তেক্সতাইল মন্ত্রালয়
প্রধান মন্ত্রী শ্রী নরেন্দ্র মোদীনা তেলঙ্গনাগী ৱারঙ্গালদা পি.এম. মিত্রা পার্ক শঙ্গাখ্রে, মসিনা ভারতকী ইন্দস্ত্রী অমসুং তেক্সতাইল গ্রোথকী খোঙচত্তা পুৱারী ওইরবা মায় পাকপা অমা ওইরে
प्रविष्टि तिथि:
10 MAY 2026 5:20PM by PIB Imphal
প্রধান মন্ত্রী শ্রী নরেন্দ্র মোদীনা ঙসি তেলঙ্গনাগী ৱারঙ্গালদা পি.এম. মিত্র পার্ক শঙ্গাখ্রে। মসি ভারতকী ইন্দস্ত্রী অমসুং তেক্সতাইল গ্রোথ লৌবগী খোঙচৎকী পুৱারী ওইরবা মায় পাকপা অমনি। লুপা করোর ১৬৯৫.৫৪দা শেমগৎখিবা, মসি লৈবাক অসিগী অহানবা মথৌ তৌবা পি.এম. মিত্র পার্কনি অমসুং ভারত সরকারগী ৫এফ ভিজন - ফার্মদগী ফাইবর ফাওবা ফেক্টরীদগী ফেশিন ফাওবা ফোরেন ফাওবা থবক ওইনা পাংথোক্লি। প্রোজেক্ত অসি হৌদোক্লদুনা প্রধান মন্ত্রীনা হায়খি মদুদি ৱারঙ্গালদা পি.এম. মিত্র পার্ক অসিনা ঐখোয়গী লৈবাক অসিদা তেক্সতাইল রিভোলুসন য়াঙখৎহল্লগনি, মরুওইনা নুপীশিংগীদমক্তা পাক-শন্না থবক পীবগী খুদোংচাবা লৈহল্লগনি।
স্ত্রেতেজিক ওইবা মওংদা নাগপুর-বিজয়াৱাদা গ্রীনফিল্দ এক্সপ্রেসৱে (এন.ঐচ.-১৬৩জি) গী মনাক্তা অমসুং এন.ঐচ.-১৬৩গা নক্নবা মফমদা লৈবা পার্ক অসিনা মরুওইবা রেলৱেজ নেৎৱার্কশিং অমসুং সমুদ্রগী পোর্তশিংগা অফবা মল্তিমোদেল কনেক্তিবিতী ফংহল্লি। মসিনা মালেমগী ললোন-ইতিক্কীদমক লোজিতিক্সকী খুদোংচাবশিং ফংহল্লি। মালেমগী থাক্কী ইন্দস্ত্রীএল ইকোসিস্তেম অমা ওইনা দিজাইন তৌখিবা, পার্ক অসিদা পাক চাউবা ইন্তরনেল রোদ নেতৱার্ক, দেদিকেতেদ পৱার সবস্তেসন অমসুং অয়াবা পীরবা ঈশিং সপ্লাই য়াওনা অত্যাধুনিক ইনফ্রাস্ত্রকচর লৈ। মসিদা জিরো লিক্বুইদ দিসচার্জ তেক্নোলোজীগা লোয়ননা কম্মন ইফ্ল্যুএন্ত ত্রিৎমেন্ত প্লান্ত অমগী খুত্থাংদা সস্তেনেবল দিবেলপমেন্তদা অকনবা ৱাফম থম্লি।
পার্ক অসি ভারতকী তেক্সতাইল গ্রোথ ৱারীগী মরুওইবা দ্রাইভর অমা ওইনবা শেম-শারি। মসিদা লুপা করোর ৬,০০০ হেন্না ইনভেস্তমেন্ত তৌগনি হায়না পানরি। পার্ক অসিগী ৬২% হান্ননা এলোৎ তৌখ্রবা মতুং হৌজিক্তি য়াম্না চাউনা খুমাং চাউশিল্লি। একর ১,৩২৭দা শন্দোকপা, পার্ক অসিনা তেক্সতাইল ভেল্যু চেন পুম্বদা অচৌবা খুদোংচাবশিং পীরগনি। থবক ২৪,৪০০ হেন্না ফংহল্লগনি অমসুং লিশিং কয়া শেমখ্রে।
ভারত সরকারগী তেক্সতাইল মন্ত্রালয়না লৈবাক অসিদা তেক্সতাইল ইনফ্রাস্ত্রকচরগীদমক নেস্নেল ইকো-সিস্তেম অমা শেমগৎনবা মার্চ ২০২৩দা তেলঙ্গনা, তামিল নাদু, কর্নাতকা, মহারাস্ত্র, উত্তর প্রদেশ, গুজরাত অমসুং মধ্য প্রদেশ রাজ্যশিংদা পি.এম. মিত্রা পার্ক তরেৎ লিংখৎনবা অয়াবা পীখ্রে।
তেলঙ্গনা সরকারনা ৱারঙ্গালদা লৈবা কাকাতিয়া মেগা তেক্সতাইল পার্ক (কে.এম.তি.পি.) অসি ২০২২গী মার্চ থাদা পি.এম. মিত্র স্কিমগী মখাদা ইনফ্রাস্ত্রকচর পাকথোক চাউথোকহন্নবা অমসুং পার্ক অসিদা ইন্দস্ত্রীশিং লিংখৎনবগীদমক খুদোংচাবশিং ফংহন্নবা পি.এম. ব্রাউনফিল্দ কেতেগোরীগী মখাদা পি.এম. মিত্র স্কিমগী মখাদা অয়াবা পীরকপগা লোয়ননা, কে.এম.তি.পি.না লুপা করোর ২০০গী দিবেলপমেন্ত কেপিতেল সপোর্ত অমসুং পার্ক অসিদা লিংখৎলিবা ইন্দস্ত্রীশিংগীদমক লুপা করোর ৩০০গী কম্পিতিতিব ইন্সেন্তিব সপোর্ত (সি.আই.এস.)
