প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেবিনেৎ কম্মিতী ওন ইকোনোমিক এফিয়র্সনা চু থারিবা লৌমীশিং (গন্না কিসান) গী য়াইফনবা সুগর সিজন ২০২৬-২৭ (ওক্তোবর-সেপ্তেম্বর) গীদমক চুগী ফিয়র অমসুং রিম্যুনরেতিব প্রাইস (এফ.আর.পি.) অসি ১০.২৫%গী বেসিক রিকোভরী রেৎ অমগীদমক ক্বিন্তল অমদা লুপা ৩৬৫দা অয়াবা পীখ্রে, মসিনা ১০.২৫%গী মথক্কী রিকোভরীদা ০.১% হেনগৎলকপা খুদিংগী ক্বিন্তল অমদা লুপা ৩.৫৬গী প্রিমিয়ম অমা পীরি অমসুং রিকোভরীদা ০.১% হন্থবা খুদিংগী ক্বিন্তল অমদা লুপা ৩.৫৬ এফ.আর.পি.দা হন্থগনি।

চু থারিবা লৌমীশিংগী ইন্তরেস্ত ঙাক্নবা সরকারনা সুগর মিলশিংগী ওইনদি রিকোভরী অসি চাদা ৯.৫গী মখাদা লৈবা মতমদা দিদক্সন অমত্তা লৌরোই হায়না ৱারেপ লৌখ্রে। অসিগুম্বা লৌমীশিংনা সুগর সিজন ২০২৬-২৭তা চুগী ক্বিন্তল অমদা লুপা ৩৩৮.৩ ফংগনি।

২০২৬-২৭গী সুগর সিজনগীদমক চুগী পোত্থোক পুথোকপগী মমল (এ২ + এফ.এল.) অসি ক্বিন্তল অমদা লুপা ১৮২ ওইগনি। ক্বিন্তল অমদা লুপা ৩৬৫গী এফ.আর.পি. অসি রিকোভরী রেৎ ১০.২৫% ওইদুনা পোত্থোক পুথোকপগী শেনফমদগী ১০০.৫% হেন্না ৱাংই। ২০২৬-২৭গী সুগর সিজনগী এফ.আর.পি. অসি হৌজিক লৈরিবা সুগর সিজন ২০২৫-২৬দগী ২.৮১% হেন্না ৱাংই।

অয়াবা পীরবা এফ.আর.পি. অসি সুগর মিলশিংনা ২০২৬-২৭কী সুগর সিজন (ওক্তোবর ১, ২০২৬দগী হৌরগা) দা লৌমীশিংদগী চু লৈবদা চৎনগনি। সুগর সেক্তর অসি মরুওইবা এগ্রো-বেজ সেক্তর অমনি মসিনা ফার্ম লেবর অমসুং ত্রান্সপোর্তেসন য়াওনা তোঙান তোঙানবা এন্সিলরী এক্তিবীশিংদা থবক তৌরিবশিংগী মথক্তা চু থারিবা লৌমী করোর ৫ অমসুং মখোয়গী মখা পোল্লিবশিং অমসুং সুগর মিলশিংদা হকথেংননা থবক শুবা শিন্মী লাখ ৫গী পুন্সি মহিংদা কান্নবা পীরি।

নুংগী ওইবা ৱারোল:

এগ্রিকলচরেল কোস্ত অমসুং প্রাইস কম্মিসন (সি.এ.সি.পি.) গী রিকমেন্দেসনশিং অমসুং রাজ্য সরকারশিং অমসুং অতোপ্পা স্তেকহোল্দরশিংগা তান্নরবা মতুংদা এফ.আর.পি. অসি লেপখি।

মমাংগী সুগর সিজন ২০২৪-২৫দা, লুপা করোর ১,০২,৬৮৭গী পীফম থোকপা তোল্লিবা শেনফমগী মনুংদা লুপা করোর ১,০২,২০৯গী শেনফম লৌমীশিংদা ২০.০৪.২০২৬ ফাওবদা পীখ্রে। মসিনা মরম ওইদুনা চুগী শেন্দোনগী শেনফমগী চাদা ৯৯.৫দি শেংদোকখ্রে। হৌজিক চত্থরিবা সুগর সিজন ২০২৫-২৬ অসিদা, লুপা করোর ১,১২,৭৪০গী চুগী শেন্দোনগী শেনফমগী মনুংদা লুপা করোর ৯৯,৯৬১গী শেনফম লৌমীশিংদা ২০.০৪.২০২৬ ফাওবদা পীখ্রে, মসিনা মরম ওইদুনা, চুগী শেন্দোনগী শেনফমগী চাদা ৮৮.৬ অদু শেংদোকখ্রে।

***