দিজিতেল গবর্নান্স মপাঙ্গল কনখৎহন্নবা অমসুং আয়ুশ সেক্তরদা ত্রান্সপরেন্সী হেনগৎহন্নবা মরু ওইবা খোংথাং অমা ওইনা, কেন্দ্রগী আয়ুশকী রাজ্য মন্ত্রী (আই.সি.) অমসুং হকশেল অমসুং ইমুং মনুংগী য়াইফ য়ুম্বালগী রাজ্য মন্ত্রী শ্রী প্রতাপরাও যাদবনা ঙসি নই দিল্লীগী কর্তব্য ভবনদা আয়ুশ অন্নুদান পোর্তেল হৌদোকখ্রে। পোর্তেল অসি আয়ুশ মন্ত্রালয়না আয়ুশ গ্রিদ ইনিসিয়েতিবকী মখাদা শেমগৎপনি। মসিনা মন্ত্রালয় অসিগী তোঙান তোঙানবা সেন্ত্রেল সেক্তর স্কিমশিংগী মখাদা শেল থাদবগী প্রোপোজেলশিং সবমিৎ তৌবা, প্রোসেসিং তৌবা, অয়াবা পীবা অমসুং মোনিটর তৌবদা মরুওইবা মাইলস্তোন অমা ওইরি।

পোর্তেল অসি হৌদোক্লদুনা শ্রী প্রতাপরাও যাদবনা হায়খি মদুদি আয়ুশ গ্রিদ অসি ভারত সরকারগী মিৎয়েং থম্বা দিজিতেল ইনিসিয়েতিব অমনি। মসিগী পান্দমদি অনৌবা তেক্নোলোজী শিজিন্নদুনা আয়ুশ সেক্তরগীদমক ইন্তিগ্রেতেদ, ত্রান্সপরেন্ত অমসুং সিতিজন-সেন্ত্রিক দিজিতেল ইকোসিস্তেম অমা শেমগৎপনি। ইনিসিয়েতিব অসিগী মায়কৈদা থম্লিবা মিৎয়েং অদু পল্লদুনা মন্ত্রীনা হায়খি, "ইজ ওফ দুইং বিজিনেস" অমসুং "ইজ ওফ লিভিং"গী মতাংদা প্রধান মন্ত্রী শ্রী নরেন্দ্র মোদীগী মিৎয়েংদগী ইথিল পীরদুনা, আয়ুশ অনুদান পোর্তেল অসি মপুং ওইবা দিজিতেল প্লেৎফোর্ম অমা ওইনা শেমগৎখ্রে।"

শ্রী যাদবনা মখা তারদুনা হায়খি পোর্তেল অসিনা আয়ুশ সেক্তরগী গ্রান্ত মেনেজমেন্ত সিস্তেমদা অহোংবা পুরক্কনি। প্লেৎফোর্ম অসিগী মরুওইবা অদু পল্লদুনা মহাক্না হায়খি, "পোর্তেল অসিগী মরুওইবা পান্দমদি গ্রান্ত মেনেজমেন্ত প্রোসেসতা ১০০% ত্রান্সপরেন্সী, ইফিসেন্সী, একাউন্তেবিলিতী অমসুং লায়না এক্সেস তৌবা ঙম্বনি।" পোর্তেল অসিনা ওর্গনাইজেসনশিং অমসুং ইন্সতিত্যুসনশিংদা ওনলাইন প্রোসেসকী খুত্থাংদা প্রপোজেলশিং সবমিৎ তৌবা য়াহন্দুনা পেপরলেস গবর্নান্সকী সরকারগী ভিজন প্রমোৎ তৌরি হায়নসু মহাক্না ফোংদোকখি।

মন্ত্রীনা মখা তানা হায়খি মদুদি এন.জি.ও. দর্পন পোর্তেলগা পুনশিনবনা এপ্লিকান্ত ওর্গনাইজেসনশিংগী ওথেন্তিকেসন অমসুং ভেরিফিকেসন অসি হেন্না থুনা, ওতোমেতেদ, থাজবা য়াবা অমসুং অশোই-অঙাম য়াওদনা তৌগনি। এ.বি.দি.এম.-কম্প্লাইন্ত আয়ুশ গ্রিদ ইনিসিয়েতিবকী মখাদা এজুকেসন, রিসর্স, হেল্থকেয়র সর্ভিসশিং, মেদিসিনেল প্লান্ত এদমিনিস্ত্রেসন, দ্রগ রেগুলেসন, কেপাসিতী বিল্ দিং অমসুং গ্লোবেল আউতচিংবা হিরমশিংদা দিজিতেল প্লেৎফোর্ম কয়া অমা হান্ননা শেমখ্রে হায়না মহাক্না ফোংদোকখি। মসিনা ত্রান্সপরেন্ত অমসুং সিতিজন-ফ্রেন্দলী সর্ভিস দেলিভরী ফংহনগনি।

