অনা-লাইয়েংগী মফমশিং অশোই-অঙাম থোকহন্দনবা পীরিবা থাজবশিং অমুক হেন্নগৎহন্দুনা, রাজ্যশিং অমসুং য়ু.তিশিং অমসুং মরী লৈনবা কেন্দ্রগী মিনিষ্ট্রিশিং অমসুং দিপার্তমেন্তশিংগা লোয়ননা, হেল্থ অমসুং ফেমিলি ৱেলফিয়ারগী য়ুনিয়ন মিনিষ্ট্রিনা লৈবাক শীনবা থুংনা মে ৪ দগী মে ১০,২০২৬ ফাওবা লৈবাক শীনবা থুংনা ফাইয়ার সেফতি ৱিক পাংথোকপা হৌরে।

“অনা-লাইয়েংগী মফমশিংদা মৈহৌ-লাংপোক থোকহন্দবা” হায়বসিদা য়ুনিয়ন হেল্থ সেক্রেতরি শ্রীমতি পুন্যা সাসিলা শ্রীভাসতাবানা লুচিংদুনা লৈবাক শীনবা থুংনা ৱাশক লৌদুনা থৌরম অসি হৌদোকপগা লোয়ননা, মৈহৌ-লাংপোক থোকপগী মাঙজৌননা ঙাকথোকপা, শেম-শাবা অমসুং মৈ কনবগী থবকশিং মপাঙ্গল কনখৎহন্নবা হকশেলগী লোয়শঙশিং অমসুং মরী লৈনবা খুদিংমক অমুক হন্না অপুনবা ওইনা ৱারেপ লৌখ্রে।

থৌরম অদুদা ৱা ঙাংবদা, য়ুনিয়ন হেল্থ সেক্রেতরি শ্রীমতি পুন্যা সাসিলা শ্রীভাসতাবানা হায়খি মদুদি চহি অসিগী ফাইয়ার সেফতি ৱিক্কী থিমদি –“ স্কুলশিং অশোই-অঙাম থোকহন্দবা, হোস্পিতালশিং অশোই-অঙাম থোকহন্দবা অমসুং মৈহৌ-লাংপোক থোক্তনবা ৱাখল তাবা খুন্নাই অমা ওইহনবা: মৈদগী মাঙজৌননা ঙাকথোক্নবা পুন্না থবক পায়খৎমিন্নবা” হায়বনি, মসিনা ঐখোয়গী লোয়শঙশিংগী মনুংদা অশোই-অঙাম থোক্তনবা অপুনবা ওইনা থৌদাং অমা লৌমিন্নগনি। হৌজিক লৈরিবা মচাক-মথুমশিং অমুক হন্না য়েংশিন্নবা, খুদোংচাবশিং মতিক চাবরা হায়না য়েংশিনবা অমসুং য়েংশিনবা দরকার ওইবা অৱাৎপশিং অমুক হন্না মশক খঙদোক্নবা মরুওইবা খুদোংচাবা অমা ফাইয়ার সেফতি ৱিক অসিনা পীগনি। রাজ্যশিং অমসুং হকশেলগী লোয়শঙশিংনা চাংনাইনা আই.ঐচ.আই.পি পোর্তেলদা ফাইয়ার সেফতি ওদিৎকী অকুপ্পশিং থাগৎলক্কদবনি।

য়ুনিয়ন হেল্থ সেক্রেতরিনা মখা তানা হায়খি মদুদি সরকারগী তোঙান তোঙানবা ইন্সতিতুসনশিং য়াওনা, শরুক য়াখিবা ৫০,০০০ হেনবনা iGOT ফাইয়ার সেফতি কোর্সশিং লোইশিনখিবদা অপেনবা ফাওই অমসুং অসিগুম্বা থবকশিং ফগৎহনবা য়াম্না মরুওই। মীয়াম শরুক য়াদুনা ৱাহন্থোক লৈবা অমসুং তুংকোইনা চৎনবা য়াবা থবক অমনা লৈবাক শীনবা থুংনা মৈহৌ-লাংপোক থোক্তনবা থবকশিং মপাঙ্গল কনখৎহনবা ঙমগনি।

