প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীনা রাজ্য সভাদা ৱা ঙাংখ্রে
প্রধান মন্ত্রীনা শ্রী হরিবন্সপু মহাক্না রাজ্য সভাগী দেপ্যুতী চেয়রমেন ওইনা পুৱারী ওইনা অহুমশুবা তর্ম পুবগীদমক্তা থাগৎপা ফোংদোকখ্রে
থাগৎখিবা:
17 APR 2026 2:05PM by PIB Imphal
প্রধান মন্ত্রী শ্রী নরেন্দ্র মোদীনা ঙসি রাজ্য সভাদা ৱা ঙাংখ্রে অমসুং মমাংদা অমুক্তা থোকখিদ্রিবা মতৌ ওইনা শ্রী হরিবন্সপু রাজ্য সভাগী চেয়রমেন ওইনা অহুম্লক শুনা খনবগীদমক্তা থাগৎপা ফোংদোকখ্রে। মসিগী পুৱারী ওইরবা মায় পাকপা অসিদা মিৎয়েং চঙলদুনা প্রধান মন্ত্রীনা হাউসনা শ্রী হরিবন্সতা চেৎনা থাজবা থম্লিবা অমসুং মহাক্না ইন্সতিত্যুসন অসিদা তম্লিবা মমল নাইদ্রবা শরুকশিংবু তাক্লি হায়না ফোংদোকখি। “থংন-থংননা অহুম্লক শুবা ওইনা খনবা অসি মহাক্কী এক্সপেরিএন্স, মহাক্কী ইনক্লুসিব ওইবা থৌওং অমসুং মহাক্কী তমজনীংঙাই ওইবা থবক তৌবগী মওং অসি হাউস অসিনা য়ারে তাকপনি”, শ্রী মোদীনা হায়খি।
এপ্রিল ১৭ অসিদা হান্নগী প্রধান মন্ত্রী চন্দ্র সেখরগী মপোক কুমওন তাবা অসিশু অখন্নবা তান চান্নবা অমনি হায়না প্রধান মন্ত্রীনা হায়খি। শ্রী হরিবন্সকা চন্দ্র সেখরজী অনিগী মরক্তা লৈনরম্বা অনকপা মরীদা মীয়ামগী মিৎয়েং চিংশিল্লদুনা পি.এম. মোদীনা দেপ্যুতী চেয়রমেন্না চন্দ্র সেখরজীগী রাজনিতীগী অপুনবা পুন্সিদা মহাক্কী খোংলোই ওইনা তেংবাংখি অমসুং মহাক্কী পুন্সিগী মতাংদা লাইরিক অমশু ইখি হায়না পাউদমখি। “চন্দ্র সেখরজীগী মপোক কুমওন্দা অদোমগী অহুমশুবা তর্ম হৌবা অসিনা থৌরম অসিবু হেন্না মগুন লৈহল্লে”, শ্রী মোদীনা হায়খি।
শ্রী হরিবন্সকী পাউমীগী লমদা মশক থোকপা কেরিয়র শেমখিবা অদুবু নিংশিংলদুনা, প্রধান মন্ত্রীনা মহাক্না স্তেন্দর্দ ৱাংবা থৌওংদা ৱাখল চেৎপা অমসুং শাফু পীনিংঙাই ওইবা খুৎই শিংবু থাগৎখি। প্রধান মন্ত্রীনা গুজরাত্তা ফম পায়রিঙৈ মতমদা মহাক্না শ্রী হরিবন্সকী আর্তিকলশিং চাং নাইনা পাখি অমসুং মখোয়শিং অদুনা কুপ্না থিজিনবা অমসুং খোঙফম চেৎপগী মতৌ উৎলি হায়না পাউদমখি। “মহাক্কী খুৎই অসি য়াম্না হকথেংনবা ওই অদুবু মহাক্কী ৱাঙাং অমসুং মতৌদি য়াম্না লেমজনীংঙাই ওই”, শ্রী মোদীনা হায়খি।
