প্রধানমন্ত্রীগী লোইশঙ
প্রধান মন্ত্রীনা স্বিদেনগী অখন্নবা লল্লোন ইতীক্কী লুচিংবশিংগা উনখ্রে
থাগৎখিবা:
17 MAY 2026 11:16PM by PIB Imphal
প্রধান মন্ত্রী শ্রী নরেন্দ্র মোদীনা স্বিদেনগী হর রোয়েল হায়নেস ক্রাউন প্রিন্সেস ভিক্তোরিয়া অমসুং স্বিদেনগী প্রধান মন্ত্রী হিস এক্সিলেন্সী মিস্তর উল্ফ ক্রিস্তর্সনগা লোইননা স্বিদেনগী সি ই ওশিংগা মে ১৭, ২০২৬ তা উন্নখ্রে।
প্রধান মন্ত্রী মোদীনা হায়খি মদুদি ভারত অমসুং স্বিদেন অনিগী মরক্তা মান্নবা গনতন্ত্র, মনুং মপান ফাওনা উবা, ইন্নোভেসন অমসুং সস্তেনেবিলিতীগী মগুনশিংনা শম্নহল্লি, মসিনা মঙাল চাউরবা মাংদা চঙশিল্লিবা শেন্মিৎলোনগী মপাং অমনা য়ুম্ফম ওইদুনা চৎমিন্নরি। মহাক্না হায়খি মদুদি ভারত-স্বিদেনগী মপাং অসিনা ঙসিদি ইচম চম্বা শেলথুমগী মপাং অমা ওইবগী মহুত্তা ৱাখল্লোন, তেক্নোলোজী, ইন্নোভেসন অমসুং কো-ক্রিএসনগী হীরমশিংদা মপাং ওইরি। মহাক্না স্বিদেনগী কম্পেনীশিংনা ভারতকী চাউখৎপগী খোঙজেলদা পীরিবা মতেংশিংবু তরাম্না ওকখি অমসুং রিসর্চ, ইন্নোভেসন, গ্রীন ত্রাঞ্জিসন অমসুং মেন্যুফেকচরিংদা অহেনবা মপাং ওইমিন্ননবা পুক্নিং থৌগৎখি।
ভারতনা শেলথুমদা রিফোর্ম, মপাঙ্গল কনবা দোমেস্তিক দিমান্দ, দিজিতেল পব্লিক ইনফ্রাস্ত্রকচর, মেন্যুফেকচরিং এক্সপান্সন অমসুং নেক্স জেনরেসন ইনফ্রাস্ত্রকচর শেমগৎপগা লোইননা খোংজেল য়াঙনা চাউখৎলক্লিবশিং অসিবু পনখি। মহাক্না স্বিদেনগী কম্পেনীশিংদা মেক ইন ইন্দিয়াগুম্বা থৌরাংশিং, নেসনেল গ্রীন হায়দ্রোজেন মিসন, নেসনেল ক্রিতিকেল মিনরেল মিসন অমসুং পাক থোক চাউথোরক্লিবা ক্লিন ইনর্জি, দিফেন্স, সেমিকন্দক্তর অমসুং এদভান্স মেন্যুফেকচরিংদা ভারত্তা হেন্না চঙশিল্লক্নবগী অপাম্বা ফোংদোকখি।
খন্ন-নৈনবা অদুনা সপ্লাই চেন, গ্রীন ত্রাঞ্জিসন, সস্তেনেবল মোবিলিতী, লাইফ সাইন্স অমসুং দিজিতেল তেক্নোলোজীদা তেংবাং পীনবা হেনগৎনবা মেৎয়েং চঙখি। প্রধান মন্ত্রী মোদীনা স্বিদেনগী ইন্নোভেসন অমসুং সস্তেনেবিলিতীদা লৈরিবা মপাঙ্গল অসিগা ভারতকী তেলেন্ত অমসুং চাউখৎপগী খোংজেল অসিগা তুননা চৎমিন্নদুনা ২১ সুবা চহি চাগী পাম্বৈ কয়া পুথোকমিন্ননবগী মরুওইবা ফোংদোকখি।
***
(রিলিজ আই.দি.: 2262240)
ভিজিতর কাউন্তর : 5
রিলিজ অসি মসিদা পাবীয়ু:
Malayalam
,
English
,
Urdu
,
हिन्दी
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada