: মুম্বাই, মে ৪, ২০২৬

ইনফোর্মেসন অমসুং ব্রোদকাস্তিং মন্ত্রালয় (এম.আই.বি)না ইন্দিয়ন ইন্সতিত্যুৎ ওফ ক্রিএতিব তেক্নোলোজীজ (আই.আই.সি.তি.)গা চুংশিন্নদুনা ক্রিএতিব সেক্তরগীদমক নেস্নেল এ.আই. স্কিল্লিং ইনিসিএতিব অমা হৌদোকখ্রে। গুগল অমসুং য়ুত্যুবকা লোয়ননা মপাং ওইদুনা দিবেলপ তৌখিবা প্রোগ্রাম অসিনা মীদিয়া, এন্তরতেনমেন্ত, এনিমেসন, গেমিং অমসুং দিজিতেল স্তোরীতেল্লিংদা থোরক্লিবা তেলেন্তপু ইন্দস্ত্রীগা মরী লৈনবা এ.আই. স্কিলশিং ফংহন্নবা স্কোলরশিপ ১৫,০০০ পীরি। অপাম্বা কেন্দিদেৎশিংনা থৌশিল অসিগী খুদোংচাবা লৌনবা অমসুং ক্রিএতিব ফিল্দশিংদা মখোয়গী কেরিয়রশিং হেনগৎহনগদবা এ.আই. স্কিলশিং তমহৌনবা পুক্নিং থৌগৎলি। প্রোগ্রাম অসিগীদমক এনরোলমেন্ত তৌবা হৌরে।

প্রোগ্রাম অসিনা ফাউন্দেস্নেল অন্দরস্তেন্দিং অমসুং এপ্লাইদ এক্সপর্তীজ অনিমক ফংহন্নবা ফেস অনিগী ওইবা স্ত্রকচর এপ্রোচ অমা পাইখৎলি:

ফেস I: ফাউন্দেসন (ওনলাইন)

ফেস অসি পাক চাউনা কোর এ.আই. লিতরেসী শেমগৎনবা দিজাইন তৌখি। গুগল কেরিয়র সর্তিফিকেৎশিং অমসুং গুগল ক্লাউদকী জেন এ.আই. লর্নিং পাথশিংগীদমক শরুক য়ারিবা মীওই ১৫,০০০না স্কোলরশিপশিং ফংগনি। গুগলগী কেরিয়র সর্তিফিকেৎস প্রোগ্রাম অসিনা গুগলনা দিজাইন তৌবা প্রোফেস্নেল ত্রেনিং পীরি অমসুং অচৌবা এমপ্লোয়রশিংগা কন্নেক্ত তৌনবা খুদোংচাবা পীরি, ফাউন্দেস্নেল এ.আই. কনসেপ্তশিং অমসুং রেস্পোন্সিবল প্রেক্তিসশিংদা এক্সেস দেমোক্রেতাইজ তৌরি। খনগৎলবা মীওইশিংনা চাউরাক্না পুং ৩৩গী ওনলাইন ত্রেনিং তৌগনি মসিদা জেনরেতিব এ.আই. ফন্দামেন্তেলশিং, প্রোম্পতিং তেক্নিকশিং, অমসুং রেস্পোন্সিবল এ.আই, প্রেক্তিসশিং কোনশিল্লি। করিকুলম অসিদা গুগল কেরিয়র সর্রিফিকেঃশিং অমসুং গুগল ক্লাইদস জেনরেতিব এ.আই. লর্নিং পাথৱেশিংদা এক্সেস ফংবা য়াওরি, মসিনা লর্নরশিংবু তশেংবা মালেমগী ফিভমদা শীজিন্নবা য়াবা তঙাই ফদবা লৌশিং অমসুং প্রোব্লেম-সোলভিং স্কিলশিং ফংবা ঙমহনগনি।

ফেস II: স্পেসিএলাইজেসন (হাইব্রিদ)

ফাউন্দেস্নেল স্তেজ মপুং ফানা লোইরবা শরুক য়ারিবা মীওইশিংনা প্রেক্তিকেল এপ্লিকেসনদা মীৎয়েং থম্বা এদভান্স ত্রেনিং তৌগনি। হাইব্রিদ মোদেলগী খুত্থাংদা পীরিবা ফেস অসিদা স্তোরীতেল্লিংদা প্রোজেক্ত-বেজ লর্নিং, ক্রিএতিব প্রদক্সন, এদভান্স এ.আই. তুলশিং শীজিন্নবা য়াওরি। আই.আই.সি.তি. অমসুং য়ুত্যুবনা পুন্না দিবেলপ তৌবা করিকুলম অসিনসু কন্তেন্ত রীচ অমসুং এঙ্গেজমেন্ত হেনগৎহন্নবা প্লেৎফোর্মগী খ্বাইদগী ফবা প্রেক্তিসশিং ইনকোর্পোরেৎসু তৌরি। লর্নরশিংনা গুগল দিবেলপরস কোদলেবশিংগুম্বা গাইদেদ মোদ্যুলশিংগী খুত্থাংদা তুল অমসুং প্লেৎফোর্মশিংদা এক্সপোজর ফংলগনি।

