খুঙ্গংগী চাওখৎ-থৌরাংগী মন্ত্রালয়না লৈবাক শিনবা থুংনা অচৌবা খুঙ্গংগী য়াইফ-থৌরাং অমসুং ইনফ্রাস্ত্রকচরগী থৌরাংশিং অথিংবা লৈতনা ইমপ্লিমেন্ত তৌনবা শেম শাবগী থৌরাংশিংগী মপুঙফাবা য়েংশিনবা অমা পায়খৎখ্রে, মসিনা নোংচুপ এসিয়াদা হেনগৎলক্লিবা ফীভম অমসুং মসিনা মালেমগী সপ্লাই চেনশিং, পোৎলমশিংগী মমল অমসুং ইনফ্লেসনগী ত্রেন্দশিংদা ওইথোকপা য়াবা শাফু অদু য়েংশিল্লি।

মন্ত্রালয় অসিনা খুঙ্গংগী পুন্সি মহিং, য়ুম শাবা, লম্বি শেমগৎপা অমসুং ৱাতরসেদকি থবক থৌরমশিংদা নাকোয়ননা শোকহনবা য়াবা দিবেলপমেন্তশিং নিংথিনা য়েংশিল্লি অমসুং কাননবা লেপ্তনা ফংহননবা, মতম চানা ফন্দ পিনবা অমসুং হৌজিক চত্থরিবা স্কীমশিং নিংথিনা পায়খৎনবা প্রোএক্তিব মেকানিজমশিং থম্লে।

ইমপ্লোয়মেন্ত সেক্যুরিতি অমসুং ৱেজ সপোর্ত

মহাত্মা গান্ধী নেস্নেল রুরেল ইমপ্লোয়মেন্ত গরেন্তি এক্ত (এম.জি.এন.রেগা), ২০০৫ অসি প্রপোজ তৌরিবা ভি.বি.–জি. রাম জি.এক্ত, ২০২৫ হৌবা ফাওবদা মপুঙফানা মথৌ তৌরি, খুঙ্গংগী য়ুমথোঙশিংদা ৱেজ ইমপ্লোয়মেন্ত পিবদা অকায়বা অমত্তা লৈরোয়।

দিমান্দদা য়ুমফম ওইবা থবক পিবা অমসুং মতম চানা ৱেজ পেমেন্তশিং য়াওনা স্তেত্যুতরি এন্তিতি পুম্নমক অসি দাইলুসন অমত্তা য়াওদনা মপুঙ ফানা চৎনদুনা মখা চত্থরি। হৌজিক লৈরিবা কেন্দ্র সরকারনা নোতিফাই তৌরবা ৱেজ রেৎশিং অসি চৎনদুনা লৈরি।

মতিক চাবা লিক্বিদিতি থম্নবা অমসুং লেপ্পা লৈতনা ৱেজ দিসবরস তৌবা ঙম্নবা এম.জি.এন.রেগাগী মখাদা ৱেজ কম্পোনেন্তকি মায়কৈদা অহানবা ইন্সতোলমেন্ত ওইনা চাওরাক্না লুপা করোর ১৭,৭৪৪ রিলিজ তৌখ্রে।

হৌরকপা মতমদা, প্রপোজ তৌরিবা ভি.বি.–জি রেম জি এক্ত অসিনা নুমিৎ ১২৫নিগী ৱেজ ইমপ্লোইমেন্তকি হেনগৎলবা গরেন্তি অমা পিগনি হায়না পানরি, মসিদা রিভাইজ তৌরবা ৱেজ রেৎশিং তোঙান্না খঙহনগনি।

সপ্লাই চেনগী শিংনবশিংগীদমক শেম শাবা হাওজিং প্রোগ্রাম

খুঙ্গংগী মফমশিংদা “হাওজিং ফোর ওল”গী পান্দম ফংনবা, মন্ত্রালয় অসিনা মার্চ ২০২৯ ফাওবগী মনুংদা য়ুম কোতি ৪.৯৫ শানবা প্রধান মন্ত্রী অৱাস য়োজনা–গ্রামিন (পি.এম.এ.ৱাই.-জি) ইমপ্লিমেন্ত তৌরি।