প্রধান মন্ত্রীনা শ্রী হরিবন্সকী ইং ১৯৯৪গী অমেরিকাগী খোঙচৎকী নুংঙাইবা ৱারী অমা তমখি। মসিগুম্লবা চাউখৎপা লৈবাক অসিদা করি য়েংবা পাম্বগে হায়না হংবা মতমদা শ্রী হরিবন্সনা য়ুনিভর্সিতীশিংদা চত্তুনা করম্বা মখলগী এজুকেসন অমসুং চৎনবীনা মসিগুম্না চাউখৎহল্লিবনো হায়বা খঙবা পাম্মি হায়না খুমখি হায়না প্রধান মন্ত্রী মোদীনা হায়খি। “খোঙচৎ অসিদা মহাক্না মহাক্কী মশাগী অপুনবা অহাংবা মতমশিং অমেরিকাগী য়ুনিভর্সিতীশিংদা চত্তুনা লেনখি অমসুং মসিনা মহাক্না ভারতপু চাউখৎপা লৈবাক অমা ওইহনবা পাম্বগী মতৌ উৎখি”, শ্রী মোদীনা হায়খি।
প্রধান মন্ত্রীনা শ্রী হরিবন্সকী মতম নাইবা, লিচৎনাইবা পুন্সি অমসুং থৌদাংদা পুক্নিং চঙবনা মহাকপু মালেম্না য়ারিবনি হায়না ফোংদোকখি। শ্রী হরিবন্সনা রাজ্য সভাগী মেম্বর হেক ওইবদগী হাউস্তা মতম পুম্বদা লাকখি, সেসনশিংগী লুচিংবা ওইদ্রবশু মদুদা শরুক য়াখি হায়না মহাক্না হায়খি। “মসিনা মহাক্না মশাগী থৌদাংদা খোঙফম চেৎপা উৎলি অমসুং ঐখোয় পুম্নমক্কী খুদম অমশু ওইরি” শ্রী মোদীনা হায়খি।
প্রধান মন্ত্রীনা শ্রী হরিবন্সকী পার্লিয়ামেন্তকী থৌদাংশিংদগী হেন্দোক্লগা মশাগী ওইবা পুন্সিদা মশক থোকপা থবক কয়া অমা নহাশিংগা লোয়ননা পাংথোকখিবশিং নীংশিংখি। মহাক্কী ফজরবা স্তেতিস্তিক্সশিং পাউদম্লদুনা শ্রী মোদীনা হায়খি মদুদি শ্রী হরিবন্সনা ইং ২০১৮দা দেপ্যুতী চেয়রমেন হেক ওইবদগী হৌনা লৈবাক শিনবা থুংবগী কোলেজ অমসুং য়ুনিভর্সিতীশিংদা প্রোগ্রাম ৩৫০দগী হেন্না পাংথোকখি। “মসিনা মহাক্না নহাশিংগা অতৈগা মান্নদনা পুনবা, বিকশিৎ ভারত অমগী পান্দমগা লোয়ননা হীরম কয়া শেম্বগী মতৌ উৎলি”, শ্রী মোদীনা হায়খি।
মহৈরোইশিংগী মরক্তা মশাদা থাজবা লৈহন্নবা দেপ্যুতী চেয়রমেন্না মিৎয়েং চঙলিবা অসিবু থাগৎলদুনা প্রধান মন্ত্রীনা শ্রী হরিবন্সনা ভারতনা মমাংগী মতমদা অপাম্বা খোঙজেলদা চাউখৎপা ঙমদ্রিবা অসিগী মরম অসি পুৱারী ওইবা খুদম পীদুনা তাকখি অমসুং লৈবাক অসিনা হেন্না চাউখৎপা ঙম্নবা ঐখোয়গী নাক্তা করম্বা খুদোংচাবা লৈরে হায়বশু তাকখি হায়খি। শ্রী হরিবন্সনা তাইয়র ২ অমসুং তাইয়র ৩গী শহরশিংদা পাংথোকপা লিতরেচর ফেস্তিবেলশিংদা থৱাই য়াওনা শরুক য়াখিবা অমসুং মসিনা খুন্নাইগী থাক খুদিংদা ইথিল পীখি হায়না প্রধান মন্ত্রীনা পাউদমখি।
