শেনমিৎলোন্দা মন্ত্রীমন্দলগী মীফম (সি.সি.ই.এ.)
গুজরাতকী ভাদিনারদা জহাজ শেমজিন-শাজিনফম অমা লিংখৎপদা মন্ত্রীমন্দলনা অয়াবা পীরে
থাগৎখিবা:
05 MAY 2026 6:50PM by PIB Imphal
ঙসি প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতি ওন ইকোনোমিক এফেয়ার্সনা গুজরাতকী ভাদিনারদা জহাজ শেমজিন-শাজিনফম অমা লিংখৎপদা অয়াবা পীরে, লৈবাক অসিগী জহাজ শেমজিন-শাজিনবগী থবক য়াম্না চাউনা ফগৎলগনি। লুপা করোর ১,৫৭০ গী অপুনবা শেনফম অমা থাদুনা, প্রোজেক অসি দিনদয়াল পোর্ত ওথোরিতি অমসুং কোচিন সিপয়ার্দ লিমিতেদনা পুন্না পায়খৎকদবনি।
প্রোজেক অসিদা মিতর ৬৫০ শাংবা জেত্তি অমা, অচৌবা অতাওবা কংফালগী দোগ অনি, ৱার্কশোপশিং অমসুং মরী লৈনবা মেরিন ইনফ্রাষ্ট্রকচর লৈগনি। ভাদিনারগী মহৌশাদগী অরুবা সমুদ্রগী শরুক লৈবা, মরুওইবা জহাজগী লম্বীশিংগা শম্নবা অমসুং মুন্দ্রা অমসুং কান্দলাগুম্বা মরুওইবা হিথাংফমশিংগা নক্নবা অসিনা জহাজ শেমজিন-শাজিনবগী চপ চারবা মফম অমা ওইরে, মরুওইনা মসিনা অচৌবা ললোন-ইতিক অমসুং মপান লৈবাক্কী জহাজশিংদা কান্নবা পীগনি।
প্রোজেক অসিনা স্কিল হেনগৎহনবা অমসুং হকথেংননা অমসুং নাকোইননা থবক পীনবা খুদোংচাবশিং পীগনি অমসুং অকোয়বগী মফমশিংদা মেরিতাইম এন্সিলারি সর্বিস অমসুং এম.এস.এম.ইশিং চাউখৎহনগনি।
কান্নবা:
লৈবাক অসিদা মিতর ২৩০ দগী হেন্না শাংবা অচৌবা জহাজশিং শেমজিন-শাজিন্নবা হৌজিক লৈবাক অসিদা অৱাৎপা লৈবগা লোয়ননা, ভাদিনারগী জহাজ শেমজিন-শাজিনবগী খুদোংচাবা অসিনা ভারতকী জহাজ শেমজিন-শাজিনবগী ইনফ্রাষ্ট্রকচরদা চাউনা অহোবা অমা লৈরিবা অসি মেনখৎকনি। মিতর ৩০০ ফাওবগী জহাজ শেমজিন-শাজিনবা ঙমদুনা, মসিনা ভারত মনুংদা অচৌবা জহাজশিং শেমজিন শাজিনগনি। মসিনা মপান লৈবাকশিংগী সিপয়ার্দশিংগী মখা পোনবা হন্থহনগনি অমসুং মপান লৈবাক্ত শেন চৎখিবা থিংবা ঙমগনি।
নোংচুপ থংবা সমুদ্র মপান্দা জহাজশিং চৎথোক-চৎশিনগী মতম হেনগৎহনবা অমসুং মখোয় শেমজিন-শাজিনবগী থবক ফগৎহনবা অসিনা ভারতকী হিথাংফমশিং হিরম খুদিংমক্ত চাংদম্নবা শরুক য়াবা হেনগৎহনগনি। জহাজ শেমজিন-শাজিনবা, পুথোক-পুশিন অমসুং এন্সিলিয়ারি ইন্দষ্ট্রিশিং শীনবা হকথেংনবা থবক ২৯০ অমসুং নাকোইনবা থবক ১,১০০ রোম প্রোজেক অসিনা পীগনি হায়না পানরি অমসুং মেরিতাইম ইন্দষ্ট্রিগী থবক ফগৎহনগনি।
থবক অসিনা লমদম অসিগী শেন-থুম চাউখৎহনবদা মতেং পাংগনি অমসুং মেরিতাইম ইন্দিয়া ভিজন ২০৩০ অমসুং মেরিতাইম অমৃত কাল ভিজন ২০৪৭ গী মখাদা ভারতকী মেরিতাইমগী পান্দমশিং ফংবদা মতেং ওইগনি।
***
(রিলিজ আই.দি.: 2258261)
ভিজিতর কাউন্তর : 9
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Telugu
,
Kannada
,
Malayalam