প্রধানমন্ত্রীগী লোইশঙ
গুজরাতকী নৌনা শেমজিল্লবা সোমনাথ লাইশঙগী উরেপ উয়ুং তম্বগী চহি ৭৫ মপুং ফারকপগা ইরোইননা প্রধান মন্ত্রী শ্রী নরেন্দ্র মোদীনা গুজরাতকী সোমনাথ অম্রুত মহোতসবতা শরুক য়াখ্রে
সোমনাথ লাইশঙ অসি থাজবা, লাইনিং লাইশোন অমসুং ভারতকী অশেংবা থম্মোয়গী খুদম অমা ওইনা লেপ্লি: প্রধান মন্ত্রী
চহী ৭৫গী মমাংদা ঙসিগী নুমিৎ অসিমক্তদা সোমনাথ লাইশঙ অমুক হন্না শঙ্গাখিবা অসি অচম্বা থৌরম অমা নত্তে; ভারতনা ১৯৪৭তা নীংতম্বা ফংলবদি, ১৯৫১দা সোমনাথ লাইশঙ শঙ্গাবা অসিনা ভারতকী নীংতম্বগী ৱাখল্লোন অদু ফোঙদোক্লি: প্রধান মন্ত্রী
সোমনাথ অমৃত মহোতসব অসিনা লাক্কদৌরিবা চহী লিশিং কয়া অসিদা ভারতকী লমজিং-লমতাকপীগী থৌদাং লৌগনি: প্রধান মন্ত্রী
লুতরশিংনা সোমনাথ লাইশঙগী ফজবা অদু মাংহন্নবা হোৎনখি; সোমনাথ অসি পোৎশক অমা খক্তমক ওই হায়না খল্লদুনা মখোয়না মসিবু মাঙহনখি; লাইশঙ অসি কয়ারক হন্না থুগাইখি, অদুবু মদু অমুক হন্না শাগৎখি, অমসুং কিন্থজরবসু তুংদা অমুক হন্না শেমগৎখি: প্রধান মন্ত্রী
সোমনাথ লাইশং অসি নৌনা শেমগৎপা খক্তা নত্তনা লৈবাক অসিনা চহি চা কয়াগী অশোয়বা কয়াসু মুত্থৎখ্রে: প্রধান মন্ত্রী
লৈবাক অমনা মতমগী মতুং ইন্না মপাঙ্গল কনখৎহনবা ঙম্বগীদমক্তা মদুগী হৌরকফমগা শম্নদুনা লৈরবদি অমত্তা ঙাইরবা লৈবাক অমা ওইগনি হায়বসি সোমনাথনা ঐখোয়দা নিংশিংহল্লি: প্রধান মন্ত্রী
থাগৎখিবা:
11 MAY 2026 3:52PM by PIB Imphal
গুজরাতকী সোমনাথ লাইশঙগী নৌনা শেমজিন-শাজিন তৌরবা মফম অদুগী উরেপ উয়ুং তম্বগী চহি ৭৫ মপুং ফারকপগা ইরোইননা প্রধান মন্ত্রী শ্রী নরেন্দ্র মোদীনা ঙসি গুজরাতকী সোমনাথ অম্রুত মহোৎসবতা শরুক য়াখ্রে।
৭৫শুবা চহীগী থৌরমদা সোমনাথ লাইশঙগী কমপ্লেক্স তিনখিবা মীয়ামদা ৱা ঙাংলদুনা প্রধান মন্ত্রী শ্রী নরেন্দ্র মোদীনা থৌরম অসি ইচম চম্বা থৌরম অমা নত্তে, মসি ভারতকী মতম চুপ্পগী ওইবা ৱাখল্লোন অমসুং সিভিলাইজেসনেল রেজিলিয়েন্সকী দিক্লারেসন অমনি হায়না শিংথাখি। য়াম্না মরুওইবা মীফম অদুদা ইকায় খুম্নবা অমসুং লৈবাক অসিগী চাউথোকচবা কয়াগা লোইননা বেদগী ঈশৈশিং, কলচরেল পর্ফোমেন্স অমসুং সমুদ্রগী ঈচেলনা অশেংবা মফম অদু অমুক হন্না শেমগৎলকপগী থৌরম পাংথোকখি।