থৌরম অদুদা নেসনেল দিজাষ্টার মেনেজমেন্ত ওথোরিতি (এন দি এম এ) গী মেম্বর অমসুং হেদ, শ্রী কৃষ্ণ এস. ভাস্তানা হায়খি মদুদি অনা-লাইয়েংগী মফমশিংদা মৈহৌ-লাংপোক থোক্তনবা অফবা অমসুং মতিক চাবা থবক অমা পায়খৎপা দরকার ওইরে। হোস্পিতালশিংদা মৈহৌ-লাংপোক থোক্তনবা থবকশিং মপাঙ্গল কনখৎহন্নবা লৈবাক শীনবা থুংবগী খোঙজং অমা পায়খৎকদবনি অমসুং কেপাসিতি লৈনবা অমসুং শেম-শাবা হেনগৎহন্নবা, রাজ্য অমসুং জিলা থাকশিংগা লোয়ননা, মফম মঙাদা থৌরমশিং পাংথোক্নবা এন.দি.এম.এনা থৌরাং তৌরি হায়বা খঙলে। মৈহৌ-লাংপোক থোক্তনবা থবকশিংগী মতাংদা মীয়াম ৱাখল তানবা, চাংনাইনা ওদিৎ পাংথোক্নবা মশা-মরোমদোম সর্তিফিকেদ পীজনবগী থবকশিং পায়খৎপা য়াম্না মরুওই। খুদক্ত মৈহৌ-লাংপোক থোক্লকপা মতমদা মৈ কনবগী থবক পায়খৎনবা হোস্পিতালশিংদা অনা-লাইয়েংগী শীনফমদা লৈরিবা মীওইশিং মতিক চানা ত্রেনিং পীগদবনি অমসুং মী কনবগী থবকশিং মপুংফানা খঙহনগদবনি।

থৌরম অদুদা দিরেক্তর জেনেরেল (ফাইয়ার সর্বিস) শ্রী সুনিল কুমার ঝানা হায়খি মদুদি অনা-লাইয়েংগী মফমশিংদা মৈহৌ-লাংপোক থোক্তনবা মতিক চাবা অমসুং অফবা থবকশিং পায়খৎপা য়াম্না মরুওই। হোস্পিতালশিং অসি য়াম্না লুবা অমসুং মরুওইবা মফমশিংনি, মফম অসিদা খজিক্তং অশোইবা থোকপদা য়াম্না চাউনা অমাং-অতা থোক্কনি। অশোই-অঙাম থোক্তনবা নিয়মশিং, চাংনাইনা য়েংশিনবা অমসুং কেপাসিতি লৈহন্নবা থবকশিং মপুংফানা পায়খৎকদবনি অমসুং মৈহৌ-লাংপোক থোক্তনবা অমসুং মপুংফানা মৈ কনবা ঙম্নবা শেম-শাবা, পুন্না চৎমিন্নবা অমসুং লেপ্তনা মিকুপ-নাহুম শিংনা লৈবা য়াম্না মরুওই।

থৌরম অদুদা, অনা-লাইয়েংগী মহৈলোয়শঙশিং শীনবা থুংনা অশোই-অঙাম থোক্তনবা অপুনবা থবকশিং ফগৎনবা হেল্থ মিনিষ্ট্রিনা নেসনেল গাইদলাইনশিং ফোঙখ্রে। অনা-লাইয়েংগী মফমশিং শীনবা থুংনা মৈহৌ-লাংপোক থোক্তবা হেনগৎহন্নবা অকনবা অমসুং অপুনবা ঙাক্লৌ অমা লৈহন্নবা, মরুওইবা ইন্সতিতুসনশিং অমসুং হোস্পিতালশিংগী অখঙ-অহৈশিংগা কুপ্না খন্নরবা মতুংদা হায়রিবা গাইদলাইনশিং অসি শেমখিবনি।

