প্রধানমন্ত্রীগী লোইশঙ
প্রধান মন্ত্রীনা পোচিসে বাইশখকী নুমিৎনা লাকপদা গুরুদেব রবিন্দ্রনাথ তেগোরগী মফমদা ইকাই খুম্নবা উৎখ্রে
থাগৎখিবা:
09 MAY 2026 9:10AM by PIB Imphal
প্রধান মন্ত্রী, শ্রী নরেন্দ্র মোদীনা ঙসি পোচিসে বাইশখকী অখন্নবা থৌরমনা লাকপদা গুরুদেব রবীন্দ্রনাথ তেগোরবু থম্মোয় শেংনা ইকায় খুম্নবা উৎখ্রে।
প্রধান মন্ত্রীনা হায়খি মদুদি গুরুদেব তেগোর অসি অখন্নবা মগুন লৈবা অইবা, থিঙ্কর অমসুং কবি অমনি, মহাক অসি অখন্নবা ফিলোসোফর, এজুকেস্নিস্ত, আর্তিস্ত অমসুং ভারতকী সিভিলাইজেস্নেল সোলগী মতম চুপ্পগী ওইবা ভোইস অমা ওইনা মশক তাকখি।
গুরুদেব তেগোরনা মীওইবা খুন্নাইগী খ্বাইদগী অঙকপা ৱাখল্লোনশিং অমসুং ভারতকী নাৎকী খ্বাইদগী ফবা ৱাখল্লোনশিং ফোঙদোকখি হায়না প্রধান মন্ত্রীনা পনখি। গুরুদেবনা অনৌবা ৱাখল্লোন, শেমগৎ শাগৎপগী থৌনা অমসুং কলচরেল কনফিদেন্সনা খুন্নাই অসিবু মপাঙ্গল কনখৎহনখি হায়না মহাক্না মখা তাখি।
শ্রী মোদীনা হায়খি মদুদি লৈবাক অসিনা গুরুদেব তেগোরবু থাগৎপা অমসুং ইকায়খুম্নবগা লোয়ননা নীংশিংলি। গুরুদেবকী ৱাখল্লোনশিং অসিনা মীয়ামগী ৱাখলদা মঙাল পীগনি অমসুং মখোয়গী হোৎনবদা লমজিং-লমতাকপীগনি হায়না মহাক্না আশা তৌখি।
প্রধান মন্ত্রীনা এক্সতা ইখি;
“ঙসি, পোচিসে বাইশখকী অখন্নবা থৌরমদা, ঐখোয়না গুরুদেব তেগোরবু থমোয় শেংনা ইকায় খুম্নবা উৎচরি।
গুরুদেব তেগোর অসি অখন্নবা মগুন লৈরবা অইবা, থিঙ্কর অমসুং কবি অমনি। মহাক অসি অখন্নবা ফিলোসোফর, এজুকেস্নিস্ত, আর্তিস্ত অমসুং ভারতকী সিভিলাইজেস্নেল সোলগী মতম চুপ্পগী ওইবা ভোইস অমা ওইনা মশক তাকখি। মহাক্না মীওইবা খুন্নাইগী অঙকপা ৱাখল্লোনশিং অমসুং ঐখোয়গী কলচরগী খ্বাইদগী ফবা ৱাখল্লোনশিং ফোংদোকখি। মহাক্না ঐখোয়গী খুন্নাইবু অনৌবা ৱাখল্লোন, ক্রিএতিব ইনর্জী অমসুং কলচরেল কনফিদেন্সনা মপাঙ্গল কনখৎহনখি।
ঐখোয়না মহাকপু থম্মোয় শেংনা ইকাই খুম্নবা অমসুং থাগৎপা ফোংদোকচরি। মহাক্কী ৱাখল্লোন অসিনা ঐখোয়গী ৱাখলদা মঙাল পীবা অমসুং ঐখোয়গী হোৎনবদা ঐখোয়বু লমজিংবা ওইরসনু।”
***
(রিলিজ আই.দি.: 2259463)
ভিজিতর কাউন্তর : 11
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Assamese
,
Bengali
,
Bengali-TR
,
Gujarati
,
Tamil
,
Telugu
,
Kannada
,
Malayalam