સંરક્ષણ મંત્રાલય
ભારત દ્વારા મલ્ટિપલ ઇન્ડિપેન્ડન્ટલી ટાર્ગેટેડ રી-એન્ટ્રી વ્હીકલ સિસ્ટમ સાથે અદ્યતન અગ્નિ મિસાઇલનું સફળ ઉડ્ડયન-પરીક્ષણ કરવામાં આવ્યું
પોસ્ટેડ ઓન:
09 MAY 2026 4:48PM by PIB Ahmedabad
ભારતે 08 મે, 2026ના રોજ ઓડિશાના ડો. એપીજે અબ્દુલ કલામ આઇલેન્ડ પરથી મલ્ટિપલ ઇન્ડિપેન્ડન્ટલી ટાર્ગેટેડ રી-એન્ટ્રી વ્હીકલ (MIRV) સિસ્ટમ સાથેની અદ્યતન અગ્નિ મિસાઇલનું સફળ ઉડ્ડયન-પરીક્ષણ કર્યું હતું. મિસાઇલનું બહુવિધ પેલોડ્સ સાથે પરીક્ષણ કરવામાં આવ્યું હતું, જે હિંદુ મહાસાગર ક્ષેત્રમાં વિશાળ ભૌગોલિક વિસ્તારમાં ફેલાયેલા વિવિધ લક્ષ્યોને નિશાન બનાવવા માટે નિર્ધારિત હતા.
બહુવિધ ગ્રાઉન્ડ અને શિપ-આધારિત સ્ટેશનો દ્વારા ટેલિમેટ્રી અને ટ્રેકિંગ હાથ ધરવામાં આવ્યું હતું. આ સિસ્ટમોએ લિફ્ટ-ઓફથી લઈને તમામ પેલોડ્સના પ્રભાવ (ઈમ્પેક્ટ) સુધીના સંપૂર્ણ મિસાઇલ માર્ગને ટ્રેક કર્યો હતો. ફ્લાઇટ ડેટાએ પુષ્ટિ કરી છે કે પરીક્ષણ દરમિયાન મિશનના તમામ ઉદ્દેશ્યો પૂરા કરવામાં આવ્યા હતા.
આ સફળ પરીક્ષણ સાથે, ભારતે ફરી એકવાર સિંગલ મિસાઇલ સિસ્ટમનો ઉપયોગ કરીને બહુવિધ વ્યૂહાત્મક લક્ષ્યોને નિશાન બનાવવાની ક્ષમતા પ્રદર્શિત કરી છે. આ મિસાઇલ દેશભરના ઉદ્યોગોના સહયોગથી ડીઆરડીઓ (DRDO) પ્રયોગશાળાઓ દ્વારા વિકસાવવામાં આવી છે. આ પરીક્ષણના સાક્ષી ડીઆરડીઓના વરિષ્ઠ વૈજ્ઞાનિકો અને ભારતીય સેનાના જવાનો બન્યા હતા.
રક્ષા મંત્રી શ્રી રાજનાથ સિંહે સફળ ઉડ્ડયન-પરીક્ષણ બદલ ડીઆરડીઓ, ભારતીય સેના અને ઉદ્યોગ જગતને અભિનંદન પાઠવ્યા છે. તેમણે કહ્યું કે, આ સફળતા વધતી જતી સુરક્ષા જરૂરિયાતો સામે દેશની સંરક્ષણ સજ્જતામાં અવિશ્વસનીય ક્ષમતા ઉમેરશે.
SM/BS/JD
(રીલીઝ આઈડી: 2259387)
મુલાકાતી સંખ્યા : 17