نشہ مکت بھارت ابھیان (این ایم بی اے) کو سماجی انصاف اور تفویض اختیارات کے محکمے کے ذریعہ شناخت شدہ 272 ازحد حساس اضلاع میں 15 اگست 2020  میں لانچ کیا گیا تھا اور اب اسے 15 اگست 2023 سے ملک کے تمام تر اضلاع تک توسیع دے دی گئی ہے۔ نشہ مکت بھارت ابھیان کا مقصد عوام تک رسائی اور منشیات کے استعمال کے بارے میں بیداری عام کرنا ہے۔

اب تک، زمینی سطح  پر چلائی گئی مختلف سرگرمیوں کے ذریعے، 26کروڑ سے زائد لوگوں بشمول 9.5 کروڑ سے زائد نوجوان، 6.47 کروڑ سے زائد خواتین اور 28,000سے زائد  نشہ مکتی متر (جسے پہلے ماسٹر رضاکار کہا جاتا تھا) کو ملک بھر میں تعلیمی اداروں سمیت مختلف سطحوں پر منعقد کی گئی 8.3 لاکھ سے زیادہ سرگرمیوں کے ذریعے مادہ کے استعمال کے بارے میں حساس بنایا گیا ہے۔

منشیات کے مطالبات میں تخفیف کے لیے قومی لائحہ عمل (این اے پی ڈی ڈی آر) کی نگرانی اور عمل آوری کے فریم ورک کو مضبوط بنانے کی جانب ایک اہم قدم کے طور پر، جناب گلاب چند کٹاریہ، پنجاب کے عزت مآب گورنر اور چنڈی گڑھ کے ایڈمنسٹریٹر، اور ڈاکٹر وریندر کمار، سماجی انصاف اور تفویض اختیارات کے مرکزی وزیر  نے  24 اپریل، 2026 کوچنڈی گڑھ میں جاری چنتن شِوِر کے افتتاحی سیشن میں اپ گریڈ شدہ نشہ مکت بھارت ابھیان (این ایم بی اے) 2.0 جاری کیا۔ بہتر بنائی گئی اس ایپلی کیشن کو ریاستوں / اضلاع اور دیگر اسٹیک ہولڈرز کے لیے ایک مرکزی ڈیجیٹل ٹول کے طور پر ڈیزائن کیا گیا ہے تاکہ قومی، ریاستی، ضلعی اور ادارہ جاتی سطحوں پر عمل درآمد کرنے والی ایجنسیوں کے درمیان حقیقی وقت کی رپورٹنگ، نگرانی، اور ہم آہنگی کو آسان بنایا جا سکے۔ اپ گریڈ شدہ ورژن موجودہ صلاحیتوں پر استوار کرتا ہے جبکہ نئی خصوصیات متعارف کرواتا ہے جس کا مقصد شفافیت، جوابدہی، اور ڈیٹا پر مبنی گورننس کو بڑھانا ہے۔

این ایم بی اے ایپ، جو فی الحال مجاز صارفین کے لیے قابل رسائی ہے، ریاستوں، اضلاع، روحانی تنظیموں اور دیگر اسٹیک ہولڈرز کو نشہ مکت بھارت ابھیان کے تحت ایک مضبوط ڈیش بورڈ کے ذریعے اپ لوڈ کرنے اور سرگرمیوں کو ٹریک کرنے میں مدد کرتی ہے۔ یہ بیداری کی کوششوں کو آسان بنانے کے لیے نشہ مکتی متروں کے لیے بنیادی کمیونیکیشن سپورٹ کے ساتھ ساتھ معلومات، تعلیم اور مواصلات(آئی ای سی) مواد فراہم کر کے وسائل کے پلیٹ فارم کے طور پر بھی کام کرتا ہے۔ اس ایپ میں ماسٹر رضاکاروں (نشہ مکتی متر) کو آن بورڈنگ اور ان کا انتظام کرنے کا ایک آسان نظام شامل ہے، اور اداروں کو ان کی رسائی کے حصے کے طور پر عہد لینے کی سرگرمیوں کو منظم کرنے کے قابل بناتا ہے۔ اس کے علاوہ، یہ اہم ہیلپ لائن نمبروں یعنی نشہ چھڑانے سے متعلق ہیلپ لائن اور مانَس ہیلپ لائن،  نشہ چھڑانے اور ذہنی صحت سے متعلق معاون خدمات کے ساتھ ساتھ بنیادی تکنیکی تعاون رابطوں تک رسائی فراہم کرتی ہے۔

این ایم بی اے 2.0 ایپ کی نئی خصوصیات

موجودہ خصوصیات کے علاوہ  این ایم بی اے 2.0 کے میکنزم کو مضبوط کرنے کے لیے مندرجہ ذیل خصوصیات کا اضافہ کیا گیا ہے:

• اب شہریوں کے لیے قابل رسائی ہے جس میں ای-پیلج، آئی ای سی مواد تک رسائی، ہیلپ لائن سپورٹ اور ڈیڈ ڈیکشن سینٹر کی تفصیلات شامل ہیں۔

• گرانٹ ان ایڈ انسٹی ٹیوشنز (جی آئی اے) کے لیے وقف رسائی:

• جی آئی اے کو اب رول پر مبنی رسائی کے ساتھ پلیٹ فارم پر آن بورڈ کیا جائے گا، جس سے ڈیڈ ڈیکشن سہولیات پر ریئل ٹائم رپورٹنگ اور سرگرمیوں کی نگرانی ممکن ہو گی۔

• جی آئی اداروں کے لیے انودان (گرانٹ) کی حقیقی وقت کی حیثیت:

ایپ میں تمام جی آئی اے کے انودان اسٹیٹس کو شامل کیا گیا ہے جو سماجی انصاف اور تفویض اختیارات کے محکمے، ریاستوں/مرکز کے زیر انتظام علاقوں اور جی آئی اے کے لیے قابل رسائی ہے، جس سے زیادہ شفافیت، ہموار فنڈ ٹریکنگ، اور گرانٹ کے استعمال میں بہتر جوابدہی کو یقینی بنایا گیا ہے۔

• ’قریب ترین ڈی ایڈکشن سنٹر‘ کی خصوصیت:

صارفین کو قریب ترین ڈی ایڈکشن سنٹر کی شناخت کرنے کی اجازت دیتا ہے، جس سے جلد ریفرل اور علاج کی خدمات تک بہتر رسائی ممکن ہوتی ہے۔

• فیڈ بیک میکانزم:

عوام کو مسلسل بہتری کے لیے تاثرات کا اشتراک کرنے کے قابل بناتا ہے۔

این ایم بی اے 2.0 ایپ کا آغاز ادارہ جاتی میکانزم کو مضبوط بنانے اور منشیات کی طلب میں کمی کی کوششوں کے موثر نفاذ کے لیے ڈیجیٹل پلیٹ فارم سے فائدہ اٹھانے کے لیے حکومت کے عزم کی نشاندہی کرتا ہے۔

**********

 (ش ح –ا ب ن)

U.No:6249