ಪ್ರಯಾಣಿಕರ ಬೇಡಿಕೆಯ ನಿರೀಕ್ಷಿತ ಹೆಚ್ಚಳವನ್ನು ಪೂರೈಸಲು ಮತ್ತು ಸುಗಮ ಹಾಗು ಅನುಕೂಲಕರ ಪ್ರಯಾಣದ ಅನುಭವವನ್ನು ಖಚಿತಪಡಿಸಿಕೊಳ್ಳಲು ಭಾರತೀಯ ರೈಲ್ವೆ 2026ರ ಬೇಸಿಗೆ ಋತುವಿನಲ್ಲಿ ವಿಶೇಷ ರೈಲುಗಳನ್ನು ಓಡಿಸುತ್ತಿದೆ. ದೇಶಾದ್ಯಂತ ಹೆಚ್ಚಿನ ಸಂಖ್ಯೆಯ ವಿಶೇಷ ರೈಲು ಸೇವೆಗಳಿಗೆ ಅನುಮೋದನೆ ನೀಡುವ ಮೂಲಕ ಬೇಸಿಗೆಯಲ್ಲಿ ಪ್ರಯಾಣಿಕರಿಗೆ ಸುಗಮ ಮತ್ತು ಆರಾಮದಾಯಕ ಪ್ರಯಾಣವನ್ನು ಖಚಿತಪಡಿಸಿಕೊಳ್ಳಲು ರೈಲ್ವೆ ಮಹತ್ವದ ಕ್ರಮಗಳನ್ನು ಕೈಗೊಂಡಿದೆ. 15 ಏಪ್ರಿಲ್ 2026 ರಿಂದ 15 ಜುಲೈ 2026 ರವರೆಗಿನ ಅವಧಿಗೆ, ಒಟ್ಟು 908 ಬೇಸಿಗೆ ವಿಶೇಷ ರೈಲುಗಳಿಗೆ ಅನುಮೋದನೆ ನೀಡಲಾಗಿದೆ, ಇದು ಹೆಚ್ಚಿದ ಪ್ರಯಾಣದ ಬೇಡಿಕೆಯನ್ನು ಪೂರೈಸಲು 18,262 ಟ್ರಿಪ್ ಗಳನ್ನು ನಿರ್ವಹಿಸುತ್ತದೆ.

ಈ ಪೈಕಿ 660 ರೈಲುಗಳಿಗೆ ಈಗಾಗಲೇ ಅಧಿಸೂಚನೆ ಹೊರಡಿಸಲಾಗಿದೆ, ಇದು 11,294 ಟ್ರಿಪ್ ಗಳನ್ನು ಆಯೋಜಿಸುತ್ತದೆ. ಯೋಜಿತ ಸೇವೆಗಳ ಬಹುಪಾಲು ಪ್ರಯಾಣಿಕರ ಮುಂಗಡ ಕಾಯ್ದಿರಿಸುವಿಕೆ ಮತ್ತು ಪ್ರಯಾಣದ ಯೋಜನೆಗೆ ಈಗಾಗಲೇ ಲಭ್ಯವಿರುವುದನ್ನು ಖಚಿತಪಡಿಸುತ್ತದೆ.

ಈ ವ್ಯಾಪಕ ಯೋಜನೆಯು ವಿಶೇಷವಾಗಿ ರಜಾದಿನಗಳು, ಹಬ್ಬಗಳು ಮತ್ತು ದಟ್ಟಣೆಯ ಪ್ರಯಾಣದ ತಿಂಗಳುಗಳಲ್ಲಿ.

ಋತು ಆಧಾರಿತ  ಪ್ರಯಾಣಿಕರ ದಟ್ಟಣೆಯನ್ನು ನಿರ್ವಹಿಸಲು ಭಾರತೀಯ ರೈಲ್ವೆಯ ಪೂರ್ವಭಾವಿ ವಿಧಾನವನ್ನು ಪ್ರತಿಬಿಂಬಿಸುತ್ತದೆ.

