بھارتی ریلوے نے جنوبی ریلوے کے تحت آراکونم–چینگلپیٹو دوہری لائن منصوبے (68 کلومیٹر) کو منظوری دی ہے، جس کی لاگت 993 کروڑ  روپے ہوگی، جو ملک بھر میں محفوظ، تیز رفتار اور زیادہ مؤثر ریل نقل و حمل کے عزم کو مزید مضبوط کرتی ہے۔ یہ سیکشن چنئی بیچ، تامبرم، چینگلپیٹو اور آراکونم کو جوڑنے والے اہم چنئی سبربن سرکلر ریل نیٹ ورک کا حصہ ہے۔

مرکزی وزیر برائے ریلوے جناب اشونی ویشنو کے مطابق یہ منصوبہ مصروف چنئی سبربن نیٹ ورک پر بھیڑ کو کم کرنے میں اہم کردار ادا کرے گا اور ٹرینوں کی بروقت آمد و رفت اور مجموعی آمدو رفت کو بہتر بنائے گا۔ انہوں نے کہا کہ یہ منصوبہ اس روٹ پر مسافر اور مال برداری دونوں کی نقل و حرکت کو مضبوط کرے گا، جس سے سیمنٹ، آٹوموبائلز، غذائی اجناس، لوہا اور اسٹیل جیسے اہم اشیاء کی ترسیل کو فائدہ ہوگا۔

اس وقت موجودہ ڈبل لائن سیکشن اپنی زیادہ سے زیادہ گنجائش کے قریب کام کر رہا ہے اور آئندہ برسوں میں ٹریفک میں مزید اضافہ متوقع ہے، جس کے باعث اضافی بنیادی ڈھانچے کی ضرورت بڑھ گئی ہے۔ دوہری لائن کی تعمیر سے ٹرینوں کا تاخیر کا وقت کم ہوگا، بروقت آمد و رفت بہتر ہوگی اور سبربن خدمات کی تعداد میں اضافہ ممکن ہوگا۔

یہ راستہ کئی بڑے اقتصادی اور صنعتی مراکز جیسے مہندرا ورلڈ سٹی، سریپرمبودور، اوراگادم اور ارنگٹوکٹائی کو بھی خدمات فراہم کرتا ہے، جہاں آٹوموبائل، سیمنٹ اور مینوفیکچرنگ کی بڑی صنعتیں موجود ہیں۔ کانچی پورم کے قریب مجوزہ پراندور ایئرپورٹ بھی اسی راستے کے نزدیک واقع ہے، جس سے اس روٹ کی اسٹریٹجک اہمیت مزید بڑھ جاتی ہے۔

آراکونم–چینگلپیٹو دوہری لائن منصوبے کی منظوری بھارتی ریلوے کی جدید کاری، نیٹ ورک کی صلاحیت میں اضافہ اور اہم روٹس پر آپریشنل کارکردگی بہتر بنانے کی جاری کوششوں میں ایک اور اہم قدم ہے۔ یہ منصوبہ سبربن اور مال برداری کے رابطوں کو مضبوط کرے گا، علاقائی صنعتی ترقی کو فروغ دے گا اور تیز، محفوظ اور قابل اعتماد نقل و حمل کی سہولت فراہم کرے گا۔

********

ش ح ۔ ع و ۔ م الف

U NO-7241