অরিবা মতমগী লাইরিক লাইশুগী লৌশিংবু শীজিন্নদুনা, প্রধান মন্ত্রীনা হায়খি মদুদি করম্না মসিগী ক্রিএসন অসি ঈশ্বরদগী হৌরকই অমসুং ঈশ্বরদা অমুক হন্না পুনশিল্লি। শ্রী মোদীনা হায়খি, "য়তো জয়তে পল্যতে য়নে বিশ্ৱম, তমিশাম ভজে ল্যতে যাত্রা বিশ্ৱম, ঙসি ঐখোয়না মহাক্কী লৈফম নৌনা শেমগৎপগী কুমহৈ পাংথোক্লি।" প্রধান মন্ত্রীনা মহাক্কী মশাগী ভক্তিগী পল্লদুনা, দাদা সোমনাথকী অচেৎপা ভক্ত অমা ওইনা মহাক্না লাইশঙ অসিদা চৎখিবা মশিং য়াম্লবা মতমশিং অদু নৌহৌনা নীংশিংখি। "ঐহাক্না মহাক্কী মফমদা ইকোক কয়ারক হন্না নোঞ্জখ্রে, অদুবু ঙসি ঐহাক মফম অসিদা লাকপা মতমদা খোঙচৎ অসিনা ঐহাকপু নুংঙাইবা ফাওহল্লে।" হায়না শ্রী মোদীনা ফোংদোকখি।
থা খরগী মমাংদা মহাক্না সোমনাথ স্ববিমান পর্ৱকী থৌরমদা চৎখিবা অদু নীংশিংলদুনা, প্রধান মন্ত্রীনা থৌরম অনি অসি অমগা অমগা নক্না পাঙথোকপগী তোপ তোপ্পা তাঞ্জা অদু ফোংদোকখি। শ্রী মোদীনা হায়খি, "সোমনাথকী চাউথোকচবা অসি অহানবা মাংখ্রবা মতুং চহি ১০০০গী মতুংদসু মাংহন্দবা ঙমদে, অমসুং ঙসি অনৌবা মওং অসিদা প্রনপ্রতিষ্ঠাগী চহি ৭৫ মপুং ফারকপদা, ঐখোয়না চহি লিশিং অমা মুৎনাইদনা লৈরকপগী খোঙচৎ অসি থেংনবগী খুদোংচাবা ফংলে।"
১৯৫১গী কনসক্রেতসন্না পুৱারী ওইবগী মরুওইবা অদু পল্লদুনা, প্রধান মন্ত্রীনা হায়খি মদুদি মসি মহৌশাগী ইচম চম্বা থৌরম অমা নত্তে। শ্রী মোদীনা হায়খি, "ভারত অসি ১৯৪৭দা নীংতম্বা ফংলবদি, ১৯৫১দা সোমনাথকী প্রান প্রতীসতানা ভারতকী নীংতম্বগী ৱাখল্লোন ফোংদোকখি।"
ভারতনা নীংতম্বা ফংলবা মতুং চহি মরি মখায়রোমগী মতুংদা ইং ১৯৫১দা লাইশঙ অসি অমুক হন্না শাগৎপগী মরুওইবা অদু পল্লদুনা, প্রধান মন্ত্রীনা সরদার বল্লভভাই পতেলগী লুচিংবা নিংথৌ পানবা লৈবাক ৫০০ গী রাজনিতীগী ওইবা পুনশিন্নবা অমসুং সোমনাথ অমুক হন্না শাগৎনবা মহাক্কী ৱারেপকী মরক্তা মশক থোকপা মান্নবা অমা পনখি। শ্রী মোদীনা হায়খি, "জাতি অসিনা মপান লৈবাক্কী চিংনবশিংদগী মশা মশাগী মনুং চল্লকপা মতমদা, সোমনাথ অমুক হন্না শেমগৎপা অসিনা মালেমদা ভারত অসি নীংতম্বা খক্তা নত্তে, মসিনা হান্নগী মগুন অদু অমুক হন্না ফংবা ঙম্লে হায়না ফোঙদোকখি।"
থৌরম অসিগী মল্তিলেয়র ওইবা মরুওইবা অদু ফোংদোক্লদুনা প্রধান মন্ত্রীনা হায়খি মদুদি মহাক্না চহি ৭৫গী রিত্রোস্পেক্তিব অমা উবা ফংলি। শ্রী মোদীনা হায়খি, "ঐহাক্না মফম অসিদা সোমনাথনা মপুং ফাহনখিবা, থুগাইবা হায়বসিনা নৌনা শেমগৎপগী নুংদা চেল্লিবা ঈচেল অদু উরি।" মহাক্না হায়খি মদুদি মহাক্না অশেংবা মফমশিং অসিদা অরানবদুগী মথক্তা অচুম্বনা মতম চুপ্পগী ওইনা মায়থীবা পীবদু উখি।
