કેન્દ્ર સરકારે નેશનલ સ્પોર્ટ્સ ગવર્નન્સ એક્ટ, 2025ની જોગવાઈઓ હેઠળ નેશનલ સ્પોર્ટ્સ ગવર્નન્સ (નેશનલ સ્પોર્ટ્સ બોર્ડ) રૂલ્સ, 2026 અને નેશનલ સ્પોર્ટ્સ ગવર્નન્સ (નેશનલ સ્પોર્ટ્સ ટ્રિબ્યુનલ) રૂલ્સ, 2026 અધિસૂચિત કર્યા છે.

નેશનલ સ્પોર્ટ્સ ગવર્નન્સ (નેશનલ સ્પોર્ટ્સ બોર્ડ) રૂલ્સ, 2026 બોર્ડની રચના, અધ્યક્ષ અને સભ્યોના હોદ્દાની મુદત, પગાર, ભથ્થાં અને સેવાની અન્ય શરતો તેમજ બોર્ડની સત્તાઓ અને કાર્યોની જોગવાઈ કરે છે.

નિયમો હેઠળ, નેશનલ સ્પોર્ટ્સ બોર્ડમાં એક અધ્યક્ષ અને બે સભ્યોનો સમાવેશ થશે જેની નિમણૂક કેન્દ્ર સરકાર દ્વારા નેશનલ સ્પોર્ટ્સ બોર્ડ (સર્ચ-કમ-સિલેક્શન કમિટી) રૂલ્સ, 2026 હેઠળ રચાયેલી સર્ચ-કમ-સિલેક્શન કમિટી દ્વારા ભલામણ કરાયેલ નામોની પેનલમાંથી કરવામાં આવશે.

નેશનલ સ્પોર્ટ્સ બોર્ડ રાષ્ટ્રીય રમતગમત સંસ્થાઓને માન્યતા આપવા અને શાસન, નાણાકીય અને નૈતિક ધોરણોનું પાલન સુનિશ્ચિત કરવા માટે કેન્દ્રીય સત્તાધિકારી તરીકે કાર્ય કરશે.

નેશનલ સ્પોર્ટ્સ ગવર્નન્સ (નેશનલ સ્પોર્ટ્સ ટ્રિબ્યુનલ) રૂલ્સ, 2026 ટ્રિબ્યુનલના અધ્યક્ષ અને સભ્યોના હોદ્દાની મુદત, તેમની નિમણૂક અને પુનઃ નિમણૂકની પ્રક્રિયા, પગાર અને ભથ્થાં, સેવાની શરતો અને ટ્રિબ્યુનલની સત્તાઓની જોગવાઈ કરે છે.

નિયમોમાં ડિજિટલ અમલીકરણ માટે ટેકનો-લીગલ (તકનીકી-કાનૂની) પગલાંનો પણ સમાવેશ થાય છે, જેમાં વિવાદો, નોટિસો, જવાબો, દસ્તાવેજો અને સ્પષ્ટતાઓ સબમિટ કરવા માટે, તેમજ ટ્રિબ્યુનલ તરફથી સંદેશાવ્યવહાર, આદેશોનું પ્રકાશન, વર્ચ્યુઅલ સુનાવણી અને કાર્યવાહી તથા આદેશો સંબંધિત રેકોર્ડની જાળવણી માટે કેન્દ્ર સરકાર દ્વારા સમર્પિત પોર્ટલની અધિસૂચના સામેલ છે.

નેશનલ સ્પોર્ટ્સ ટ્રિબ્યુનલ દેશમાં રમતગમત સંબંધિત વિવાદો માટે એક સમર્પિત નિર્ણાયક સંસ્થા તરીકે સેવા આપશે. તેનો ઉદ્દેશ્ય સિવિલ કોર્ટ પરની નિર્ભરતા ઘટાડવાનો અને રમતગમતના શાસન અને વહીવટ સંબંધિત વિવાદોના સ્વતંત્ર, ઝડપી, અસરકારક અને ખર્ચ-કાર્યક્ષમ નિકાલને સુનિશ્ચિત કરવાનો છે.

ટ્રિબ્યુનલ દ્વારા મુકદ્દમાની સંખ્યા ઘટાડશે અને રમતગમતના વિવાદોના ઝડપી, સરળ અને વધુ સુલભ ઉકેલ માટે સિંગલ-વિન્ડો મિકેનિઝમ પ્રદાન કરશે તેવી પણ અપેક્ષા છે.

અધિસૂચિત નેશનલ સ્પોર્ટ્સ ટ્રિબ્યુનલ 2026ના નિયમોની વિગતો અહીં વાંચી શકાય છે:

https://egazette.gov.in/WriteReadData/2026/272847.pdf

અધિસૂચિત નેશનલ સ્પોર્ટ્સ બોર્ડ 2026ના નિયમોની વિગતો અહીં વાંચી શકાય છે:

https://egazette.gov.in/WriteReadData/2026/272844.pdf

SM/BS/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com