الیکشن کمیشن نے 6 مئی 2026 کو اختتام پذیر ہونے والے قانون ساز اسمبلیوں کے عام انتخابات اور ضمنی انتخابات 2026 کے انڈیکس کارڈ اور شماریاتی رپورٹیں شائع کی ہیں ۔  انتخابات والے تمام 830 اسمبلی حلقوں کے انڈیکس کارڈ اور شماریاتی رپورٹیں شائع کی گئی ہیں ۔  مغربی بنگال کے اسمبلی حلقہ 144-فالٹا کے لیے 21 مئی 2026 کو دوبارہ ووٹنگ  کی تاریخ طے کی گئی ہے ۔

قانون ساز اسمبلیوں کے عام انتخابات اور ضمنی انتخابات  کے  انڈیکس کارڈ انتخابی نتائج کے اعلان کے 72 گھنٹوں کے ریکارڈ وقت کے اندر دستیاب کر دیے گئے ہیں ۔  یاد رہے کہ انڈیکس کارڈ اور شماریاتی رپورٹوں کی ڈیجیٹل اپڈیشن اور تیزی سے اشاعت کمیشن کی جانب سے گزشتہ ایک سال میں کیے گئے 30 سے زیادہ اقدامات میں سے ایک ہے ۔  ای سی آئی این ای ٹی کے آغاز سے پہلے ، اس عمل میں کئی ہفتوں سے لے کر مہینوں تک کا وقت لگتا تھا کیونکہ اعداد و شمار کو فیلڈ حکام دستی طور پر بھرتے تھے ۔

انڈیکس کارڈ میں متعدد جہتوں جیسے امیدوار ، ووٹر ، ڈالے گئے ووٹ  ،گنتی کے ووٹ، پارٹی کے لحاظ سے اور امیدوار کے لحاظ سےڈالے گئے ووٹوں کی تعداد وغیرہ کے اعداد و شمار  شامل ہوتے ہیں ۔  ان انڈیکس کارڈ تک دونوں پلیٹ فارمز یعنی ای سی آئی این ای ٹی ایپ (انتخابات کے بارے میں ٹیب → موجودہ انتخابات → انڈیکس کارڈز) اور ای سی آئی کی سرکاری ویب سائٹ https://www.eci.gov.in/statistical-reports کے ذریعہ رسائی حاصل کی جا سکتی ہے ۔ ای سی آئی نے بیک وقت عام انتخابات کے لیے 14 شماریاتی رپورٹوں کا ایک مجموعہ شائع کیا ہے ۔  یہ پہلا موقع ہے کہ انتخابی نتائج کے اعلان کے 72 گھنٹوں کے اندر شماریاتی رپورٹیں شائع کی گئی ہیں ۔

شماریاتی رپورٹوں میں متعدد زاویوں کا احاطہ کیا جاتا ہے ، جیسے ریاستی سطح اور حلقہ وار ووٹروںکی تفصیلات ، پولنگ اسٹیشنوں کی تعداد ، ریاست/حلقہ وار ووٹر ٹرن آؤٹ ، صنف کے لحاظ سےووٹنگ  میں شرکت ، پارٹی کے لحاظ سےووٹ شیئر ، حلقہ وار ڈیٹا سمری رپورٹ ، حلقہ وار تفصیلی نتائج اور دیگر تفصیلات ۔

شماریاتی رپورٹوں کی اشاعت ای سی آئی کی پہل ہے جس کا مقصد تعلیمی اداروں ، محققین اور عوام سمیت تمام متعلقہ فریقوں کے لیے انتخابات سے متعلق ڈیٹا کی شفافیت اور رسائی کو فروغ دینا ہے اور یہ انڈیکس کارڈ میں درج ثانوی ڈیٹا سے تیار کیے جاتے ہیں ۔

بنیادی ڈیٹا متعلقہ ریٹرننگ افسران کے زیر انتظام قانونی فارموں میں درج ہوتا ہے اور قانونی فارموں میں رکھا گیا ڈیٹا حتمی ہوتا ہے ۔

********

) ش ح ۔ م ش ع۔م ر)

U.No. 6805