এসিয়ান প্রদক্তিবিতি ওর্গনাইজেসন (এ.পি.ও.)গী গবর্নিং বোদিগী ৬৮শুবা সেসন অসি ভারত সরকারনা, এ.পি.ও.গী চেয়রমেন ওইনা, ২০২৬কি মে ২০দগী ২২ ফাওবা নই দিল্লিগী ভারত মন্দপমদা পাঙথোক্লি। সেসন অসিদা এ.পি.ও.গী মেম্বর ইকোনোমি ২০গী মিহুৎ ওইরিবা সেনিয়র দেলিগেৎ ৬০ হেন্না পুনশিন্নরগনি।

২০২৬কি মে ২১দা পাঙথোক্কদৌরিবা অহানবা সেসন অসিদা কেন্দ্রগী কম্মর্স অমসুং ইন্দস্ত্রীগী মন্ত্রী শ্রী পিয়ুশ গোয়লনা শরুক য়াগনি। এ.পি.ও.গী দিরেক্তরশিং, এদভাইজরশিং, এ.পি.ও.গী মেম্বর ইকোনোমীশিংগী দিপ্লোমেতিক মিসনশিংগী মিহুৎশিং অমসুং চাপাও ফংবা মীওইশিংনা থৌরম অসিদা শরুক য়াগনি হায়না থাজরি। কজাখস্তান, উজবেকিস্তান অমসুং ভুতানগী সরকারশিংগী ওবজর্ভরশিংগা লোয়ননা গ্লোবেল গ্রীন গ্রোথ ইনসতািৎয়ুৎকি ওবজারভরশিংসু শরুক য়াগনি।

নুমিৎ হুম্নিগী থৌরম অসিদা এ.পি.ও.গী ভিজন ২০৩০গী ফ্রেমৱার্ক, ২০২৭–২৮গী বিয়েনিয়মগী এ.পি.ও.গী মমাঙগী বজেৎ অমসুং এ.পি.ও.গী সেক্রেতরী জেনরেলগী মিখলগী থৌঅোংশিং য়েংশিনবগী মতাংদা অৱাংবা থাক্কী খন্ন-নৈনবা য়াওগনি।

মরুওইবা এজেন্দা আইতেমশিংগী মনুংদা ৬৮শুবা গবর্নিং বোদি মিফম্ (জি.বি.এম.) ফোর্মেল ওইনা হৌদোকপা অমসুং হাংদোকপা; ২০২৬–২৭কি ওইনা এ.পি.ও.গী চেয়রমেন অমসুং ভাইস চেয়রমেন মীখল; এ.পি.ও.গী চহিগী অমসুং শেল-থুমগী রিপোর্ত য়েংশিনবা অমসুং এদোপ্ত তৌবা; বজেৎ প্রপোজেলশিং অমসুং ইন্সতিত্যুস্নেল রিফোর্মশিংগী মতাংদা খন্ন-নৈনবা; এ.পি.ও.গী ভিজন ২০৩০গী মখাদা প্রোগ্রেস অমসুং সেক্রেতরিয়েতকি থবক থৌরমশিং য়েংশিনবা; অমসুং মরুওইবা পোলিসি অমসুং প্রোসিদ্যুরগী রিকমেন্দেসনশিং এন্দোর্স তৌবা।

হৌদোকপগী সেসন মনুংদা এ.পি.ও.গী নেস্নেল এৱার্দ প্রোগ্রামগী মখাদা এ.পি.ও.গী নেস্নেল এৱার্দ ফোর প্রদক্তিবিতি এদভোকেৎশিং অমসুং এ.পি.ও.গী নেস্নেল এৱার্দ ফোর প্রদক্তিবিতি তেক্নিকেল এক্সপর্তশিংগী কেতেগোরিশিংদা মনা পিগনি।

মনাশিং অসিনা এ.পি.ও.গী মেম্বর ইকোনোমি পুম্নমক্তা তেঞ্জিবল ওইবা অহোঙবা পুরকপা ঙম্বা প্রদক্তিবিতিগী কলচর অমা পুক্নিং থৌগৎপগা লোয়ননা ইম্পেক্তফুল ইনিসিয়েতিবশিং থৌগৎলিবা মশক থোকপা প্রদক্তিবিতি চেম্পিয়নশিংবু প্রমোত তৌবা অমসুং শকখঙবদা নেস্নেল প্রদক্তিবিতি ওর্গনাইজেসনশিং (এন.পি.ও.শিং)গী থৌদাং অসি মপাঙ্গল কনখৎহন্নবা পান্দম থম্লি।

