প্রধান মন্ত্রী শ্রী নরেন্দ্র মোদীনা ২০২৬গী মে ১০দা কর্নাতকা অমসুং তেলঙ্গনাদা চৎকনি। অয়ুক পুং ১১ রোম তাবদা, প্রধান মন্ত্রীনা বেঙ্গালুরুদা আর্ত ওফ লিভিংগী ৪৫শুবা চহিগী থৌরমদা শরুক য়াগনি অমসুং থৌরম অদুদা তিল্লিবা মীয়ামদা ৱা ঙাংগনি। মদুগী মতুংদা প্রধান মন্ত্রী হাইদরাবাদতা চৎকনি অমসুং নুংথিল পুং ৩ রোম তাবদা মহাক্না লুপা করোর ৯,৪০০ রোমগী চাউখৎ-থৌরাংগী প্রোজেক্ত কয়াগী উরেপ উয়ুং তমগনি, শঙ্গাগনি অমসুং জাতিদা কত্থোক্কনি। থৌরম অসিদা মহাক্না মীয়ামদা ৱা ঙাংগনি। নুংথিল পুং ৩.৪৫ রোম তাবদা, প্রধান মন্ত্রীনা হাইদরাবাদতা লৈবা সিন্ধু হোস্পিতাল জাতিদা কত্থোক্কনি।

বেঙ্গলুরুদা পি.এম.

গুরুদেব শ্রী শ্রী রবি শঙ্করনা ইং ১৯৮১দা লিংখৎখিবা, দি আর্ত ওফ লিভিং অসি মালেমগী লৈবাক ১৮২দা লৈরিবা ভোলুন্তিয়রশিংনা লমজিংবা হ্যুমেনিতরিয়ন অমসুং এজুকেস্নেল ওর্গনাইজেসন অমা ওইরকখি। প্রধান মন্ত্রীনা ওর্গনাইজেসন অসিগী ৪৫শুবা মপোক কুমওন অমসুং গুরুদেব শ্রী শ্রী রবি শঙ্করগী ৭০শুবা মপোক কুমওনগী থৌরমদা শরুক য়াগনি।

প্রধান মন্ত্রীনা বেঙ্গালুরুদা আর্ত ওফ লিভিং ইন্তর্নেস্নেল সেন্তরদা নৌনা শাবা ধ্যান মন্দিরসু শঙ্গাগনি, মসি নুংগী শান্তি অমসুং অপুনবা য়াইফ-থৌরাংগী মফম অমা ওইন্নবা পান্দম থম্মিবা হোল অমনি। মহাক্না লৈবাক শনবা থুংনা আর্ত ওফ লিভিংগী সর্ভিস ইনিসিএতিবশিংসু হৌদোক্কনি, মসিদা মেন্তেল ৱেল-বিং, রুরেল দিবেলপমেন্ত, মহৌশাবু ঙাকশেনবা অমসুং সোসিএল ত্রান্সফোর্মেসনদা মীৎয়েং থম্বা চহি অমা চুপ্না চৎথগদবা প্রোজেক্তশিং য়াওরি।

হাইদরাবাদতা পি.এম.

প্রধান মন্ত্রীনা চাউরাক্না লুপা করোর ৯,৪০০ রোমগী চাউখৎ-থৌরাংগী প্রোজেক্ত কয়া শঙ্গাগনি, উরেপ-উয়ুং তমগনি অমসুং জাতিদা কত্থোক্কনি। প্রোজেক্তশিং অসিনা কনেক্তিবিতী মপাঙ্গল কনখৎহন্নবা, লোজিস্তিক্কী ইফিসিএন্সী হেনগৎহন্নবা, সেক্যুরিতী হেনগৎহন্নবা অমসুং পেসেঞ্জরশিংগীদমক হেন্না ফবা ত্রেবেল এক্সপরিয়েন্স অমা ফংহন্নবা পান্দম থম্লি।

প্রধান মন্ত্রীনা হাইদরাবাদ-পানাজী ইকোনোমিক কোরিদোরগী গুদেবেল্লুরদগী মহাবুবনগর ফাওবগী নেস্নেল হায়ৱে-১৬৭গী লেন মরি ওন্থোকপগীদমক লুপা করোর ৩,১৭৫ হেনবগী অপুনবা প্রোজেক্তকী শেনফম চংবা অসি উরেপ উয়ুং তমগনি। প্রোজেক্ত অসিনা ত্রাফিক অসি নুংঙাইনা, শাফনা অমসুং অপনবা লৈতনা চৎপা ঙমহনগনি। মসিনা চৎপগী মতম পুং ১গা মিনিৎ ৩০গী ময়াদা হন্থহল্লগনি অমসুং থাও চাবা অমসুং ভেহিকল মেন্তেনেন্সকী শেনফম হন্থহল্লগনি। হায়ৱে অসিনা তেলঙ্গনা অমসুং কর্নাতকাগী মরক্তা কনেক্তিবিতী মপাঙ্গল কনখৎহল্লগনি অমসুং রাজ্য অনিমক্তা ইন্দস্ত্রীএল দিবেলপমেন্ত হেনগৎহল্লগনি।