সি.ই.তি.পি.বু জিরো লিকুইদ দিসচার্জ ফেসিলিতী অমদা অপগ্রেদ তৌবা, প্রোসেসিং য়ুনিৎশিংগীদমক কমন বয়লর ফেসিলিতী, ৱর্কর দোর্মোর্তরীশিং পাকথোক-চাউথোকহনবা, মেগাৱাৎ ১০গী সোলার পৱার প্লান্ত, অসিনচিংবা পাকথোক-চাউথোক্লবা কমন ইনফ্রাস্ত্রকচর ফেসিলিতীশিং য়াওবা ৱারঙ্গালগী পি.এম. মিত্রা পার্ককী অকুপ্পা প্রোজেক্ত রিপোর্ত অসি প্রোজেক্ত অপুনবা শেনফম লুপা করোর ১৬৯৫.৫৪গা লোইননা অয়াবা পীখ্রে।
পার্ক অসিদা ইন্দস্ত্রীগীদমক এলাউত তৌখিবা একর ৫৪৮গী মনুংদা একর ৩১০দি পি.এম. মিত্র পার্ককী লাউথোক্লবা মতুংদা ইন্দস্ত্রীগীদমক এলাউত তৌখ্রে।
পার্ক অসিদা লিংখৎলিবা ইন্দস্ত্রীশিংনা তেক্সতাইল সেক্তরগীদমক মালেমগী থাক্কী ইনফ্রাস্ত্রকচর ফেসিলিতীশিং (গ্লোবেল ওইনা তেক্সতাইল মেগা পার্কশিংগা য়েংনবদা বেঞ্চমার্ক তৌরবা) ফংহনবতা নত্তনা পি.এম. মিত্র স্কিমগী মখাদা কম্পিতিতিব ইন্সেন্তিব সপোর্ত (সি.আই.এস.) ফংলগনি। মেনুফেকচরিং য়ুনিৎশিং অসি ইনসেন্তিব সপোর্তকীদমক ইলিজিবল ওইরক্লি। মসিগীদমক্তা পার্ক অমমমগী ওইনা লুপা করোর ৩০০গী অপুনবা ফন্দ থাদগনি। মসিনা পার্কশিং অসি ইনভেস্তরশিংগীদমক্তা হেন্না পাম্নবা ওইহল্লগনি।
পি.এম. মিত্রা পার্কশিংদা লৈরিবা য়ুনিৎশিং অসিসু ভারত সরকারগী অতোপ্পা স্কিমশিংগা লোয়ননা কান্নবা ফংনবগীদমক ইলিজিবল ওই। অখন্ননা, তেক্সতাইল মন্ত্রালয়না তেক্সতাইল সেক্তরগীদমক পি.এল.আই. স্কিমগী খুত্থাংদা অনৌবা ইনভেস্তমেন্ত লাকশিনবদা অহেনবা মীৎয়েং থম্লি। অসিগুম্বা মরী লৈনবগী খুদম অমা ওইনা, পি.এম. মিত্রা পার্ক ৱারঙ্গালদা লৈবা য়ুনিৎশিংগী মরক্তগী অমা, এভর্তোপ তেক্সতাইল অমসুং এপরেল কমপ্লেক্স পি.ৱাই. পি.এল.আই. স্কিমগী বেনিফিসরী অমসুনি। কম্পেনী অসিনা লুপা ১০৫১গী প্রোপোজ তৌরিবা ইনভেস্তমেন্ত অদুগা লুপা করোর ১৯৯০গী এন্যুএল তর্নওভরগা লোয়ননা মীওই ১২,৮০০ রোমদা থবক পীরগনি হায়না পানরি।
পি.এম. মিত্রা পার্ক স্কিম অসিনা ভি.জি.এফ.কী মওংদা সেন্ত্রেল গবর্নমেন্তকী ফন্দিং পুরকপতা নত্তনা ইনভেস্তরশিংগী থাজবা, মোদর্ন শেয়র তৌরবা ইনফ্রাস্ত্রকচর অমসুং ভারতকী নেস্নেল তেক্সতাইল স্ত্রেতেজীদা পুন্সিনবগী থৌওংসু হেনগৎহল্লি। হায়রিবা পুম্নমক অসিনা তেলঙ্গনা সরকারনা তেক্সতাইল পার্ক অমা লিংখৎনবা পায়খৎলিবা খোঙথাং অসি ময়েক শেংনা মপাঙ্গল কনখৎহল্লি। পি.এম. মিত্রা পার্ক অমা ওইবনা কে.এম.তি.পি.বু স্তেত ইন্দস্ত্রীএল পার্ক অমদগী নেস্নেল প্রাইওরিতী, গ্লোবেল পোজিসন তৌরবা তেক্সতাইল ইকোসিস্তেম অমা ওইহল্লগনি।
***
(रिलीज़ आईडी: 2260817)
आगंतुक पटल : 31