প্রধান মন্ত্রীনা য়ুনিবর্সেল ৱেলফেয়রগী পাউতাকশিং পীরিবা চহি লিশিং কয়াগী স্পিরিচুএল কন্সনেসন্স অসি উবা ফংলবা অদুগী মতাংদা পনখি। মহাক্না সোমনাথকী রেসিলিয়েন্সতা য়াওরিবা ভারতকী ইন্দষ্ট্রকচরেল ইসেন্সকী মহাক্কী ভিজন অদু ফোংদোকখি। শ্রী মোদীনা হায়খি, "ঐহাক্না মসিদা উরি মদুদি চহী চা কয়াগী অকিবা লৈতনা হোৎনরকপদগী ভারতকী শক্তম অদু মাঙহনবা ঙমখিদে।"
থৌরম অসিগী তুংলমচৎকী মায়কৈদা মীৎয়েং থম্বগী মতাংদা পল্লদুনা মহাক্না হায়খি মদুদি সোমনাথ অমৃত মহোৎসব অসি নিংশিংবা খক্তদগী হেন্দোকপনি। শ্রী মোদীনা হায়খি, "মসি মমাংগী কুমহৈ খক্তা নত্তে, মসি মথংগী চহি লিশিং অমগী ভারতকী ইথিলসু ওইরি।" মরুওইবা থৌরম অসিদা প্রধান মন্ত্রীনা লৈবাক মীয়াম অমসুং লোর্দ সোমনাথকী ভক্ত কোতি কয়াদা নুংঙাইবা ফোংদোকখি।
নুমিৎ অসিবু নেস্নেল হিস্তরীগী অতোপ্পা মশক থোকপা মীকুপ অমগা শম্নহন্দুনা মহাক্না মীফম অদুদা নীংশিংখি মদুদি মে ১১ অসি ভারতনা ১৯৯৮দা পোখরান ন্যুক্লিয়র তেস্ত তৌখিবগী কুমওনসু ওইরি। লৈবাক অসিনা মে ১১দা ন্যুক্লিয়র তেস্ত অহুম করম্না পাংথোকখিবগে, ভারতকী সাইন্তিস্তশিংগী তৌবা ঙম্বগী মতিক অদু করম্না উৎখিবগে হায়বদু মহাক্না শন্দোক্না তাকখি। মহাক্না মে ১৩দা পাংথোকখিবা মখা তাবা তেস্তশিং অদু ভারতকী অচেৎপা রাজনিতীগী ৱারেপ অদুগী খুদম অমনি হায়না ফোংদোকখি। শ্রী মোদীনা হায়খি মদুদি মতম অদুদা মালেম পুম্বনা ভারতকী মথক্তা প্রেসর পীখি, অদুবু অতলজীগী লুচিং মখাদা, মতম অদুগী সরকারনা উৎখি মদুদি ঐখোয়গীদমক্তা, লৈবাক অসি খ্বাইদগী মরু ওই, মালেমগী শক্তি অমত্তনা ভারতপু নমথবা ঙম্লোই অমসুং প্রেসর পীবা ঙম্লোই।"
ওপরেসন অসিগী মমিংগী মরুওইবা অদু শন্দোক্না তাক্লদুনা, প্রধান মন্ত্রীনা হায়খি মদুদি পোখরান ন্যুক্লিয়র তেস্ত অসি কলচরেল ওইবা মরমশিংগীদমক ওপরেসন শক্তি হায়না কৌখি। শ্রী মোদীনা হায়খি, " মরমদি শক্তিগা শিবগা লোয়ননা ইরাৎপা অসি ঐখোয়গী চৎনবীনি।" হিন্দু আইকোনোগ্রাফীদা য়ুম্ফম ওইদুনা মহাক্না শন্দোক্না হায়খি মদুদি অর্ধনরিশ্বর শিবনা শিবা অমসুং শক্তিগী খেন্নবা লৈতবদু উৎলি। প্রধান মন্ত্রীনা নিংশিংখি মদুদি ভারতকী মিসন চন্দ্রয়াননা থাদা মায় পাক্না লেন্দ তৌরকপা মতমদা, লেন্দিং সাইত অসি হায়রিবা ফিলোসোফী অসিগা চুনবা মওংদা মমিং থোনখি। এতিমোলোজিকেল কন্নেক্সন অদু ফোংদোক্লদুনা মহাক্না অরিবা মতমগী লৌশিং অমসুং মোদর্ন এচিবমেন্তকী মরী অসিদা নুংঙাইবা ফোংদোকখি। শ্রী মোদীনা হায়খি, "জ্যোতির্লিঙ্গ অসি চন্দ্রগী মমিং (সোমা) গী মতুং ইন্না সোমনাথ কৌবা অসি য়াম্না লেমজনিংঙাই ওইবা অমনি।"
