1. ಭಾರತ ಮತ್ತು ಕೊರಿಯಾ ಗಣರಾಜ್ಯಗಳು ಮುಕ್ತ, ಎಲ್ಲರನ್ನೂ ಒಳಗೊಂಡ ಮತ್ತು ಸಮೃದ್ಧ ಇಂಡೋ-ಪೆಸಿಫಿಕ್ ಪ್ರದೇಶದ ಸಾಮಾನ್ಯ ಸಮಾನ ದೃಷ್ಟಿಕೋನವನ್ನು ಹೊಂದಿರುವ ವಿಶೇಷ ಕಾರ್ಯತಂತ್ರದ ಪಾಲುದಾರರು.

2. ನಮ್ಮ ವಿಶೇಷ ಕಾರ್ಯತಂತ್ರದ ಪಾಲುದಾರಿಕೆಯ ಕೇಂದ್ರ ಸ್ತಂಭವು ದೀರ್ಘ ಮತ್ತು ವಿಶ್ವಾಸಾರ್ಹ ಆರ್ಥಿಕ ಹಾಗು ಇಂಧನ ಸಂಪನ್ಮೂಲ ಪಾಲುದಾರಿಕೆಯಾಗಿದ್ದು, ಇದು ಮುಕ್ತ ಮಾರುಕಟ್ಟೆಗಳು ಮತ್ತು ನಿಯಮ ಆಧಾರಿತ ವ್ಯಾಪಾರಕ್ಕೆ ಹಂಚಿಕೆಯ ಬದ್ಧತೆಯನ್ನು ಆಧರಿಸಿದೆ, ಇದು ನಮ್ಮ ಸಮೃದ್ಧಿ ಮತ್ತು ಆರ್ಥಿಕ ಭದ್ರತೆಯನ್ನು ಆಧಾರವಾಗಿರಿಸುತ್ತದೆ. ಈ ಹಂಚಿಕೆಯ ತತ್ವಗಳನ್ನು ಪುನರುಚ್ಚರಿಸುವುದು ಮತ್ತು ಕೈಗಾರಿಕೆಗಳು ಹಾಗು ಮಾರುಕಟ್ಟೆಗಳ ಮೇಲೆ ಪ್ರಸ್ತುತ ಪರಿಸ್ಥಿತಿಯ ಪರಿಣಾಮವನ್ನು ಅರ್ಥಮಾಡಿಕೊಳ್ಳುವುದು ಈ ಸಮಯದಲ್ಲಿ ಅತ್ಯಗತ್ಯ.

3. ಭಾರತ-ಆರ್‌ಒಕೆ ಸಮಗ್ರ ಆರ್ಥಿಕ ಪಾಲುದಾರಿಕೆ ಒಪ್ಪಂದ (ಸಿಇಪಿಎ) ಮತ್ತು ಸಂಬಂಧಿತ ದ್ವಿಪಕ್ಷೀಯ ಚೌಕಟ್ಟುಗಳ ಮೂಲಕ ನಮ್ಮ ಇಂಧನ ಸಂಪನ್ಮೂಲ ವ್ಯಾಪಾರ ಮತ್ತು ಹೂಡಿಕೆ ಸಹಕಾರವನ್ನು ಮುನ್ನಡೆಸಲು ನಾವು ಪ್ರಯತ್ನಿಸುತ್ತೇವೆ. ನಾಫ್ತಾ ಮತ್ತು ಇತರ ಪೆಟ್ರೋಲಿಯಂ ಫೀಡ್ ಸ್ಟಾಕ್ ಗಳಿಗೆ ಸಂಬಂಧಿಸಿ ಆರ್‌ಒಕೆಗೆ ಭಾರತವು ಪ್ರಮುಖ ಪೂರೈಕೆದಾರನಾಗಿದ್ದರೆ, ಆರ್‌ಒಕೆ ಭಾರತಕ್ಕೆ ಪೆಟ್ರೋಲಿಯಂ ಉತ್ಪನ್ನಗಳು ಮತ್ತು ಲೂಬ್ರಿಕಂಟ್ ಬೇಸ್ ಎಣ್ಣೆಗಳ ಪ್ರಮುಖ ಪೂರೈಕೆದಾರ.

4. ಪ್ರಾದೇಶಿಕ ಸಹಕಾರವನ್ನು ಆಳಗೊಳಿಸುವುದು, ಇಂಧನ ಪರಿವರ್ತನೆಯನ್ನು ವೇಗಗೊಳಿಸುವುದು ಮತ್ತು ಇಂಧನ ಸಂಪನ್ಮೂಲಗಳಿಗೆ ಮುಕ್ತ ವ್ಯಾಪಾರ ವ್ಯವಸ್ಥೆಗಳನ್ನು ಬೆಂಬಲಿಸುವುದು ಸೇರಿದಂತೆ ಇಂಧನ ಸಂಪನ್ಮೂಲ ಪೂರೈಕೆ ಸರಪಳಿ ಸ್ಥಿತಿಸ್ಥಾಪಕತ್ವವನ್ನು ಬಲಪಡಿಸಲು ನಾವು ಒಟ್ಟಾಗಿ ಕೆಲಸ ಮಾಡಲು ಬದ್ಧರಾಗಿದ್ದೇವೆ. ಮಾರುಕಟ್ಟೆ ಸ್ಥಿರತೆ, ಪಾರದರ್ಶಕತೆ ಹೆಚ್ಚಿಸಲು ಮತ್ತು ಖರೀದಿದಾರರ ದೃಷ್ಟಿಕೋನಗಳನ್ನು ಉತ್ತಮವಾಗಿ ಪ್ರತಿಬಿಂಬಿಸಲು ಪ್ರಮುಖ ಎಲ್.ಎನ್.ಜಿ. ಗ್ರಾಹಕರಾಗಿ ನಿಕಟ ಸಹಯೋಗವನ್ನು ಅನ್ವೇಷಿಸುವ ಅಗತ್ಯವನ್ನು ನಾವು ಗುರುತಿಸಿದ್ದೇವೆ.