ওইথোকপা য়াবা মচাক-মথুমগী সপ্লাইদা অকায়বা পিবা নত্রগা মমল হোঙবগী মায়োক্তা শেম-শাবগী খোঙথাং অমা ওইনা মন্ত্রালয় অসিনা মতম চানা দাইরেক্ত বেনিফিৎ ত্রান্সফর (দি.বি.তি.) রিলিজ তৌবা, অৱাসশোফকি খুত্থাংদা রিএল-তাইম মোনিতর তৌবা, জিও-তেগ তৌবা, অমসুং হৌজিক চত্থরিবা য়ুমশিং খোঙজেল য়াংনা লোয়শিনবা অসি মরু ওইনা লৌরি।

বেনিফিসরিশিংনাা বেসিক এমেনিতিশিংগী মপুঙ ফাবা পেকেজ অমা ফংনবা মন্দাইশিং, সেনিতেসন, থক্নবা ইশিং, এল.পি.জি. অমসুং ইলেক্ত্রিসিতিগী খুত্থাংদা অকনবা কনভরজেন্স সপোর্ত শোয়দনা ফংহল্লি।

তুংদা লাক্কদবা কৈথেলগী ৱাথোকশিংগী মায়োক্তাা রেশিলিয়েন্শ হেনগৎহন্নবা মেতরিএল বেঙ্কশিং শেমগৎপগুম্বা স্ত্রকচরেল খোঙথাংশিংশু প্রমোত তৌরি।

এদভান্স প্লানিংগী খুত্থাংদা ইন্সুলেৎ তৌবা খুঙ্গংগী লম্বিশিংগী প্রোগ্রাম

পি.এম.জি.এস.ৱাই.গী মখাদা রাজ্যশিংনা প্রপোজ তৌরিবা চৎনরিবা সেদ্যুল ওফ রেৎশিংগী মতুং ইননা থবকশিং সেঙ্কসন তৌই।

লেফ ৱিং এক্সত্রিমিজম এফেক্ত তৌরবা এরিয়াশিংগীদমক্তা পি.এম.জি.এস.ৱাই.-আই., II, III অমসুং রোদ কনেক্তিবিতি প্রোজেক্তাশিংগী মখাদা সেঙ্কসন তৌরবা থবক পুম্নমক তেন্দর তৌরবা নত্ররগা থবক পায়খৎলি।

পি.এম.জি.এস.ৱাই.-আই.ভি.গী মখাদা চাওরাক্না কিলোমিতর ১২,১০০ শাংবা লম্বিগী থবকশিং সেঙ্কসন তৌখ্রে অমসুং হৌজিক তেন্দরগী তাঙ্কক্তা লৈরি। হৌজিক্কী ওইনা মালেমগী ওইবা ৱাথোক অসিগী এক্সপোজর অসি য়াম্না নেম্মি, মরমদি বিতুমেন অসি অপুনবা প্রোজেক্তকি মমলগী য়াম্না নেম্বা শরুক অমা ওইরি।

তুংদা লাক্কদবা প্রোজেক্তা বেচশিং অসি হৌজিক লৈরিবা কৈথেলগী ফিবম অমসুং মমলগী খোঙজেলশিং য়েংশিন্নবা অপদেৎ তৌরবা সেদ্যুল ওফ রেৎশিং শিজিন্নদুনা এপ্রেইজ তৌগনি।

এগ্রীকলচর অমসুং নেচরেল রিসোর্সস রেজিলিয়েন্স মপাঙ্গল কনখৎহনবা

লেন্দ রিসোর্স দিপার্তমেন্তনা ইশিং য়োকশিনবা, লৌউ-শিংউ হেন্না কনখৎহনবা, হোরতিকলচর অমসুং পাশ্ঢ় দিভেলপমেন্ত হেন্না মপাঙ্গল কনখৎহন্নবা হেক্তর লাখ ৫০গী লমদা দবল্যু.দি.সি.-পি.এম.কে.এস.ৱাই.(ৱাতারসেদ দিবেলপমেন্ত কম্পোনেন্ত – প্রধান মন্ত্রী কৃষি সিঞ্চাই য়োজনা) ২.০ ইমপ্লিমেন্ত তৌরি।

দিপার্তমেন্ত অসিনা এগ্রীকলচর & ফার্মর্স ৱেলফেয়র মন্ত্রালয় অমসুং অতৈ স্তেকহোলদর মন্ত্রালয়শিংগা য়াম্না নক্না কোওরদিনেসন তৌদুনা থোরক্লিবা ফীভম অমহেকতবু কোকহন্নবা অমসুং নিংথিনা থবক ওইনা পাঙথোক্নবা থবক পায়খৎলি।

***