প্রধান মন্ত্রীনা নেস্নেল ইন্দস্ত্রীএল কোরিদোর দিবেলপমেন্ত প্রোগ্রামগী শরুক অমা ওইনা হাইদরাবাদ-নাগপুর ইন্দস্ত্রীএল কোরিদোর (ঐচ.এন.আই.সি.) গী মখাদা শেমগৎলিবা সঙ্গারেদ্দী জিলাদা লৈবা জহিরবাদ ইন্দস্ত্রীএল এরিয়াগী উরেপ উয়ুংসু তমগনি। একর ৩২৪৫দা অপুনবা শেনফম লুপা করোর ২,৩৫০ হেন্না থাদদুনা শেমগৎলিবা প্রোজেক্ত অসি এন.ঐচ. ৬৫গী নাকলদা লৈবা অমসুং মরুওইবা শহরশিং, পোর্তশিং, রেল নেৎৱার্কশিং অমসুং এয়রপোর্তশিংদা মল্তিমোদেল কনেক্তিবিতী ফংহল্লগনি।

স্মার্ত ইন্তিগ্রেতেদ ইন্দস্ত্রীএল তাউনশিপ অমা ওইনা পান্দম থম্লিবা জহিরাবাদ ইন্দস্ত্রীএল এরিয়া অসিদা এদভান্স ওইরবা অমসুং সস্তেনেবল ওইবা ইনফ্রাস্ত্রকচর লৈগনি অমসুং নেক্স জেনরেসনগী ইন্দস্ত্রীশিংদা মতেং পাংগনি। মশক খঙদোক্লবা মরুওইবা সেক্তরশিং অদুদি ওতোমোবাইল, ফুদ প্রোসেসিং, মেছিনরী, মেতলস অমসুং ইলেক্ত্রিকল ইক্বিপমেন্তনি। প্রোজেক্ত অসিনা চাউরাক্না লুপা করোর ১০,০০০গী ইনভেস্তমেন্ত লাকহন্নবা অমসুং লমদম অসিগী শেন্মিৎলোন চাউখৎহনবদা চাউনা মতেং পাংদুনা অচৌবা থবক ফংহন্নবা পান্দম থম্লি।

প্রধান মন্ত্রীনা ৱারঙ্গলদা পি.এম. মিত্রা পার্ক, পি.এম. মিত্রা স্কিমগী মখাদা শেমগৎপা কাকাতিয়া মেগা তেক্সতাইল পার্ক হায়নসু খঙনবা অসি শঙ্গাগনি। চাউরাক্না লুপা করোর ১,৭০০গী চংনা শেমগৎখিবা, মসি ভারতকী অহানবা মপুং ফানা মথৌ তৌবা পি.এম. মিত্র পার্কনি অমসুং ভারত সরকারগী ৫এফ ভিজন – ফার্ম তু ফাইবর তু ফেক্তরী তু ফেশন তু ফোরেন অসি থবক ওইনা পাংথোক্লি। স্ত্রেতেজিক ওইবা মওংদা নাগপুর-বিজয়ৱাদা গ্রীনফিল্দ এক্সপ্রেসৱে (এন.ঐচ.-১৬৩জি) গী মনাক্তা অমসুং এন.ঐচ.-১৬৩গা নক্নবা মফমদা লৈবা পার্ক অসিনা মরুওইবা রেলৱেজ নেৎৱার্কশিং অমসুং সমুদ্রগী পোর্তশিংগা অফবা মল্তি-মোদেল কনেক্তিবিতী ফংহল্লি। মসিনা মালেমগী ললোন-ইতিক্কীদমক্তা লেপ্পা লৈতনা লোজিস্তিক্স ফংহল্লি। মালেমগী থাক্কী ইন্দস্ত্রীএল ইকোসিস্তেম অমা ওইনা দিজাইন তৌরবা, পার্ক অসিদা পাক চাউবা ইন্তরনেল রোদ নেৎৱার্ক, দেদিকেতেদ পৱার সবস্তেসন অমসুং এশুরেন্ত ৱাতর সপ্লাই য়াওনা স্তেত-ওফ-দি-আর্ত ইনফ্রাস্ত্রকচর লৈ। মসিদা জিরো লিক্বিদ দিসচার্জ তেক্নোলোজীগা লোয়ননা কম্মন ইফ্ল্যুএন্ত ত্রিৎমেন্ত প্লান্ত অমগী খুত্থাংদা সস্তেনেবল দিবেলপমেন্তদা মরুওইবা পীরি।

