ભારત સરકાર વિવિધ વ્યૂહાત્મક પહેલો અને નીતિગત હસ્તક્ષેપો દ્વારા દેશમાં સ્થિતિસ્થાપક, વિશ્વસનીય અને ટકાઉ સેમિકન્ડક્ટર ઇકોસિસ્ટમના વિકાસ માટે સંકલિત પ્રયાસો કરી રહી છે. સેમિકોન ઇન્ડિયા પ્રોગ્રામ હેઠળ, અત્યાર સુધીમાં 12 ફેબ/પેકેજિંગ પ્રોજેક્ટ્સને મંજૂરી આપવામાં આવી છે તેમજ 24 સેમિકન્ડક્ટર્સ ડિઝાઇન પ્રોજેક્ટ્સને મંજૂરી આપવામાં આવી છે.

રોકાણકારોનો આત્મવિશ્વાસ વધારવા અને તેમની ચિંતાઓને દૂર કરવાના વિઝન સાથે, ઇન્ડિયા સેમિકન્ડક્ટર મિશને 26.05.2026 ના રોજ "ઇન્વેસ્ટર્સ સપોર્ટ" શીર્ષક હેઠળ એક ઓનલાઇન પોર્ટલ લોન્ચ કર્યું છે, જે https://www.ism.gov.in/investment પર ઉપલબ્ધ છે.

આ પોર્ટલ એવા રોકાણકારોને સરકારી યોજનાઓ, નીતિઓ, સેમિકોન ઇન્ડિયા પ્રોગ્રામ હેઠળ મંજૂર કરાયેલા પ્રોજેક્ટ્સ, નિયમનકારી જરૂરિયાતો વગેરે સંબંધિત માહિતી પૂરી પાડવા માટે વિકસાવવામાં આવ્યું છે જેઓ ભારતમાં રોકાણ કરવાનું વિચારી રહ્યા છે.

પોર્ટલ રોકાણકારોને તેમની ફરિયાદો/ચિંતાઓ નોંધવા માટે પણ સક્ષમ બનાવશે જેનું નિરાકરણ ઇન્ડિયા સેમિકન્ડક્ટર મિશન (ISM)ના અધિકારીઓ દ્વારા સંબંધિત મંત્રાલયો, વિભાગો, સંસ્થાઓ, રાજ્ય સરકારો, મંજૂર કરાયેલી પ્રોજેક્ટ કંપનીઓ અને આંતરરાષ્ટ્રીય તથા રાષ્ટ્રીય વેપારી સંસ્થાઓ/એસોસિએશનોના નોડલ અધિકારીઓના સહયોગથી કરવામાં આવશે.

લોન્ચિંગ ઇવેન્ટ દરમિયાન, ISMના CEO શ્રી અમિતેશ કુમાર સિન્હાએ વિદેશી રોકાણકારોને હેન્ડહોલ્ડિંગ અને સુવિધા પૂરી પાડવાના મહત્વ પર ભાર મૂક્યો હતો અને દેશમાં સેમિકન્ડક્ટર ઉત્પાદન અને ડિઝાઇન ઇકોસિસ્ટમને વધુ મજબૂત કરવા માટે રોકાણકારોની ચિંતાઓને દૂર કરવામાં તમામ સંબંધિત હિસ્સેદારોના પ્રતિનિધિઓને તેમની સંબંધિત ભૂમિકાઓ સક્રિયપણે નિભાવવાનો આગ્રહ કર્યો હતો.

સંબંધિત હિસ્સેદારોને સુવ્યવસ્થિત સંકલન અને ચિંતાઓના સમયબદ્ધ નિરાકરણ માટે સુરક્ષિત, ભૂમિકા-આધારિત, સિંગલ-વિન્ડો ડિજિટલ ઇન્ટરફેસ મળશે.

લોન્ચિંગ ઇવેન્ટમાં પોર્ટલના માળખા, કાર્યક્ષમતાઓ, ઓનબોર્ડિંગ પ્રક્રિયા, સંકલન પદ્ધતિઓ અને સહભાગી મંત્રાલયો, વિભાગો, સંસ્થાઓ, રાજ્ય સરકારો, મંજૂર કરાયેલી પ્રોજેક્ટ કંપનીઓ, આંતરરાષ્ટ્રીય અને રાષ્ટ્રીય વેપારી સંસ્થાઓ/એસોસિએશનોના નોડલ અધિકારીઓની ભૂમિકા અને જવાબદારીઓની ઝાંખી અને વોકથ્રુ પણ સામેલ હતા.

SM/DK/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com