1. ભારતના ચૂંટણી પંચે 6 મે, 2026ના રોજ યોજાયેલી વિધાનસભાની 2026ની સામાન્ય ચૂંટણીઓ અને પેટાચૂંટણીઓ માટે ઇન્ડેક્સ કાર્ડ અને આંકડાકીય અહેવાલો પ્રકાશિત કર્યા છે. આ ઇન્ડેક્સ કાર્ડ અને આંકડાકીય અહેવાલો તમામ 830 વિધાનસભા મતવિસ્તારો (ACs) માટે પ્રકાશિત કરવામાં આવ્યા છે જ્યાં મતદાન થયું હતું. પશ્ચિમ બંગાળના 144-ફાલ્ટા વિધાનસભા મતવિસ્તારમાં 21 મે, 2026ના રોજ ફરીથી મતદાન થવાનું છે.
2. વિધાનસભાઓની સામાન્ય ચૂંટણીઓ અને પેટાચૂંટણીઓ માટે ઇન્ડેક્સ કાર્ડ ચૂંટણી પરિણામોની જાહેરાતના માત્ર 72 કલાકના રેકોર્ડ સમયમાં ઉપલબ્ધ કરાવવામાં આવ્યા છે. તે ઉલ્લેખનીય છે કે ઇન્ડેક્સ કાર્ડ અને આંકડાકીય અહેવાલોનું ડિજિટલ અપડેટ અને ઝડપી પ્રકાશન એ છેલ્લા એક વર્ષમાં કમિશન દ્વારા શરૂ કરાયેલ 30થી વધુ પહેલોમાંની એક છે. ECINET શરૂ થાય તે પહેલાં, આ પ્રક્રિયા અઠવાડિયાથી મહિનાઓ સુધી ચાલતી હતી, કારણ કે ક્ષેત્રીય અધિકારીઓ દ્વારા ડેટા મેન્યુઅલી દાખલ કરવામાં આવતો હતો.
3. ઇન્ડેક્સ કાર્ડ્સમાં ઉમેદવારો, મતદારો, પડેલા મતો, ગણતરી થયેલ મતો, પક્ષવાર અને ઉમેદવાર-વાર મતદાન થયેલા મતો વગેરે જેવા વિવિધ પરિમાણોનો ડેટા હોય છે. આ ઇન્ડેક્સ કાર્ડ્સ બંને પ્લેટફોર્મ પરથી એટલે કે, ECINET એપ (ચૂંટણીઓ વિશે ટેબ → વર્તમાન ચૂંટણીઓ → ઇન્ડેક્સ કાર્ડ્સ) અને ECIની સત્તાવાર વેબસાઇટ https://www.eci.gov.in/statistical-reports ઍક્સેસ કરી શકાય છે.
4. ECI એ સામાન્ય ચૂંટણીઓ માટે 14 આંકડાકીય અહેવાલોનો સમૂહ પણ પ્રકાશિત કર્યો છે. આ પહેલી વાર છે કે ચૂંટણી પરિણામો જાહેર થયાના 72 કલાકની અંદર આંકડાકીય અહેવાલો પ્રકાશિત કરવામાં આવ્યા છે.
5. આંકડાકીય અહેવાલો વિવિધ ચલો(વેરીએબલ્સ)ને આવરી લે છે, જેમ કે રાજ્ય-સ્તર અને AC-વાર મતદાર મતદાન, મતદાન મથકોની સંખ્યા, રાજ્ય/AC-વાર મતદાર મતદાન, લિંગ-વાર મતદાર ભાગીદારી, પક્ષ-વાર મત હિસ્સો, મતવિસ્તાર ડેટા સારાંશ અહેવાલો, મતવિસ્તાર-વાર વિગતવાર પરિણામો અને અન્ય વિગતો.
6. આંકડાકીય અહેવાલોનું પ્રકાશન ECIની સ્વ-પ્રેરિત પહેલ છે.  જેનો હેતુ શિક્ષણવિદો, સંશોધકો અને સામાન્ય લોકો સહિત તમામ હિસ્સેદારો માટે પારદર્શિતા અને ચૂંટણી સંબંધિત ડેટાની સુલભતાને પ્રોત્સાહન આપવાનો છે; આ અહેવાલો 'ઇન્ડેક્સ કાર્ડ્સ'માં ભરેલા ગૌણ ડેટાના આધારે તૈયાર કરવામાં આવે છે.
7. પ્રાથમિક ડેટા સંબંધિત રિટર્નિંગ અધિકારીઓ દ્વારા જાળવવામાં આવતા વૈધાનિક ફોર્મમાં સમાયેલ છે અને આ વૈધાનિક ફોર્મમાં દાખલ કરાયેલ ડેટા અંતિમ માનવામાં આવે છે.

SM/IJ/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com