প্রধান মন্ত্রীনা শিব অমসুং শক্তিবু পুন্না ইকায় খুম্নবগী ফিলোসোফী অসিনা হৌজিক ভারতকী সাইন্তিফিক এদভান্সকীদমক মতৌ করম্না ইথিল পীবগে হায়বদু শন্দোক্না তাকখি। ঙসিদি ঐখোয়না মসিগী ৱারেপ অসি মঙফাওনরকপা উবা ফংলে। ঐখোয়গী শিবা অমসুং শক্তিগী লাইশোল অসি লৈবাক অসিগী সাইন্তিফিক প্রোগ্রেসকী ইন্সপিরেশনসু ওইগদবনি হায়না শ্রী মোদীনা ফোংদোকখি। ওপরেসন শক্তিগী কুমওন লাকপদা মহাক্না লৈবাক মীয়াম পুম্নমকপু নুংঙাইবা ফোংদোকখি।
লাইশং অসিগী চহি লিশিং অমগী থুগাইবা অমসুং অমুক হন্না শেমগৎপগী ৱারী শানদুনা, প্রধান মন্ত্রীনা পুৱারী অসিবু পুক্নিং থৌগৎলিবা অচেৎপা ৱাখল্লোন অদু ফোংদোকখি। গজনিগী মাহমুদ অমসুং অলাউদ্দিন খিলজীগুম্বা লান্দারকপশিংনা মথং-মনাও নাইনা লান্দারক্লবসু, লাইশং অসি নিংথৌরেল রাজা ভোজ, ভীমদেব I, কুমারপাল, মহিপাল I, অমসুং রাও খঙ্গারনা কয়ারক হন্না নৌহৌননা শেমগৎখি, মখোয় খুদিংমক্না থোইদোক হেন্দোকপা স্পিরিচুএল কোলগী পাউখুম পীখি। শ্রী মোদীনা হায়খি, "নুং-নুংঙাইনা থুগাইবশিংনা নুঙ অমসুং মোর্তরখক্তমক উখি, অদুবু মখোয়না ঐখোয়গী সিভিলাইজেসনগী ইন্তেলেকচুএল অমসুং স্পিরিচুএল পাৱর অদু খঙখিদে।"
লৈবাক অসিগী কলচরেল রিকভরিদা মীৎয়েং থম্লদুনা, লমদম অসিগী লাইনিংথৌগী হেরিতেজ অসি ঙাক-শেন্দুনা থম্লিবা লাকুলিশা অমসুং সোমা শর্মাগুম্বা শক্নাইরবা মীওইশিংগী থৌদাং অদু প্রধান মন্ত্রীনা থাগৎখি। মহাক্না ভভা ব্রিহাসপতী, পশুপতাচার্য অমসুং লমদম অসিগী স্পিরিচুএল ত্রেদিসনশিং ঙাক-শেন্দুনা থম্লিবা স্কোলর কয়াগী স্কোলারসিপ কন্ত্রিব্যুসনশিংবু শকখঙখি। প্রধান মন্ত্রী মোদীনা লমদম অসিগী ৱাখল্লোনবু ঙাক-শেন্দুনা থম্লিবা বিশালদেব অমসুং ত্রিপুরান্তকগুম্বা ইন্তলেকচুএল পর্সোনিএলিতীশিংবু শকখঙখি। ইকায় খুম্নবা অদু পাকথোক চাউথোকহল্লদুনা মহাক্না সোমনাথকী সেবাদা মশাবু কত্থোকখিবা বীর হমিরজী গোহিল, বীর ভেগদাজী ভিল, পুন্যশ্লোক অহিলয়াবাই হোলকরজী, বরোদকী গেকৱাদস, জাম সাহেব মহারাজা দিগ্বিজয় সিংহজীগুম্বা অতোপ্পা অথোইবা মীওই কয়াগী মমিং পনখি। মহাক্না সোমনাথকী নৌহৌননা শেমগৎপগী মোদর্ন আর্কিতেক্তশিং হায়বদি সরদার পতেল, দোক্তর মোদী, শ্রী নরেন্দ্র মোদী অমসুং শ্রী নরেন্দ্র মোদীবু থাগৎপা ফোংদোকখি। রাজেন্দ্র প্রসাদ, কে.