৱারোলদি হিন্দীদা পীখিবনি।

***