5. ಇಂಧನದಲ್ಲಿ ಸ್ಥಿತಿಸ್ಥಾಪಕತ್ವದ  ವ್ಯಾಪಾರಕ್ಕೆ ನಮ್ಮ ಹಂಚಿಕೆಯ ಬದ್ಧತೆಯನ್ನು ನಾವು ಗುರುತಿಸುತ್ತೇವೆ. ಹಡಗು ನಿರ್ಮಾಣ ಸೇರಿದಂತೆ ಸ್ಥಿತಿಸ್ಥಾಪಕತ್ವದ  ಸಮುದ್ರ ಮೂಲಸೌಕರ್ಯವು ಎರಡೂ ದೇಶಗಳ ಇಂಧನ ಸುರಕ್ಷತೆಯನ್ನು ಖಚಿತಪಡಿಸಿಕೊಳ್ಳಲು ನಿರ್ಣಾಯಕವಾಗಿದೆ ಎಂದು ನಾವು ಗುರುತಿಸುತ್ತೇವೆ. ಇಂಧನ ಸಂಪನ್ಮೂಲಗಳ ಸುರಕ್ಷಿತ, ವಿಶ್ವಾಸಾರ್ಹ ಮತ್ತು ಪರಿಣಾಮಕಾರಿ ಸಾಗಣೆಯನ್ನು ಬೆಂಬಲಿಸುವಲ್ಲಿ ದೃಢವಾದ ಮತ್ತು ವೈವಿಧ್ಯಮಯ ಹಡಗು ನಿರ್ಮಾಣ ಪರಿಸರ ವ್ಯವಸ್ಥೆಯ ಮಹತ್ವವನ್ನು ನಾವು ಒಪ್ಪಿಕೊಳ್ಳುತ್ತೇವೆ.

6. ಈ ಹಿನ್ನೆಲೆಯಲ್ಲಿ, ಭಾರತ ಮತ್ತು ಆರ್.ಒ.ಕೆ. ಈ ಕೆಳಗಿನವುಗಳಿಗಾಗಿ ಶ್ರಮಿಸುತ್ತದೆ:  

- ನಾಫ್ತಾ ಮತ್ತು ಇತರ ಪೆಟ್ರೋಲಿಯಂ ಉತ್ಪನ್ನಗಳಲ್ಲಿ ಮುಕ್ತ ವ್ಯಾಪಾರವನ್ನು ನಿರ್ವಹಿಸಲು ಎರಡೂ ದೇಶಗಳ ಪ್ರಯತ್ನಗಳು ಸೇರಿದಂತೆ ಪರಸ್ಪರ ಇಂಧನ ಸಂಪನ್ಮೂಲಗಳ ಸ್ಥಿರ, ಸುರಕ್ಷಿತ ಮತ್ತು ವಿಶ್ವಾಸಾರ್ಹ ಪೂರೈಕೆಯನ್ನು ಕಾಪಾಡಿಕೊಳ್ಳುವುದು; ಮತ್ತು ಸಂಪೂರ್ಣ ಇಂಧನ ಮೌಲ್ಯ ಸರಪಳಿಯಲ್ಲಿ ಸಹಕಾರ.

- ಎಲ್‌ಎನ್‌ಜಿ ಬಳಸುವ ದೇಶಗಳ ನಡುವೆ ನಿಕಟ ಸಹಯೋಗದ  ಅನ್ವೇಷಣೆ.

- ಭಾರತದಲ್ಲಿ ಹಡಗುಕಟ್ಟೆಗಳನ್ನು ಸ್ಥಾಪಿಸುವುದು, ಹಡಗುಕಟ್ಟೆ ಆಧುನೀಕರಣ, ಮಾನವ ಸಂಪನ್ಮೂಲ ಅಭಿವೃದ್ಧಿ ಮತ್ತು ತಂತ್ರಜ್ಞಾನ ಪಾಲುದಾರಿಕೆ ಸೇರಿದಂತೆ ಹಡಗು ನಿರ್ಮಾಣ ವಲಯದಲ್ಲಿ ಸಹಕಾರವನ್ನು ಬಲಪಡಿಸುವುದು.

7. ನಮ್ಮ ಜನರ ಸುರಕ್ಷತೆ ಮತ್ತು ಸಮೃದ್ಧಿಯ ಪ್ರಯೋಜನಕ್ಕಾಗಿ ಜಾಗತಿಕ ಇಂಧನ ಸಂಪನ್ಮೂಲ ಪೂರೈಕೆ ಸರಪಳಿಗಳನ್ನು ಮುಕ್ತವಾಗಿಡಲು ಭಾರತ ಮತ್ತು ಆರ್‌ಒಕೆ ಗಳು  ಪ್ರಾದೇಶಿಕ ಪಾಲುದಾರರು ಕೈಜೋಡಿಸಬೇಕೆಂದು ಕರೆ ನೀಡುತ್ತವೆ.

*****