শ্রী হরিবন্সনা এম.পি.এল.এ.দি.এস. (মেম্বর ওফ পার্লিয়ামেন্ত লোকেল এরিয়া দিভেলপমেন্ত ফন্দ) শিজিন্নবগী হীরমদা পার্লিয়ামেন্তকী অতোপ্পা মেম্বরশিংগী মরক্তা খুদম অমা থমখিবগী মতাংদা প্রধান মন্ত্রীনা পাউদমখি। দেপ্যুতী চেয়রমেন্না ভারতকী মুৎখিগদৌরবা লোলশিংগী সেন্তর অমা আই.আই.তি. পত্নাদা লিংখৎখিবা, বিহারগী মফমশিংগী য়াহা হাবগী ওইথোকপশিংগা মরী লৈনবা আর্থক্বেক ইঞ্জিনিয়রিংগী সেন্তর অমা অমসুং লৈবাক চাশিনবগী শিংনবদা মিৎয়েং চঙনবা আর্য়াভত্ত নোলেজ য়ুইভর্সিতীদা রিভর স্তদী সেন্তর অমা য়াওনা লিংখৎখিবা তোঙান-তোঙানবা স্তদী অমসুং রিসর্চ সেন্তরশিংগী মতাংদা প্রধান মন্ত্রীনা পাউদমখি। “এম.পি.এল.এ.দি.এস. অসিনা মতম শাংনা কান্নবা পীনবা মতৌ করম্বা শিজিন্নবা য়াবগে হায়বসি মহাক্না থবক্না উৎখি”, শ্রী মোদীনা হায়খি।
চন্দ্রগুপ্ত ইন্সতিত্যুত ওফ মেনেজমেন্ততা লিংখৎপা ব্যুজিনেস ইনক্যুবেসন অমসুং ইনোবেসন সেন্তর অমসুং মগধ য়ুনিভর্সিতীদা লিংখৎপা আর্তিফিসিএল ইন্তেলিজেন্স সেন্তর য়াওনা শ্রী হরিবন্সনা শেল থাদখিবা অতোপ্পা খোঙথাংশিংগী মতাংদা প্রধান মন্ত্রীনা পাউদমখি। শ্রী হরিবন্সনা শহরদা লৈজরবশু মহাক্কী খুঙ্গংগী হৌরকফমগা নক্ননা অদুমক লৈবগী মতৌবু থাগৎলদুনা শ্রী মোদীনা অসুম্না হায়খি, “হরিবন্সজীনা মহাক্কী খুঙ্গংগা অনকপা মরী থমখি অমসুং মহাক্কী খুন্নাইগী অৱা-নুংঙাই খুদিংমক্তা শরুক য়ারি”।
পার্লিয়ামেন্তকী অনৌবা বিলদিং শাবা মতমদা শ্রী হরিবন্সকা থবক তৌমিন্নখিবগী মতাংদা পাউদম্লদুনা, প্রধান মন্ত্রীনা মহাক্কা লোয়নবা অসিগী মগুন য়াম্না লৈখি হায়না ফোংদোকখি। ৱারী শাবগী শুপ্নগী নুমিৎ নিনিগী মনুংদা মহাক্না মমিং থোনবগী থৌরম, চেম্বর, আর্ত গেল্লরী অমসুং তোঙানবা থোংজাওশিংগা মরী লৈনবা অনৌবা ৱাখল্লোন কয়া মহাক্না পুথোকখি হায়না শ্রী মোদীনা হায়খি। “পার্লিয়ামেন্ত শাবা মতমদা মহাক্কা পুন্না থবক শুমিন্নখিবা অসি য়াম্না নুংঙাইবা অমসুং কান্নবা থৌওং অমা ওইখি”, শ্রী মোদীনা হায়খি।
স্তেত লেজিস্লেতিব এসেমব্লী, লেজিস্লেতিব কাউন্সিল অমসুং মখোয়গী প্রিসাইদিং ওফিসরশিংদা ত্রেনিং অমসুং কেপাসিতী বিলদিং তৌদুনা শ্রী হরিবন্সনা হোৎনখিবশিংবু শকখঙলদুনা, প্রধান মন্ত্রীনা ভারতকী গনতন্ত্রগী পথাপকী মপাঙ্গল লৈবা মমি অমা মালেমদা তাহন্নবা মহাক্না কম্মনৱেল্থ পার্লিয়ামেন্তরী এসোসিএসন্দা লৌখিবা থৌদাংশিংবু থাগৎখি। মহানা ২১শুবা চহি-চাগী অনিশুবা ক্বার্তরদা হাউসতা মহাক্না লৌখিবা মরু ওইবা থৌদাং অমসুং প্রিসাইদিং ওফিসরশিংগী মশক থোকপা থৌদাংশিংদা মরু ওইবা পীবগী থৌওংদা প্রধান মন্ত্রীনা থাজবা থম্মি হায়না ফোংদোক্লদুনা মহাক্কী ৱারোল লোইশিনখি।
***
(রিলিজ আই.দি.: 2253088)
ভিজিতর কাউন্তর : 5