লৈবাক ঙাকপগী থৌশিলগী ঙাক্লৌশিং, খুদোংথিবা য়েংশিনবা, ইনফ্রাষ্ট্রকচর থৌরাং তৌবা, খুদক্ত মতেং পাংনবা থবকশিং, অনা-লাইয়েংগী শীনফমদা লৈরিবা মীওইশিং ত্রেনিং পীবা অমসুং কেপাসিতি শেমগৎপা, চৎন-কাংলোনশিং ঙাক্না চৎনবা থবকশিং অমসুং মীয়াম ৱাখল তাহনবা হায়না মরুওইবা হিরমশিং গাইদলাইনশিং অসিদা পীরে। অকনবা চেকশিন-থৌরাংশিং লৌখৎপা দরকার ওইবা মফমশিং হায়বদি আই.সি.য়ুশিং, এন.আই.সি.য়ুশিং, পি.আই.সি.য়ুশিং অমসুং ওপরেসন থিয়েতরশিংগুম্বা য়াম্না খুদোংথিনিঙাই ওইবা মফমশিংদা অনৌবা খুদোংচাবশিং ফংহন্নবা মখোয়গা খঙহনখ্রে।

অনা-লাইয়েংগী মফমশিংদা মৈহৌ-লাংপোক থোকপা মাঙজৌননা থিংনবা অমসুং চেকশিন-থৌরাং পায়খৎনবা মীয়াম ৱাখল তাবা হেনগৎনবা অমসুং ইন্সতিতুসনশিংনা শেম-শানবগী মতাংদা ফাইয়ার সেফতি মনুংদা লৈবাক শীনবা থুংনা থবক কয়া পায়খৎনবা পান্দম থম্লে। লৈবাক শীনবা থুংনা ৱাশক লৌবগী মথক্ত, খ্বাইদগী ফবা থবকশিং অমসুং তেক্নিকেল ওইবা লৌশিং কয়া খঙহন্নবা মৈ চাকপা হৌরকপা খঙদোক্নবা অমসুং মৈ কনবগী থবক, অনাবশিং লৌথোক্নবা থবকশিংগী মতাংদা মোক দ্রিলশিং অমসুং লাইভ দোমোশিং য়াওনা লৈবাক শীনবা থুংনা থৌরম কয়া পাংথোক্কনি।

মপুংফানা থবক ওইনা পাংথোক্নবা, অকনবা মৈহৌ-লাংপোক থোক্তনবা থবকশিং অমসুং ইলেক্ত্রিক্কী অশোই-অঙাম থোক্তনবা ওদিৎশিং পাংথোক্নবা রাজ্যশিং অমসুং য়ু.তিশিংগী সরকার অমসুং লনাইগী হোস্পিতালশিংদা য়ুনিয়ন হেল্থ মিনিষ্ট্রিনা অকুপ্পা চেকলিষ্ট পীখ্রে। মরুওইনা মেদিকেল কোলেজশিং অমসুং অচৌবা অৱাংবা থাক্কী হোস্পিতালশিংদা মীয়াম ৱাখল তাহন্নবা রাজ্যশিং অমসুং য়ু.তিশিংগী পুক্নিং থৌগৎলে। হায়রিবা থবকশিংগী মনুংদা পোষ্টর শেম্বা, কুইজ চাংদম্নবশিং অমসুং মৈ চাক্লকপা খঙদোক্নবা অমসুং মৈ কন্নবা খুৎলায় অমসুং থবকশিংগী দোমোন্সত্রেসনশিং পাংথোকপা য়াওরি। মসিনা অনা-লাইয়েংগী থবক তৌরিবা মীওইশিং অমসুং মহৈরোয়শিংগী মরক্ত মৈহৌ-লাংপোক থোক্তনবা চৎনবী অমা লৈহনগনি। 

চয়োল অমগী থৌরম অসি থৱায় য়াওনা পাংথোক্নবা অমসুং লৈবাক শীনবা থুংবগী অনাবশিং, সেবা তৌরিবা মীওইশিং অমসুং হকশেলগী লমদা থবক তৌরিবা মীওইশিং অশোই-অঙাম থোক্তনবা পান্দম ফংনবা, থৱায় হকচাং য়াওনা পীরিবা চৎন-কাংলোনশিং ঙাক্নবা  মিনিষ্ট্রিনা মরী লৈনবশিংদা তকশিল্লি। 

লিঙ্ক অসিদা অনা-লাইয়েংগী মফমশিংদা মৈহৌ-লাংপোক থোক্তনবা নেসনেল গাইদলাইন ফংগনি:

https://www.mohfw-dohfw.gov.in/static/uploads/2026/05/62dc36c7ac9aeedefb0e969de50686d1.pdf

***