ವಲಯವಾರು ವಿವರಗಳು:

ಬೇಸಿಗೆ ವಿಶೇಷ ರೈಲುಗಳ ಕಾರ್ಯಾಚರಣೆಯು ಭಾರತೀಯ ರೈಲ್ವೆಯ ಎಲ್ಲಾ ಪ್ರಮುಖ ವಲಯಗಳನ್ನು ವ್ಯಾಪಿಸಿದ್ದು, ಸಮತೋಲಿತ ಪ್ರಾದೇಶಿಕ ಸಂಪರ್ಕ ಮತ್ತು ದಕ್ಷ ಪ್ರಯಾಣಿಕರ ನಿರ್ವಹಣೆಯನ್ನು ಖಾತ್ರಿಪಡಿಸುತ್ತದೆ:

• ದಕ್ಷಿಣ ಮಧ್ಯ ರೈಲ್ವೆಯಲ್ಲಿ 124 ರೈಲುಗಳನು (1,184 ಟ್ರಿಪ್ ಗಳನ್ನು) ಅನುಮೋದಿಸಲಾಗಿದ್ದು, ಅದು ಮುಂಚೂಣಿಯಲ್ಲಿದೆ. ಮತ್ತು 76 ರೈಲುಗಳನ್ನು (324 ಟ್ರಿಪ್ ಗಳು) ಅಧಿಸೂಚಿಸಲಾಗಿದೆ.

• ಪಶ್ಚಿಮ ರೈಲ್ವೆ 106 ರೈಲುಗಳಿಗೆ (2,078 ಟ್ರಿಪ್ಗಳು) ಅನುಮೋದನೆ ನೀಡಿದೆ ಮತ್ತು 92 ರೈಲುಗಳನ್ನು (1,667 ಟ್ರಿಪ್ಗಳು) ಅಧಿಸೂಚಿಸಲಾಗಿದೆ..

• ವಾಯುವ್ಯ ರೈಲ್ವೆ 76 ರೈಲುಗಳನ್ನು (2,245 ಟ್ರಿಪ್ಗಳು) ಅನುಮೋದಿಸಿದೆ ಮತ್ತು 62 ರೈಲುಗಳನ್ನು (1,878 ಟ್ರಿಪ್ಗಳು). ಅಧಿಸೂಚಿಸಲಾಗಿದೆ
• ಉತ್ತರ ರೈಲ್ವೆ 76 ರೈಲುಗಳನ್ನು (2,090 ಟ್ರಿಪ್ಗಳು) ಅನುಮೋದಿಸಿದ್ದು, 56 ರೈಲುಗಳನ್ನು (1,535 ಟ್ರಿಪ್ಗಳು) ಅಧಿಸೂಚಿಸಿದೆ.
• ಕೇಂದ್ರೀಯ ರೈಲ್ವೆ 74 ರೈಲುಗಳಿಗೆ (3,082 ಟ್ರಿಪ್ಗಳು) ಅನುಮೋದನೆ ನೀಡಿದೆ ಮತ್ತು 70 ರೈಲುಗಳನ್ನು (2,238 ಟ್ರಿಪ್ಗಳು) ಅಧಿಸೂಚಿಸಲಾಗಿದೆ.
• ದಕ್ಷಿಣ ರೈಲ್ವೆ 72 ರೈಲುಗಳಿಗೆ (558 ಟ್ರಿಪ್ಗಳು) ಅನುಮೋದನೆ ನೀಡಿದೆ ಮತ್ತು 38 ರೈಲುಗಳನ್ನು (133 ಟ್ರಿಪ್ಗಳು)ಅಧಿಸೂಚಿಸಲಾಗಿದೆ.

• ಪೂರ್ವ ಮಧ್ಯ ರೈಲ್ವೆ 64 ರೈಲುಗಳಿಗೆ (2,711 ಟ್ರಿಪ್ಗಳು) ಅನುಮೋದನೆ ನೀಡಿದೆ ಮತ್ತು 38 ರೈಲುಗಳನ್ನು (1,060 ಟ್ರಿಪ್ಗಳು) ಅಧಿಸೂಚಿಸಲಾಗಿದೆ.

• ಉತ್ತರ ಮಧ್ಯ ರೈಲ್ವೆ 54 ರೈಲುಗಳಿಗೆ (1,163 ಟ್ರಿಪ್ಗಳು) ಅನುಮೋದನೆ ನೀಡಿದೆ ಮತ್ತು 46 ರೈಲುಗಳನ್ನು (688 ಟ್ರಿಪ್ಗಳು) ಅಧಿಸೂಚಿಸಲಾಗಿದೆ.
• ಈಶಾನ್ಯ ರೈಲ್ವೆ 52 ರೈಲುಗಳಿಗೆ (814 ಟ್ರಿಪ್ಗಳು) ಅನುಮೋದನೆ ನೀಡಿದೆ ಮತ್ತು 34 ರೈಲುಗಳನ್ನು (477 ಟ್ರಿಪ್ಗಳು) ಅಧಿಸೂಚಿಸಲಾಗಿದೆ.
• ಪೂರ್ವ ಕರಾವಳಿ ರೈಲ್ವೆ 28 ರೈಲುಗಳನ್ನು (410 ಟ್ರಿಪ್ಸ್) ಅನುಮೋದಿಸಿದ್ದು, 18 ರೈಲುಗಳನ್ನು (88 ಟ್ರಿಪ್ಗಳು) ಅಧಿಸೂಚಿಸಿದೆ.
• ಪಶ್ಚಿಮ ಮಧ್ಯ ರೈಲ್ವೆ 28 ರೈಲುಗಳಿಗೆ (408 ಟ್ರಿಪ್ಗಳು) ಅನುಮೋದನೆ ನೀಡಿದೆ ಮತ್ತು 18 ರೈಲುಗಳನ್ನು (192 ಟ್ರಿಪ್ಗಳು) ಅಧಿಸೂಚಿಸಲಾಗಿದೆ.
• ಪೂರ್ವ ರೈಲ್ವೆ 24 ರೈಲುಗಳಿಗೆ (392 ಟ್ರಿಪ್ಗಳು) ಅನುಮೋದನೆ ನೀಡಿದೆ ಮತ್ತು 10 ರೈಲುಗಳನ್ನು (276 ಟ್ರಿಪ್ಗಳು) ಅಧಿಸೂಚಿಸಲಾಗಿದೆ.
• ಉತ್ತರ ಗಡಿನಾಡು ರೈಲ್ವೆ 24 ರೈಲುಗಳಿಗೆ (220 ಟ್ರಿಪ್ಗಳು) ಅನುಮೋದನೆ ನೀಡಿದೆ ಮತ್ತು 20 ರೈಲುಗಳನ್ನು (141 ಟ್ರಿಪ್ಗಳು) ಅಧಿಸೂಚಿಸಲಾಗಿದೆ.
• ಆಗ್ನೇಯ ರೈಲ್ವೆ 20 ರೈಲುಗಳನ್ನು (276 ಟ್ರಿಪ್ಗಳು) ಅನುಮೋದಿಸಿದ್ದು, 18 ರೈಲುಗಳನ್ನು (250 ಟ್ರಿಪ್ಗಳು) ಅಧಿಸೂಚಿಸಿದೆ.
• ಆಗ್ನೇಯ ಮಧ್ಯ ರೈಲ್ವೆ 10 ರೈಲುಗಳನ್ನು (122 ಟ್ರಿಪ್ಗಳು) ಅನುಮೋದಿಸಿದೆ ಮತ್ತು 8 ರೈಲುಗಳನ್ನು (70 ಟ್ರಿಪ್ಗಳು) ಅಧಿಸೂಚಿಸಲಾಗಿದೆ.
• ನೈಋತ್ಯ ರೈಲ್ವೆ 76 ರೈಲುಗಳನ್ನು (509 ಟ್ರಿಪ್ಗಳು) ಅನುಮೋದಿಸಿದ್ದು, 56 ರೈಲುಗಳನ್ನು (277 ಟ್ರಿಪ್ಗಳು) ಅಧಿಸೂಚಿಸಿದೆ.

ಪ್ರಯಾಣಿಕರಿಗೆ ಲಭಿಸುವ  ಪ್ರಯೋಜನಗಳು:

ಬೇಸಿಗೆ ವಿಶೇಷ ರೈಲುಗಳನ್ನು ದೊಡ್ಡ ಪ್ರಮಾಣದಲ್ಲಿ ಓಡಿಸುವುದರಿಂದ ಪ್ರಯಾಣಿಕರಿಗೆ ಈ ಕೆಳಗಿನ ಗಮನಾರ್ಹ  ಪ್ರಯೋಜನಗಳು ಲಭಿಸುತ್ತವೆ  ಎಂದು ನಿರೀಕ್ಷಿಸಲಾಗಿದೆ:

• ಗರಿಷ್ಠ ಪ್ರಯಾಣದ ಋತುವಿನಲ್ಲಿ ಕಾಯುವಿಕೆ ಪಟ್ಟಿಗಳನ್ನು ಕಡಿಮೆ ಮಾಡುತ್ತದೆ.
• ಹೆಚ್ಚುವರಿ ಬರ್ತ್ ಗಳು ಮತ್ತು ದೃಢೀಕೃತ ಪ್ರಯಾಣದ ಆಯ್ಕೆಗಳನ್ನು ಒದಗಿಸುವುದು.
• ಪ್ರಮುಖ ನಗರಗಳು ಮತ್ತು ಪ್ರದೇಶಗಳ ನಡುವೆ ಸಂಪರ್ಕವನ್ನು ಹೆಚ್ಚಿಸುವುದು.
• ಸುಗಮ ಮತ್ತು ಹೆಚ್ಚು ಆರಾಮದಾಯಕ ಪ್ರಯಾಣವನ್ನು ಖಚಿತಪಡಿಸುವುದು.
•  

ಹೆಚ್ಚಿನ ಬೇಡಿಕೆ ಇರುವ ಮಾರ್ಗಗಳಲ್ಲಿ ವಿಶೇಷ ರೈಲುಗಳನ್ನು ನಿಯೋಜಿಸುವ ಮೂಲಕ, ಭಾರತೀಯ ರೈಲ್ವೆಯು ಬೇಸಿಗೆಯಲ್ಲಿ ಪ್ರಯಾಣಿಕರಿಗೆ ಅನಾನುಕೂಲತೆಯ ಪ್ರಮಾಣವನ್ನು ಕನಿಷ್ಠ ಪ್ರಮಾಣಕ್ಕೆ ಇಳಿಸುವುದನ್ನು  ಖಚಿತಪಡಿಸುತ್ತಿದೆ.

ಸಮಯೋಚಿತ ಯೋಜನೆ ಮತ್ತು ವಿಶೇಷ ರೈಲು ಸೇವೆಗಳ ದೊಡ್ಡ ಪ್ರಮಾಣದ ನಿಯೋಜನೆಯೊಂದಿಗೆ, ಭಾರತೀಯ ರೈಲ್ವೆಯು ಪ್ರಯಾಣಿಕರ ಅನುಕೂಲತೆ ಮತ್ತು ಪ್ರಯಾಣದ ಸೌಕರ್ಯಕ್ಕೆ ಆದ್ಯತೆ ನೀಡುವುದನ್ನು ಮುಂದುವರಿಸಿದೆ. ವಲಯಗಳಾದ್ಯಂತ ವ್ಯಾಪಕ ವ್ಯಾಪ್ತಿ ಮತ್ತು ಹೆಚ್ಚಿನ ಸಂಖ್ಯೆಯ ಅಧಿಸೂಚಿತ ರೈಲುಗಳು ಪ್ರಯಾಣಿಕರ ಬೇಡಿಕೆಯನ್ನು ಸಮರ್ಥವಾಗಿ ಪೂರೈಸುವ ಮತ್ತು ಬೇಸಿಗೆ ಋತುವಿನಲ್ಲಿ ಅಡೆತಡೆ ಮುಕ್ತ ಪ್ರಯಾಣದ ಅನುಭವವನ್ನು ಖಚಿತಪಡಿಸಿಕೊಳ್ಳುವ ಬಲವಾದ ಬದ್ಧತೆಯನ್ನು ಇದು ಪ್ರತಿಬಿಂಬಿಸುತ್ತದೆ.

******