থৌরম অদুদা আয়ুশ মন্ত্রালয়গী সেক্রেতরী বৈদ্য রাজেশ কোতেচানা ৱা ঙাংখি। কবিতা জৈন, শ্রীমতি. অলার্মেলমঙ্গাই দি. অমসুং মিস. মোনালিসা দাস; আয়ুশ মন্ত্রালয়গী মকোক থোংবা ওফিসিএলশিংগা লোয়ননা।

আয়ুশ অনুদান পোর্তেলনা ওর্গনাইজেসনশিং অমসুং ইন্সতিত্যুসনশিংদা মওং চুম্বা অমসুং শীজিন্নবদা লায়বা ইন্তরফেস অমগী খুত্থাংদা শেল থাদবগী প্রোপোজেলশিং ওনলাইন ওইনা থাগৎপা ঙমহল্লি। মসিনা মেনুএল অমসুং পেপরদা য়ুম্ফম ওইবা সিস্তেমশিংদা মখা পোনবগী মথৌ তাবা লৈহল্লগনি। এন.জি.ও. দর্পন পোর্তেলগা পুনশিন্নদুনা, প্লেতফোর্ম অসিনা এপ্লিকান্ত ওর্গনাইজেসনশিংগী অথেন্টিকেসন অমসুং ভেরিফিকেসন তৌবদা মতেং পাংই, মসিনা ইন্সতিত্যুস্নেল ক্রেদিবিলিতী হেঙ্গৎহল্লি অমসুং ভেলিদেসনগী প্রোসিদ্যুরশিং লাইথোকহল্লি।

পোর্তেল অসিগী মরুওইবা মগুনশিংগী মরক্তগী অমা হায়রগদি মসিগী স্কিমগী মতুং ইন্না এপ্লিকেসন মেনেজমেন্ত সিস্তেমনি, মসিনা মন্ত্রালয়গী তোঙান তোঙানবা সেন্ত্রেল সেক্তর স্কিমশিংগী অখন্নবা মথৌ তাবশিংগী মতুং ইন্না প্রোপোজেলশিংবু কাংলুপ খায়দোকপা, প্রোসেস তৌবা অমসুং মোনিটর তৌবা ঙমহল্লি। প্লেতফোর্ম অসিদা এপ্লিকেসন ত্রেক তৌবগী রিএল-তাইম মেকানিজম অমা য়াওরি, মসিনা এপ্লিকেসন থারিবশিং অমসুং ওফিসিএলশিংনা প্রোসেস তৌবগী তাঙ্কক খুদিংদা প্রোপোজেলগী স্তেতস মোনিতর তৌবা য়াহল্লি।

অয়ুশ অনুদান পোর্তেল অসি হৌদোকখিবগী পান্দমদি গ্রান্ত মেনেজমেন্ত প্রোসেসশিংদা ত্রান্সপরেন্সী, ওপরেস্নেল ইফিসিএন্সী, একাউন্তেবিলিতী, অমসুং এক্সেস লায়না লৈহন্নবনি। খোঙথাং অসিনা দিজিতেল ত্রান্সফোর্মেসন, ত্রান্সপরেন্ত গবর্নান্স অমসুং দিজিতেল ইন্দিয়াগী মঙলানগী মতুং ইন্না মপাঙ্গল কনবা, ইন্নোবেসন-দ্রাইভেন ওইবা অমসুং দিজিতেলগী মওংদা শক্তি লৈরবা আয়ুশ ইকোসিস্তেম অমা শেমগৎনবা মন্ত্রালয় অসিনা লেপ্পা লৈতনা হোৎনরিবা অদু উৎলি।

পোর্তেল অসি আয়ুশ মন্ত্রালয়গী এম.এ.আই.এস.পি. (মাই আয়ুশ ইন্তিগ্রেতেদ সর্বিসেস পোর্তেল), মন্ত্রালয়গী সিঙ্গল ৱিন্দো দিজিতেল ইনিসিয়েতিব, নৎত্রগা অয়ুশ অনুদান পোর্তেল লিঙ্ককী খুত্থাংদা ফংলগনি।

এম.এ.আই.এস.পি. পোর্তেল: https://maisp.ayush.gov.in/dashboard
আয়ুশ অনুদান পোর্তেল: https://anudan.ayush.gov.in/index

***