প্রোগ্রাম অসি “এ.আই. স্কিল্স হাউস” প্লেৎফোর্মগী খুত্থাংদা সপ্পোর্তসু তৌদুনা জেনরেতিব এ.আই. এপ্লিকেসনশিং, ৱার্কফ্লো ওতোমেসন, অমসুং দিসিজন-মেকিং তুলশিং য়াওনা এক্সেসিবল অমসুং স্ত্রকচর লর্নিং ত্রেকশিং পীরি। ক্রিএতিব এপ্লিকেসনগা লোয়ননা তেক্নিকেল প্রোফিসিএন্সী পুনশিন্দুনা থৌশিল অসিনা ভারতকী খোঙজেল য়াংনা চাউখৎলক্লিবা মীদিয়া অমসুং দিজিতেল লেন্দস্কেপতা ইন্নোবেসনদা শাহৌ পীবা ঙম্বা স্কিল তেলেন্ত পুল অমা শেমগৎনবা পান্দম থম্মি।

ভারতকী ক্রিএতিব ইকনোমী মপাঙ্গল কনখৎহন্নবা সরকারগী ভিজনগী পরিং মখাদা থৌশিল অসিনা এ.আই.বু মেনস্ত্রীম কন্তেন্ত ক্রিএসন অমসুং প্রদক্সন প্রেক্তিসশিংদা ইন্তিগ্রেৎ তৌবগী মাইকৈদা মরু ওইবা ইন্সতিত্যুস্নেলগী ওইবা খোঙথাং অমা ওইরি। প্রোগ্রাম অসিনা মীদিয়া, এন্তরতেনমেন্ত, এনিমেসন, গেমিং অমসুং দিজিতেল স্তোরীতেল্লিংদা হায়-পোতেন্সিএল তেলেন্তকীদমক অখন্ননা সেলেক্তিব, ইম্পেক্ত-ফোকস স্কিল্লিং পাথৱে অমা ওইনা দিজাইন তৌখি।

দেজিগনেরেদ ইমপ্লিমেন্তেসন পার্তনর ওইনা আই.আই.সি.তি.না করিকুলম দিবেলপমেন্ত, কেন্দিদেৎ আউৎরীচ, অমসুং প্রোগ্রাম একজিক্যুসন য়াওনা লৈবাক শিনবা থুংবগী রোল আউৎতা লমজিংলি। গুগল অমসুং য়ুত্যুবকা চুংশিন্নদুনা আই.আই.সি.তি.না এদভান্স এ.আই. তুলশিং, ক্রিএতিব ৱার্কফ্লোশিং অমসুং প্লেৎফোর্ম-লেবেলগী খ্বাইদগী ফবা থৌওংশিং ইন্তিগ্রেৎ তৌদুনা শরুক য়ারিবশিংবু প্রদক্সন-রেদী, ইন্দস্ত্রী-রেলিভেন্ত স্কিলশিং ফংহল্লি।

সি.ই.ও., আই.আই.সি.তি., দা. বিশ্বাস দিওস্করনা হায়খি মদুদি থৌশিল অসি কন্তেন্ত ক্রিএসন, প্রদক্সন অমসুং দিস্ত্রিব্যুসনদা এ.আই.গী প্রেক্তিকেল, রিএল-ৱার্ল্দ এপ্লিকেসনগীদমক ক্রিএতিব প্রোফেস্নেলশিং শেমগৎপগী ময়েক শেংবা লৈবাক্কী মথৌ তাবা অমা কোকহন্নবা স্ত্রকচর তৌখি।

প্রোগ্রাম অসিগী অকুপ্পা ৱারোলগীদমক মসিদা নম্বীয়ু।

অপাম্বা কেন্দিদেৎশিংনা এ.আই. স্কিল্স হাউস প্রোগ্রামগীদমক হৌজিক এপ্লাই তৌনবা মখাদা পীরিবা ক্যু.আর. কোদ অসিদা ক্লিক তৌবা য়াগনি।

***