പ്രധാനമന്ത്രിയുടെ ഓഫീസ്
പ്രധാനമന്ത്രി കർണാടക സന്ദർശിച്ചു; ശ്രീ ഗുരു ഭൈരവൈക്യ മന്ദിരം ഉദ്ഘാടനം ചെയ്യുകയും സന്ദർശനത്തിന്റെ ദൃശ്യങ്ങൾ പങ്കുവെക്കുകയും ചെയ്തു.
പോസ്റ്റഡ് ഓണ്:
15 APR 2026 5:46PM by PIB Thiruvananthpuram
കർണാടക സന്ദർശനത്തിന്റെ ദൃശ്യങ്ങൾ പ്രധാനമന്ത്രി ശ്രീ നരേന്ദ്ര മോദി ഇന്ന് പങ്കുവെച്ചു.
കർണാടകയിലെ മാണ്ഡ്യ ജില്ലയിലുള്ള ശ്രീ ആദിചുഞ്ചനഗിരി മഹാസംസ്ഥാന മഠത്തിൽ ശ്രീ ഗുരു ഭൈരവൈക്യ മന്ദിരം ഉദ്ഘാടനം ചെയ്തതായി അദ്ദേഹം അറിയിച്ചു. ഈ പുണ്യസ്ഥലം, രാജ്യത്തിന്റെ കാലാതീതമായ ആത്മീയ മൂല്യങ്ങൾക്കും, സേവനത്തിന്റെയും ജ്ഞാനത്തിന്റെയും പാരമ്പര്യത്തിനും നൽകുന്ന ആദരവാണെന്ന് പ്രധാനമന്ത്രി കുറിച്ചു.
സന്ദർശന വേളയിൽ പ്രധാനമന്ത്രി ജ്വാലാ പീഠം സന്ദർശിക്കുകയും ശ്രീ കാലഭൈരവ ക്ഷേത്രത്തിൽ പ്രാർത്ഥന നടത്തുകയും ചെയ്തു.
പരമപൂജ്യ ജഗദ്ഗുരു ശ്രീ ശ്രീ ശ്രീ ഡോ. ബാലഗംഗാധരനാഥ മഹാസ്വാമിജിക്ക് അദ്ദേഹം ശ്രദ്ധാഞ്ജലി അർപ്പിച്ചു. സ്വാമിജി ആത്മീയതയുടെയും സേവനത്തിന്റെയും പ്രകാശഗോപുരമായിരുന്നുവെന്നും, സാമൂഹിക ശാക്തീകരണത്തിനായി അദ്ദേഹം നടത്തിയ പ്രശംസനീയമായ പ്രവർത്തനങ്ങൾ ലോകമെമ്പാടുമുള്ള അസംഖ്യം ആളുകളുടെ ജീവിതത്തെ സ്പർശിച്ചതായും പ്രധാനമന്ത്രി പറഞ്ഞു.
'എക്സ്' ലെ തുടർച്ചയായ കുറിപ്പുകളിൽ ശ്രീ മോദി കുറിച്ചു ;
"ഇന്ന് രാവിലെ, കർണാടകയിലെ മാണ്ഡ്യ ജില്ലയിലുള്ള ശ്രീ ആദിചുഞ്ചനഗിരി മഹാസംസ്ഥാന മഠത്തിൽ ശ്രീ ഗുരു ഭൈരവൈക്യ മന്ദിരം ഉദ്ഘാടനം ചെയ്തു.
നമ്മുടെ നാടിന്റെ കാലാതീതമായ ആത്മീയ മൂല്യങ്ങൾക്കും സേവനത്തിന്റെയും ജ്ഞാനത്തിന്റെയും നിലനിൽക്കുന്ന പാരമ്പര്യങ്ങൾക്കും നൽകുന്ന ആദരവായി ഈ പുണ്യസ്ഥലം നിലകൊള്ളുന്നു."
"ശ്രീ ആദിചുഞ്ചനഗിരി മഹാസംസ്ഥാന മഠത്തിൽ, ഞാൻ ജ്വാലാ പീഠം സന്ദർശിക്കുകയും ശ്രീ കാലഭൈരവ ക്ഷേത്രത്തിൽ പ്രാർത്ഥന നടത്തുകയും ചെയ്തു."
"പരമപൂജ്യ ജഗദ്ഗുരു ശ്രീ ശ്രീ ശ്രീ ഡോ. ബാലഗംഗാധരനാഥ മഹാസ്വാമിജിക്ക് പ്രണാമം അർപ്പിച്ചു. അദ്ദേഹം ആത്മീയതയുടെയും സേവനത്തിന്റെയും പ്രകാശഗോപുരമാണ്; സാമൂഹിക ശാക്തീകരണത്തിനായി പ്രശംസനീയമായ പരിശ്രമങ്ങൾ നടത്തിയ വ്യക്തിത്വമാണ്. അദ്ദേഹത്തിന്റെ പ്രവർത്തനങ്ങൾ ലോകമെമ്പാടുമുള്ള അസംഖ്യം ജീവിതങ്ങളെ സ്പർശിച്ചിട്ടുണ്ട്."
***
NK
( റിലീസ് ഐ.ഡി: 2252856)
സന്ദര്ശക കൗണ്ടര് : 8
ഈ റിലീസ് വായിക്കുക:
English
,
Urdu
,
Marathi
,
हिन्दी
,
Manipuri
,
Bengali
,
Assamese
,
Punjabi
,
Gujarati
,
Telugu
,
Kannada