প্রধান মন্ত্রীনা চাউরাক্না লুপা করোর ১৫৩৫গী মরুওইবা রেলৱে ইনফ্রাস্ত্রকচর প্রোজেক্তশিং জাতিদা কত্থোক্কনি। মসিগী মনুংদা কাজিপেৎ-বিজয়ৱাদা মল্তি-ত্রেকিং প্রোজেক্তকী কিলোমীতর ১১৮গী শরুক কয়া অমা য়াওরি। প্রোজেক্ত অসিনা য়াম্না চিনবা গ্রান্দ ত্রঙ্ক কোরিদোরদা লাইন কেপাসিতী হেনগৎহল্লগনি। মসিনা ত্রেনগী থবকশিং য়াংখৎহল্লগনি, কঞ্জেসন হন্থহল্লগনি, মতম চানা চৎপা হেনগৎহল্লগনি অমসুং লমদম অসিদা কার্গো ত্রাফিক হেনগৎহল্লগনি।

মসিগী মথক্তা, কাজিপেৎ রেল আন্দর রেল বাইপাসসু জাতিদা কত্থোক্কনি। স্ত্রেতেজিক প্রোজেক্ত অসিনা কাজিপেৎ জঙ্কসনদা হাইদরাবাদ, বলহারশাহ অমসুং বিজয়ৱাদাগী মায়কৈদা অমুক্তংদা ত্রেন চৎথোক-চৎশিন তৌবা ঙমহন্দুনা চিনবা হন্থহল্লগনি। মসিনা ওপরেস্নেল ইফিসিএন্সী হেনগৎহল্লগনি অমসুং দিলে হন্থহনবদা মতেং ওইরগনি।

প্রধান মন্ত্রীনা হাইদরাবাদতা লুপা করোর ৬০০ হেনবগী শেনফম্না শেমগৎখিবা ইন্দিয়ন ওইলগী মালকাপুর তর্মিনেল প্রোজেক্ত জাতিদা কত্থোক্কনি। পেত্রোলিয়ম পোত্থোকশিং হন্দলিং তৌবা ঙম্বগী চাং হেনগৎহন্নবা অমসুং লমদম অসিদা হেনগৎলক্লিবা ইনর্জীগী মথৌ তাবশিং ফংহন্নবা মালকাপুর তর্মিনেল অসি লিংখৎখ্রে। তর্মিনেল অসিগী অপুনবা তেঙ্কেজ কেপাসিতী অসি কিলোলিতর (কে.এল.) ১,৬৫,০০০নি।

ভারতকী হেল্থকেয়র ইনফ্রাস্ত্রকচরগী মরুওইবা মাইলস্তোন অমা ওইনা প্রধান মন্ত্রীনা হাইদরাবাদতা লৈবা কন্সরদা মীৎয়েং থম্বা স্তেৎ-ওফ-দি-আর্ত, মল্তি-সুপর-স্পিসিএলিতী ক্বাতর্নরী ইয়র নোত-ফোর-প্রোফিৎ ইন্সতিত্যুসন অমা ওইরিবা সিন্ধু হোস্পিতালসু জাতিদা কত্থোক্কনি। স্ক্বার ফুত মিল্লিয়ন ২.১দা পাক শন্না শন্দোকপা অমসুং মথোল ১৮ লৈবা হোস্পিতাল অসিদা ফমুং ১৫০০, দোক্তর কন্সল্তেসন রুম ১৫০ অমসুং এদভান্স ওপরেসন থীএতর ২৯ লৈ। হোস্পিতাল অসিদা কম্প্রিহেন্সিব কেয়র অসি কেমোথেরাপী, রেদিএসন থেরাপী, কেন্সর সর্জরী, বোন মেরো ত্রান্সপ্লান্ত, এদভান্স ক্রিতিকেল কিয়র অমসুং সুপর স্পেসিএলিতি ৩৩ হেন্না লৈদুনা কত্তিং-এদজ দাইগনোস্তিক্স, মোদর্ন লেবোরেতরী অমসুং ব্লদ সেন্তর ফেসিলিতীশিং য়াওরি।

প্রোজেক্তশিং অসিদা প্রধান মন্ত্রীগী ভিজন 'ভিক্সিৎ তেলঙ্গনা ফোর ভিক্সিৎ ভারত'গী মমি তারি। মসিদা ইকোনোমিক গ্রোথ, পুন্সি মহিং ফগৎহনবা অমসুং হেন্না থুনা, হেন্না কন্নেক্তেদ ওইবা নেসন অমা শেমগৎনবা ইন্তিগ্রেতেদ ইনফ্রাস্ত্রকচর দিবেলপমেন্তদা মীৎয়েং থম্লি।

***