গবর্নিং বোদি (জি.বি.) অসি এ.পি.ও.গী খ্বাইদাগী ৱাংবা ৱারেপ লৌবা বোদিনি অমসুং মসিনা গবরনান্স, শ্ৎরেতেজিক ওভরশাইৎ অমসুং ওর্গনাইজেশনেল ৱারেপ লৌবগী এপেক্স ইন্সতিত্যুস্নেল ফোরম্ ওইনা থবক তৌই। চহি খুদিংগী পাংথোকপা গবর্নিং বোদিগী মিফম্ অসিনা এ.পি.ও.গী মেম্বর ইকোনোমি পুম্নমক্কি ওফিসিএল মিহুৎশিংবু পুনসিন্দুনা ওর্গনাইজেসন অসিগী শ্ৎরেতেজিক দিরেক্সন, চহিগী ওইবা প্রোগ্রামগী মরুওইবশিং, গবরনান্স ফ্রেমৱারকশিং, ইন্সতিত্যুস্নেল পরফোমেন্স অমসুং ফাইনান্সিএল প্লানিংগী মতাংদা খন্ন-নৈনরি।

শ্রী অমরদিপ সিংহ ভাতিয়া (আই.এ.এস.), দিপার্তমেন্ত ফোর প্রমোসন ওফ ইনদস্ত্রী অমশুং ইন্তর্নেল ত্রেদ (দি.পি.আই.আই.তি.)না ২০২৫গী মে থাদা পাংথোকখিবা এ.পি.ও.গী গবর্নিং বোদিগী ৬৭শুবা সেসনগী চেয়রমেন ওইনা থবক তৌখি, চপ মান্নবা সেসন মনুংদা ভারতনা এ.পি.ও.গী গবর্নিং বোদিগী ৬৮শুবা সেসন পাঙথোক্নবা ৱারেপ লৌখি।

১৯৬১দা লিংখৎখিবা এসিয়ান প্রদক্তিবিতি ওর্গনাইজেসন অসি এসিয়া-পেসিফিক লমদমগী মেম্বর ইকোনোমি ২১ য়াওবা ইন্তরগবরমেন্ত ওর্গনাইজেসন অমনি। এ.পি.ও.না নাকল অনিগী মতেং পিনবা অমসুং লৌশিং পিথোক-পিশিন তৌনবগী খুত্থাংদা তুং কোয়না চৎকদবা সোসিও-ইকোনোমিক দিবেলপমেন্তকিদমক প্রদক্তিবিতি হেঙ্গৎহন্নবা ৱাশক্লি। হৌখিবা চহি তরাগী খুজিং ৬ অসিদা ওর্গনাইজেসন অসিনা পোলিসি দাইলোগ, তেক্নিকেল কোওপরেসন, ইন্সতিত্যুস্নেল কেপাসিতি বিল্দিং, নোলেজ একচেঞ্জ অমসুং প্রদক্তিবিতি হেনগৎহনবদা খ্বাইদাগী ফবা প্রেক্তিসশিং শন্দোকপগী খুত্থাংদা মেম্বর ইকোনোমিশিং মপাঙ্গল কনখৎহনবদা মরুওইবা থৌদাং লৌরি।

থৌরম অসিনা নাকল অনিগী অমসুং মল্তিলেতরেল এঙ্গেজমেন্তকি খুদোংচাবশিংসু পিরগনি, লৌশিং পিথোক-পিশিন তৌনবা য়োকখৎলগনি অমসুং মেম্বর ইকোনোমীশিংগী মরক্তা তেংবাং পিনবদা মপাঙ্গল কনখৎহনগনি।

এ.পি.ও.গী গবর্নিং বোদিগী ৬৮শুবা সেসন ভারতনা পাংথোকপা অসিনা লমদম অসিদা প্রদক্তিবিতিনা লুচিংবা গ্রোথ, ইনোবেসন অমসুং সস্তেনেবল দিবলপমেন্ত প্রমোত তৌনবা মখা তানা ৱাশক লৌরিবা অদু উৎলি, মসি নেস্নেল প্রাইওরিতিশিং অমসুং মালেমগী ইকোনোমিক ত্রেন্দশিংগা চুশিন্নরি।

***