এম.মুনশিজী অমসুং অসিগুম্বা লাইগী থম্মোয় পুম্নমকপু থাগৎচরি। মহাক্না মখোয়গী লেগেসতগী মতমসিগী থৌদাং লৌবগী ইথিল লৌখি। শ্রী মোদীনা হায়খি, "মখোয়গী নিংশিংবনা ঐখোয়দা ঐখোয়গী কলচরেল হেরিতেজ অসিবু মাংলোমদা পুখৎপা খক্তা নত্তনা মসিগী থৌদাং অসি লাক্কদৌরিবা মীরোলশিংগী খুৎতা পীশিনবা মথৌ তাবগী ইথিল পীরি।"
ভারতকী চাওরবা কলচরেল হেরিতেজ অদুগী মতাংদা পল্লদুনা প্রধান মন্ত্রীনা হায়খি মদুদি কলচরেল সাইতশিং অসি চহি লিশিং কয়াদগী লৈবাক অসিগী মশক ওইদুনা লাক্লি। অদুম ওইনমক মহাক্না ভারতকী নীংতম্লবা মতুংগী মতমগী নুংঙাইতবা মশক অমা পনখি। মালেমগী তোঙান তোঙানবা মফমশিংগা চাংদম্নদুনা মহাক্না হায়খি মদুদি মালেমগী মফম কয়াদা, লান্দারকপশিংনা মাংখিবা হেরিতেজ অদু অমুক হন্না শেমগৎনবা লৈবাকশিংনা অমত্তা ওইনা পুনশিনখি। প্রধান মন্ত্রীনা পান্দম অসিগী মায়কৈদা লিংখৎপা লুচিংবশিংনা হোৎনখিবা অদুগীদমক থাগৎপা ফোংদোকখি। অদুম ওইনমক, লুচিংবশিংগী মরক্তগী মখোয়না থেংনখিবা নুংঙাইতবা মায়োক্নবশিং অদুগী মতাংদসু মহাক্না পনখি। অদুম ওইনমক সর্দার সাহেবকী অচেৎপা ৱারেপ্না লৈবাক অসিনা চহি চা কয়াগী ওইবা লাজবা অদু মুত্থৎপা ঙমখি।"
হৌজিক্কী মতমগী শিংনবশিংগী মতাংদা শিংনবা ফোঙদোক্লদুনা প্রধান মন্ত্রীনা হায়খি মদুদি খেন্নবা পুরক্লিবা ফোর্সশিং অসি ঙসিসু ইথিল লৈরি। মহাক্না নেস্নেল ওইনা মরু ওইবা কলচরেল প্রোজেক্তশিংদা মায়োক্নবা হৌখিবা মতমগী খুদমশিং পনখি। প্রধান মন্ত্রীনা অসিগুম্বা খেন্নবগী ৱাখল্লোনগী মায়োক্তা চেকশিন্না লৈনবা হায়খি। মহাক্না নেস্নেল দিবেলপমেন্তকী মায়কৈ অনিমকপু ইকায় খুম্নবা ইথিল পীদুনা তংদু লৈতাবা খুমাং চাওশিনবগী ভিজন অমা ফোংদোকখি। শ্রী মোদীনা হায়খি, "ঐখোয়না চাউখৎপা অমসুং হেরিতেজপু পুন্না লৌদুনা মাংলোমদা চংশিনবা তাই।"
ইকোনোমিক ত্রান্সফোর্মেসনদা তেম্পল ত্রস্তকী থৌদাং অদু শকখঙলদুনা প্রধান মন্ত্রীনা হায়খি মদুদি সোমনাথ অসি মতৌ করম্না ইন্তিগ্রেতেদ দিবেলপমেন্তকী লাইওন অমা ওইরকপগে, অমগা অমগা লোয়ননা স্পিরিচুএল সেন্তর অমা ওইরকপগে অমসুং ইকোনোমিক ইঞ্জিন অমা ওইরকপগে হায়বসিনি। মসিনা ইমুং চাম্মরোম অমসুং মীওই লিশিং কয়াগী হিংনবগী লম্বীদা কান্নবা ফংহল্লি। মহাক্না হায়খি, "মসিগী লাইশঙ অসিনা মালেমগী মফম কয়াদগী মীওই কয়াবু চিংশিল্লি, অমসুং মখোয়গী খোঙচৎ অসিনা লমদম পুম্বদা চাউখৎপা পুরক্লি।"
