প্রধানমন্ত্রীগী লোইশঙ
প্রধান মন্ত্রীনা প্রধান মন্ত্রী মুদ্রা য়োজনাগী ১১শুবা চহি মপুং ফারকপগা লোইননা মসিগী মাইপাকপা কয়াগীদমক থাগৎপা ফোংদোকখ্রে
পি.এম.না সংস্কৃত সুভাশিতম অমা শেয়র তৌদুনা লৌশিং লৈবা মীওই অমগী মগুনশিং ফোংদোকখ্রে
থাগৎখিবা:
08 APR 2026 9:25AM by PIB Imphal
চহী ১১গী মমাংদা হৌদোকখিবা প্রধান মন্ত্রী মুদ্রা য়োজনা অসিনা নহারোলশিংদা মশাগী থবক ফংহনবদা য়াম্না কান্নবা ওইরে হায়না ঙসি প্রধান মন্ত্রী শ্রী নরেন্দ্র মোদীনা ফোংদোকখ্রে।
প্রধান মন্ত্রীনা হায়খি মদুদি স্কিম অসিগী মাইপাকপা অসিনা তাক্লি মদুদি মতৌ করম্না, অচুম্বা খুদোংচাবশিং পীরবদি, মীওই অমনা মশা-মরোমদোম লেপচবা ঙম্বতা নত্তনা লৈবাক্কী চাউখৎপদসু শরুক য়াবা ঙম্মি। মসিগী মতাংদা শ্রী মোদীনা সংস্কৃতকী সুভাশিতম অমা শেয়র তৌখি, মদুদা লৌশিং লৈবা মীওই অমগী মগুনশিং ফোংদোক্লি।
প্রধান মন্ত্রীনা এক্সতা ইখি:
ঙসিদগী চহী ১১গী মমাংদা হৌদোকখিবা প্রধান মন্ত্রী মুদ্রা য়োজনা অসি নহারোলশিংগীদমক য়াম্না কান্নবা ওইরি। স্কিম অসিগী মাইপাকপা অসিনা তাক্লি মদুদি অচুম্বা খুদোংচাবা ফংলবদি মীওই অমনা আত্মানির্ভর ওইবতা নত্তনা লৈবাক অসিগী চাউখৎ থৌরাংদসু শরুক য়াবা ঙমগনি।
आत्मज्ञानं समारम्भस्तितिक्षा धर्मनित्यता।
यमर्था नापकर्षन्ति स वै पण्डित उच्यते॥
#11YearsOfMUDRA”
মশাগী তৌবা ঙম্বশিং মপুং ফানা খঙলবা, মশাদা থাজবা থম্বা অমসুং অফবা থবকশিং পাংথোকপদা থাজবা থম্বা, অৱা-অনাগী ফিভমদা পুক্নিং চেৎপা অমসুং অচুম্বা লমচৎ চৎপদা লেপ্পা অমসুং ললোন-ইতিক্না মখোয়গী লম্বীদগী লাপথোকহনবা ঙমদবা মীওই অমবু – অশেংবা ওইনা পুক্নিং চেৎপা মীওই কৌই।
***
(রিলিজ আই.দি.: 2250006)
ভিজিতর কাউন্তর : 10
রিলিজ অসি মসিদা পাবীয়ু:
Bengali
,
Bengali-TR
,
Malayalam
,
English
,
Urdu
,
Marathi
,
हिन्दी
,
Assamese
,
Punjabi
,
Gujarati
,
Telugu
,
Kannada