প্রধানমন্ত্রীগী লোইশঙ
ইমা পৃথীবিগী অচেৎপা ৱাখল্লোনবু ময়েক শেংনা তাক্লিবা সংস্কৃত সুভাশিতম প্রধান মন্ত্রীনা শেয়র তৌখ্রে
থাগৎখিবা:
22 APR 2026 11:12AM by PIB Imphal
প্রধান মন্ত্রী, শ্রী নরেন্দ্র মোদীনা, ইমা পৃথীবিগী অচেৎপা ৱাখল্লোনবু ময়েক শেংনা উৎলিবা সংস্কৃত সুভাশিতম অমা শেয়র তৌখি:
“यस्यां वृक्षा वानस्पत्या ध्रुवास्तिष्ठन्ति विश्वहा।
पृथिवीं धेनुं प्रदुहां न उदिच्छन्तु नमोऽस्तु पृथिव्यै॥”
সুভাশিতম অসিনা হায়রি, “উশিং অমসুং পাম্বীশিং অসি মতম পুম্নমক্তা চেৎনা অমসুং লেংদনা লৈরিবা লমদম অসিদা, পৃথিবী অসিনা ঐখোয়দা নুংঙাইবা অমসুং ৱাত্ত-পাদনা পুম্নমক পীনবীবা ওইরসনু। ঐখোয়না ইমা পৃথিবীদা কোক নোন্দুনা ইকায় খুম্নবা উৎচরি।”
শ্রী মোদীনা হায়খি মদুদি পৃথিবী অসি ঐখোয়গী ইমানি, মীওইবা খুন্নাইগী য়াইফবা অসি মসিবু ঙাক-শেন্দুনা অসোই-অঙাম য়াওহন্দনা থম্বদা লৈ অমসুং মসিবু ঙাক-শেনবা অসি ঐখোয়গী ময়ামগী অপুনবা থৌদাং খক্তা নত্তনা তুংগী মীরোলশিংগীদমক ঐখোয়গী শেংলবা ফিরেপ অমসুনি।
প্রধান মন্ত্রীনা Xতা অসুম্না ইখি;
“পৃথিবী অসি ঐখোয়গী ইমানি অমসুং মসিগী ঙাক-শেনবদা মীওইবা খুন্নাইগী য়াইফবনি। মসিবু ঙাক শেনবা অসি ঐখোয় পুম্নমক্কী থৌদাং খক্তা নত্তনা লাক্কদৌরিবা মীরোলশিংগীদমক ঐখোয়গী শেংলবা ফিরেপ অমসু ওইরি।
यस्यां वृक्षा वानस्पत्या ध्रुवास्तिष्ठन्ति विश्वहा।
पृथिवीं धेनुं प्रदुहां न उदिच्छन्तु नमोऽस्तु पृथिव्यै॥”
***
(রিলিজ আই.দি.: 2254555)
ভিজিতর কাউন্তর : 11