പ്രധാനമന്ത്രിയുടെ ഓഫീസ്
പഹൽഗാം ഭീകരാക്രമണത്തിലെ ഇരകൾക്ക് പ്രധാനമന്ത്രി ശ്രദ്ധാഞ്ജലി അർപ്പിച്ചു
പോസ്റ്റഡ് ഓണ്:
22 APR 2026 11:07AM by PIB Thiruvananthpuram
കഴിഞ്ഞ വർഷം ഇതേ ദിവസം പഹൽഗാമിലുണ്ടായ ദാരുണമായ ഭീകരാക്രമണത്തിൽ ജീവൻ നഷ്ടപ്പെട്ട നിരപരാധികൾക്ക് പ്രധാനമന്ത്രി ശ്രീ നരേന്ദ്ര മോദി ഇന്ന് ശ്രദ്ധാഞ്ജലി അർപ്പിച്ചു. ഇരകളെ സ്മരിച്ച പ്രധാനമന്ത്രി, അവർ ഒരിക്കലും വിസ്മരിക്കപ്പെടില്ലെന്നും ദുഃഖത്തിന്റെ ഈ വേളയിൽ അവരുടെ കുടുംബങ്ങൾക്കൊപ്പം നിൽക്കാനുള്ള രാജ്യത്തിന്റെ ഉറച്ച പ്രതിബദ്ധത ആവർത്തിക്കുകയും ചെയ്തു.
ഈ ദുഃഖത്തിൽ ഇന്ത്യ ഒറ്റക്കെട്ടാണെന്നും ഭീകരവാദത്തിനെതിരായ പോരാട്ടത്തിൽ രാജ്യം ഒട്ടും തളരില്ലെന്നും ശ്രീ മോദി ഊന്നിപ്പറഞ്ഞു. ഒരു തരത്തിലുള്ള ഭീകരതയ്ക്കും രാജ്യം വഴങ്ങില്ലെന്നും ഭീകരരുടെ ക്രൂരമായ പദ്ധതികൾ ഒരിക്കലും വിജയിക്കില്ലെന്നും അദ്ദേഹം ആവർത്തിച്ചു.
പ്രധാനമന്ത്രി 'എക്സ്' ൽ കുറിച്ചു:
"കഴിഞ്ഞ വർഷം ഇതേ ദിവസം പഹൽഗാമിലുണ്ടായ ദാരുണമായ ഭീകരാക്രമണത്തിൽ ജീവൻ നഷ്ടപ്പെട്ട നിരപരാധികളെ സ്മരിക്കുന്നു. അവർ ഒരിക്കലും വിസ്മരിക്കപ്പെടില്ല. പ്രിയപ്പെട്ടവരുടെ വിയോഗം കൊണ്ടുണ്ടായ നഷ്ടം പേറുന്ന ആ കുടുംബങ്ങളോടൊപ്പമാണ് എന്റെ ചിന്തകൾ.
ഒരു രാജ്യമെന്ന നിലയിൽ, ഈ ദുഃഖത്തിൽ നാം ഒത്തൊരുമയോടെ നിൽക്കുകയും ഭീകരതയെ ചെറുക്കുമെന്ന് ഉറച്ചു തീരുമാനിക്കുകയും ചെയ്യുന്നു. ഒരു തരത്തിലുള്ള ഭീകരതയ്ക്കും ഇന്ത്യ വഴങ്ങില്ല. ഭീകരരുടെ ക്രൂരമായ പദ്ധതികൾ ഒരിക്കലും വിജയിക്കില്ല."
*****
-SK-
( റിലീസ് ഐ.ഡി: 2254590)
സന്ദര്ശക കൗണ്ടര് : 5
ഈ റിലീസ് വായിക്കുക:
English
,
Urdu
,
Marathi
,
हिन्दी
,
Manipuri
,
Bengali
,
Bengali-TR
,
Assamese
,
Punjabi
,
Gujarati
,
Telugu
,
Kannada