પ્રધાનમંત્રી શ્રી નરેન્દ્ર મોદીએ આજે સિક્કિમના રાજ્ય સ્થાપના દિવસ નિમિત્તે ત્યાંના લોકોને શુભેચ્છાઓ પાઠવી હતી, જે એક ઐતિહાસિક સીમાચિહ્નરૂપ છે કારણ કે સિક્કિમ આ વર્ષે તેનો 50મો રાજ્ય સ્થાપના દિવસ ઉજવી રહ્યું છે. શ્રી મોદીએ નોંધ્યું હતું કે ભારતના વિકાસની સફરમાં સિક્કિમના યોગદાનને ખૂબ જ મૂલ્યવાન ગણવામાં આવે છે અને તેની પ્રશંસા કરવામાં આવે છે. 50મા રાજ્ય સ્થાપના દિવસની ઉજવણી દરમિયાન સિક્કિમની તેમની તાજેતરની મુલાકાતને યાદ કરતા, પ્રધાનમંત્રીએ જણાવ્યું હતું કે રાજ્યના લોકો દ્વારા દર્શાવવામાં આવેલા સ્નેહ અને આદરથી તેઓ ખૂબ જ પ્રભાવિત થયા હતા.

શ્રી મોદીએ X પર પોસ્ટ કર્યું:

“મારા બહેનો અને ભાઈઓને તેમના રાજ્ય સ્થાપના દિવસ પર શુભેચ્છાઓ. ભારતના વિકાસમાં સિક્કિમનું યોગદાન ખૂબ જ મૂલ્યવાન છે. રાજ્યના લોકોના સારા સ્વાસ્થ્ય અને સમૃદ્ધિની કામના કરું છું.

આ અવસર એવા સમયે આવ્યો છે જ્યારે સિક્કિમ 50મા રાજ્ય સ્થાપના દિવસની ઉજવણી કરી રહ્યું છે. થોડા દિવસો પહેલા, મને ઉજવણી માટે સિક્કિમના લોકોની વચ્ચે રહેવાનું સદભાગ્ય મળ્યું હતું. સિક્કિમમાં મને જે આદર-સત્કાર મળ્યો છે તે હંમેશા મારી સ્મૃતિનો એક ભાગ રહેશે. કેન્દ્ર સરકાર ભવિષ્યમાં પણ સિક્કિમના વિકાસના પથને સમર્થન આપવાનું ચાલુ રાખશે.”

IJ/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com