রেলৱেজনা ত্রেনশিং, পেসেঞ্জরশিং, স্তেসনগী অকোয়বগী ফীভম অমসুং পাক-চাউরবা রেল নেৎৱর্ক অসিগী সেফতী হেনগৎহন্নবা AI, দ্রোনশিং, CCTV অসিনচিংবা খ্বাইদগী মোদর্ন ওইবা তেক্নোলোজী খুৎলায়শিং অসি লেপ্তনা শীজিন্নরি। মসি রেলৱে প্রোতেক্সন ফোর্স (RPF) গী বীত থাক্তা ইন্তলিজেন্স খোমজিনবগী মওং-মতৌ অসি মীসন মোদতা মপাঙ্গল কনখৎহনদুনা চঙশিল্লি। ঙসি নই দিল্লীদা পাঙথোকখিবা য়াম্না মরুওইবা অৱাংবা থাক্কী সেক্যুরিতী রিভ্যু মীফম অমদা, রেলৱে মন্ত্রীনা নেস্নেল কেপিতেল অসিদা লৈবা সেনিয়র ওফিসিএলশিংগী য়াওনা লৈবাক শিনবা থুংবদগী লাকপা ফিল্দ ওফিসিএলশিংগা লোয়ননা কুপ্না খন্ন-নৈনখ্রে। রেল ভবনদা পাঙথোকখিবা মীফম অদু রেলৱে মন্ত্রী অশ্বিনী বৈষ্ণবনা থৌরম মপু ওইখি। রেলৱে বোর্দকী চেয়রমেনগী মথক্তা রেলৱেজগী রাজ্য মন্ত্রী ভি. সোমন্না অমসুং রবনীত সিংহ বিত্তুসু মীফম অদুদা শরুক য়াখি।

হৌজিৎ থোক্লবা মৈ চাকপগী থৌদোক খরা য়াওনা থৌদোক কয়াগী অহানবা থিজিন-হুমজিনবদা হৌখিবা নুমিৎ খরনিসিদা এন্তি-সোসিএল এলিমেন্তশিংগী খুৎ য়াওবগী ৱাফম থোরক্লি হায়না মীফম অসিদা খন্নখি। ইন্দিয়ন রেলৱেজনা থৌদোক অসিগুম্বশিং অসি য়াম্না লুম্না লৌই অমসুং RPF না থৱায় য়াওনা থিজিন-হুমজিনবগী থবক চত্থরি। থৌদোক কয়াদা রেলৱেজনা থুনা অমসুং মাঙজিল থানা থবক লৌখৎপনা অচৌবা খুদোংথিবা কয়ামরুম থিংবদা মতেঙ ওইখি। ন্তিলিজেন্স সিস্তেমশিং মপাঙ্গল কনখৎহনবা অমসুং ইনপুতশিং থুনা প্রোসেস তৌনবা তেক্নোলোজী শীজিন্নবগী মথক্তা, পেসেঞ্জরশিংনা মখোয়গী খোঙচৎ মনুংদা অমসুং স্তেসনগী অকোয়বদা ঙাইরিঙৈদা এন্তি-সোসিএল থবক-থৌরমশিং থিংনবা হোৎনবদা থৱায় য়াওনা মতেঙ পাংনবা রেলৱেজনা মখা তানা পুক্নিং থৌগৎকনি হায়নসু খন্নখি। মসিনা মরম ওইদুনা রেলৱেজনা চৎথোক-চৎশিন তৌবদা পেসেঞ্জরশিংনা মীৎশিং-নাশিংনা অমসুং চেকশিন্না লৈনবা খঙহনখ্রে। রেলৱে অকোয়বদা চিংননিংঙাই ওইবা থবক-থৌরম নত্ত্রগা চিংনবা মীওই অমা হেক্তা রেলৱে হেল্পলাইন নম্বর ১৩৯ দা থুনা পাউ পীবিগদবনি।

সিক্যুরিতী রিভ্যু মীফম অসিগী মনুংদা খন্ন-নৈনখিবশিং অদুদি ফীভম ফগৎহল্লবা রিপোর্ত তৌবগী পথাপ অমগী খুত্থাঙদা ফিল্দদগী ইন্তলিজেন্স খোমজিনবগী পথাপ মপাঙ্গল কনখৎহনবদা মীৎয়েং থমখি। তেক্নোলোজীনা চলাইবা সিক্যুরিতী সিস্তেমশিংগী মতিং হেনগৎহনবা, রেলৱে নেৎৱর্ক শিনবা থুংনা CCTV কভরেজ পাকথোক-চাউথোকহনবা, অমসুং রেলৱে বোর্দ হেদক্বাতরশিং অমসুং ফিল্দ জোনশিংগী মরক্তা ওপরেস্নেল সিক্যুরিতী কোওর্দিনেসন ফগৎহনবগী মতাঙদসু খন্নখি। মীফম অদুদা সাইবর সিক্যুরিতী মপাঙ্গল কনখৎহনবা, কেমেরা স্পেসিফিকেসন্সশিং অপগ্রেদ তৌবা, অমসুং AI দা য়ুম্ফম ওইবা সর্ভিলেন্স অমসুং মোনিতরিং সিস্তেমশিং শীজিন্নবদা ময়েক শেঙনা মীৎয়েং থমখি। রেলৱে নেৎৱর্ক শিনবা থুংনা হেন্না কান্নবা মওংদা সিক্যুরিতী মেনেজমেন্ত তৌনবা RPF অমসুং গবর্নমেন্ত রেলৱে পুলিসকী মরক্তা ঈ-পাউ তাথোক তাশিন তৌবগী পথাপ ফগৎহনদুনা কোওর্দিনেসন মপাঙ্গল কনখৎহনবদা মীফম অদুনা মখা তানা মীৎয়েং থমখি।

***