কেন্দ্র সরকারনা নেস্নেল স্পোর্তস গবর্নান্স এক্ত, ২০২৫গী প্রোভিজনশিংগী মখাদা নেস্নেল স্পোর্তস গবর্নান্স (নেস্নেল স্পোর্তস বোর্দ) রুল্স, ২০২৬ অমসুং নেস্নেল স্পোর্তস গবর্নান্স (নেস্নেল স্পোর্তস ত্রাইব্যুনেল) রুল্স, ২০২৬গী নোতিফিকেসন পীখ্রে।

নেস্নেল স্পোর্তস গবর্নান্স (নেস্নেল স্পোর্তস বোর্দ) রুলস, ২০২৬না বোর্দ অসিগী মওং-মতৌ, চেয়রপর্সন অমসুং মেম্বরশিংগী ওফিসকী মতম, সেলরী, এলাৱেন্সশিং অমসুং অতোপ্পা সর্ভিসকী ফিভমশিং, বোর্দ অসিগী শক্তি অমসুং মথৌশিং পীরি।

রুলশিংগী মতুং ইন্না, নেস্নেল স্পোর্তস বোর্দ অসি চেয়রপর্সন অমসুং মেম্বর অনি লৈগনি অমসুং মখোয় অনি অসি নেস্নেল স্পোর্তস বোর্দ (সর্চ-কম-সেলেক্সন কমিতী) রুলস, ২০২৬গী মখাদা শেমখিবা সর্চ-কম-সেলেক্সন কমিতীনা রিকমেন্দ তৌখিবা মমিংশিংগী পেনেল অমদগী কেন্দ্র সরকারনা খনগনি।

নেস্নেল স্পোর্তস বোর্দনা নেস্নেল স্পোর্তস বোদীশিংবু শকখঙনবা অমসুং গবর্নান্স, ফাইনান্সিয়েল অমসুং এথিকেল স্তেন্দর্দশিং ঙাক্না চৎনবগীদমক সেন্ত্রেল ওথোরিতী ওইনা মথৌ তৌগনি।

নেস্নেল স্পোর্তস গবর্নান্স (নেস্নেল স্পোর্তস ত্রাইব্যুনেল) রুলস, ২০২৬না ত্রাইব্যুনেলগী চেয়রমেন অমসুং মেম্বরশিংগী ওফিসকী মতম, মখোয়বু খল্লবা অমসুং অমুক হন্না খল্লকপগী থৌওং, শেনফম অমসুং এলাৱেন্স, সর্বিসকী ফিভম অমসুং ত্রাইব্যুনেলগী শক্তিশিং পীরি।

রুলশিং অসিদা দিজিতেল ওইনা ইমপ্লিমেন্ত তৌনবগী তেক্নো-লিগেল ওইবা থৌরাংশিংসু য়াওরি। মসিগী মনুংদা দিস্পুতশিং, নোতিসশিং, রেস্পোন্সশিং, দোক্যুমেন্তশিং অমসুং ক্লিয়রেন্সীশিং সবমিত তৌনবগীদমক সেন্ত্রেল গবর্নমেন্তনা অখন্নবা পোর্তেল অমা নোতিফাই তৌবা য়াওরি। মসিগা লোয়ননা ত্রাইব্যুনেলদগী পাউ ফাওনবগী থৌওং, ওর্দরশিং ফোঙদোকপা, ভর্চুৱল হিয়রিংশিং অমসুং প্রোসিদিংশিং অমসুং ওর্দরশিংগা মরী লৈনবা রেকোর্দশিং থম্বা য়াওরি।

নেস্নেল স্পোর্তস ত্রাইব্যুনেল অসি লৈবাক অসিদা স্পোর্তসকা মরী লৈনবা ৱাথোকশিংগীদমক্তা অখন্নবা মীৎয়েং থম্বা বোদী অমা ওইনা মথৌ তৌগনি। মসিগী পান্দমদি সিভিল কোর্তশিংদা মখা পোনবা হন্থহনবা অমসুং স্পোর্তস গবর্নান্স অমসুং এদমিনিস্ত্রেসনগা মরী লৈনবা ৱাথোকশিংবু নীংথিনা, অথুবা মতমদা, ইফেক্তিব ওইনা অমসুং শেল চঙদনা ৱারোইশিন পুরকপা য়াহনবনি।

ত্রাইব্যুনেল অসিনা লিতিগেসনগী মল্তিপ্লিসিতী হন্থহল্লগনি অমসুং স্পোর্তকী ৱাথোকশিংবু হেন্না থুনা, লায়না অমসুং হেন্না কোম্না পুরক্নবা সিঙ্গল ৱিন্দো মেকানিজম অমা ফংহল্লগনি হায়নসু পান্দম থম্লি।

নেস্নেল স্পোর্তস ত্রিব্যুনেল ২০২৬গী নোতিফাই তৌরবা রুলশিংগী অকুপ্পা মরোলশিং মফমসিদা য়েংবা য়াগনি:

https://egazette.gov.in/WriteReadData/2026/272847.pdf

The details of the notified rules of National Sports Board 2026 can be read here:

নেস্নেল স্পোর্তস ত্রিব্যুনেল ২০২৬গী নোতিফাই তৌরবা রুলশিংগী অকুপ্পা মরোলশিং মফমসিদা য়েংবা য়াগনি:

https://egazette.gov.in/WriteReadData/2026/272844.pdf

*****