ভারতকী লাইনিং লাইশোনগী লমদা মহাক্কী মীৎয়েং পাকথোক চাউথোকহন্দুনা, প্রধান মন্ত্রীনা হৌখিবা চহিশিংদা লৈবাক শীনবা থুংনা পায়খৎলিবা অহোংবা চাউখৎ-থৌরাংগী থবকশিং, কেদর্নাথ অমুক হন্না শাগৎপা, কাশীগী বিশ্বনাথ ধাম, উজ্জয়িনগী মহাকল মহোলোক, চর্ধাম হাইৱে প্রোজেক্ত, গোবিন্দঘাটতগী হেমকুন্দ সাহিব ফাওবা রোপৱে প্রোজেক্ত, করতারপুর কোরিদোর অমসুং বৌদ্ধ সর্কিৎকী মতাংদা পনখি। "মসি পুম্নমক অসি চহী ১০-১২গী মনুংদা থোকখ্রে, মসিনা উৎলি মদুদি কলচরেল সাইতশিং অসি চাউখৎপগী থিংনবা নত্তে, অদুবু তশেংনা মখোয় অসি ভারতকী স্পিরিচুএল-সোসিএল সিস্তেমগী সেন্তরশিংনি, অমসুং লৈবাক অসিগী ইকোনোমিক প্রোগ্রেসকী সোর্স অমসুং অশেংবা চাউখৎপগী থোঙজেলশিংনি।"
থৌরাং অসিগী ফিলোসোফিকেল ওইবা য়ুম্ফম অমা থম্লদুনা, প্রধান মন্ত্রীনা উপনিশাদকী ৱারোল "সার্বম খলভিদম ব্রহ্মা", পুম্নমক অসি ব্রাহ্মননি হায়না পনখি। মসিগী ৱাখল্লোন অসিনা তুরেলশিং, উমংশিং, চীংশিং অমসুং মহৌশাগী পোৎলম পুম্নমক অসি অশেংবা মওং ওইনা লৌই হায়না মহাক্না ফোংদোকখি। মালেম অসিনা মহৌশাগী পুন্সি মহিংদা ওন্থোকপা মতমদা, ঐখোয়না মসিগী অরিবা মতমগী লৌশিং অসিবু মশক খঙগদবনি অমসুং শেয়র তৌগদবনি। ঐখোয়না ঐখোয়গী লাইনিংথৌগী মফমশিং অসি মালেম পুম্বগী ওইনা অপুনবা চাউখৎপগী খুদম অমা ওইহল্লসি।"
লৈবাক অমগী মপাঙ্গলদা কলচরগী কন্তিন্যুএন্সকী থৌদাং অদু পল্লদুনা প্রধান মন্ত্রীনা হায়খি মদুদি অনৌবা জেনরেসনশিংনা মখোয়গী পুৱারী, থাজবা অমসুং মগুনশিংগা অমুক্কা হন্না শম্নরকপা মতমদা, লৈবাক অসিগী মনুংগী মপাঙ্গল অসি মপুং ফানা হেনগৎলক্কনি। ঙসি ভারতনা মাংলোমদা চংশিল্লিবা মশা-মশানা থাজবা অসি মসিগী কলচরেল কন্তিন্যুএন্সী অসিদা য়াম্না চাউনা তঙাইফদে হায়না শ্রী মোদীনা হায়খি।
তুংগী মীরোলশিংবু থাগৎলদুনা লোইশিল্লকপদা, প্রধান মন্ত্রীনা মীফম অদুদা নীংশিংখি মদুদি চহী ৭৫গী মমাংদা, সোমনাথ নৌনা শঙ্গাবনা অহোংবা পুরকপগী খোঙচৎ অমা হৌখি। ঙসিদি, খোঙচৎ অসি ঐখোয়গী মাংদা হেন্না পাক-চাউবা মওংদা লৈরি। ঐখোয়না ঐখোয়গী চৎনবীশিংদা য়ুম্ফম ওইদুনা হেন্না ৱাংবা থাক্তা পুখৎকদবনি, মসি ঐখোয়গী মতমগী মেনদেৎনি।" হায়না শ্রী মোদীনা হায়খি।
***
(রিলিজ আই.দি.: 2260232)
ভিজিতর কাউন্তর : 3
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Assamese
,
Bengali
,
Bengali-TR
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam