ব্রোদকাস্ত ইঞ্জিনীয়রিং কন্সলতেন্তস ইন্দিয়া লিমিতেদ (BECIL) না এদভান্স তেক্নোলোজী, দিজিতেল ত্রান্সফোর্মেসন অমসুং কেপাসিতী দিভেলপমেন্তকী লমদা তেংবাংননবা সেন্তর ফোর দিবলপমেন্ত ওফ এদভান্স কম্প্যুটিং (C-DAC) গা মেমোরেন্দম ওফ অন্দর্স্তেন্দিং (MoU) অমদা খুৎয়েক পীনখ্রে।

তেংবাংনবা অসিনা পুন্না প্রোজেক্তশিং থবক ওইনা পায়খৎপা, কন্সলতেন্সী অমসুং তেক্নিকেল সপোর্ত পীবদা অমসুং অনৌবা তেক্নোলোজীশিং ওইরিবা অর্তিফিসিএল ইন্তেলিজেন্স (AI), মেছিন লর্নিং (ML), ইন্তর্নেত অফ থিংস (IoT), সাইবর সিক্যুরিতী, 5G অমসুং ক্লাউদ কম্প্যুটিংগী লমদা পাম্বৈশিং পুথোকপদা মীৎয়েং থমগনি। মসিনা তোঙান তোঙানবা লমশিংদা তর্নকী সোল্যুসনশিং শেমগৎপা য়াহনগনি অমসুং তেক্নোলোজী মফম হোংদোকপা অমদি অনৌবা পোত্থোকশিং করবারগী লমদা পুথোকপদা মতেং ওইগনি। থৌরাং অসিনা তেক্নিকেল ওইবা মতিং মপাঙ্গল কনখৎহন্নবগীদমক কেপাসিতী বিল্দিং, থবক তৌরিবা মীশিংগী স্কিল হেনগৎহনবা অমসুং স্কিল দিবলপমেন্তগী থৌরাংশিংদা হেন্না মীৎয়েং থম্লি।

MoU অসি দাইরেক্তর (O&M), BECIL, কেপ্তেন (IN) সৌরভ চৌহান (রিতাইয়র্দ), অমসুং রেজিস্ত্রার, C-DAC, মিস্তর নিরঞ্জন বৈষ্ণবনা সেনিয়র ওফিসিএলশিংগী মমাঙদা খুৎয়েক পীনখি।

থৌরম অদুদা ৱা ঙাংলদুনা CMD, BECIL, কমোদোর দি.কে. মুরালী (রিতাইয়র্দ.) না হায়খি মদুদি C-DAC কা লোয়ননা তেংবাংনবা অসিনা এদভান্স তেক্নোলোজী অমসুং দিজিতেল ত্রান্সফোর্মেসনগী লমদা BECIL গী মতিং হেনগৎহনগনি। মহাক্না মখা তানা হায়খি মদুদি লুপ অনিমক্কী লৈরিবা মপাঙ্গলশিং অদু শীজিন্নদুনা, পার্তনরশিপ অসিনা শাফু লৈবা পাম্বৈশিং পীনবা অমসুং ভারতকী দিজিতেলগী লমদা চাওখৎপদা পুরকপদা শরুক য়ানবা পান্দম থম্লি।

পার্তনরশিপ অসিনা অনৌবা পোৎলমশিং পুথোকপদা পুক্নিং থৌগৎকনি, এদভান্স তেক্নোলোজীশিং শীজিন্নবা হেনগৎহনগনি অমসুং লৈঙাক্কী দিজিতেল ইন্দিয়াগী মঙলানগা মরী লৈননা তুংগীদমক শেম-শাবা দিজিতেল ইকোসিস্তেম অসি মপাঙ্গল কনখৎহনবদা মতেং ওইগনি হায়না থাজবা থম্লি।

BECIL গী মরমদা

ব্রোদকাস্ত ইঞ্জিনীয়রিং কন্সলতেন্তস ইন্দিয়া লিমিতেদ (BECIL) অসি ভারত লৈঙাক্কী মিনিস্ত্রী ওফ ইনফোর্মেসন এন্দ ব্রোদকাস্তিংগী মখাদা লৈবা মিনি রত্ন কেতেগোরী-I পাব্লিক সেক্তর এন্তর্প্রাইজ অমনি। ১৯৯৫ দা লিংখৎখিবা কম্পনী অসিনা ব্রোদকাস্তিং, ইনফোর্মেসন তেক্নোলোজী অমসুং তেলিকম্ম্যুনিকেসনগী লমদা কন্সততেন্তসী সার্ভিসশিং অমসুং তর্নকী সোল্যুসনশিং পীরি। BECIL না মাগী থবকশিং অদু ই-গভর্নেন্স, স্মার্ট সিতী, হেল্থকেয়র অমসুং মেনপাৱর সার্ভিসগুম্বা লমশিংদসু লৈঙাক অমসুং লন্নাই সেক্তরগী লুপ অনিমক্তা শন্দোক্তুনা লাক্লি।

C-DAC কী মরমদা

সেন্তর ফোর দিবলপমেন্ত ওফ এদভান্স কম্প্যুটিং (C-DAC) অসি ভারত লৈঙাক্কী মিনিস্ত্রী অফ ইলেক্ত্রোনিক্স এন্দ ইনফোর্মেসন তেক্নোলোজী (MeitY) গী মখাদা লৈবা রিছর্চ এন্দ দিবলপমেন্ত লুপ অমনি। মসিনা এদভান্স কম্প্যুটিং, হায় পরফোর্মেন্স কম্প্যুতিং, অর্তিফিসিএল ইন্তেলিজেন্স, সাইবর সিক্যুরিতী অমসুং সোফ্তৱেয়র তেক্নোলোজীগুম্বা লমশিংদা থবক তৌই। C-DAC না তেক্নোলোজীশিং, পোত্থোকশিং অমসুং কেপাসিতী বিল্দিংগী প্রোগ্রামশিং শেমগৎপগী খুত্থাঙদা লৈবাক অসিগী থৌরাংশিংদা মতেং পীরি।

***