ভাৰতীয় নিৰ্বাচন আয়োগ
সাধাৰণ নিৰ্বাচন আৰু উপ-নিৰ্বাচন ২০২৬: প্ৰাক-নিৰ্বাচন আৰু নিৰ্বাচনৰ দিনা এমচিএমচিৰ দ্বাৰা ছপা বিজ্ঞাপনৰ পূৰ্ব-প্ৰমাণীকৰণ
পোষ্ট কৰা হৈছে:
06 APR 2026 3:02PM by PIB Guwahati
১. ভাৰতৰ নিৰ্বাচন আয়োগে (ই চি আই) অসম, কেৰালা, পুডুচেৰী, তামিলনাডু আৰু পশ্চিমবংগৰ বিধানসভাৰ সাধাৰণ নিৰ্বাচন আৰু ৬ খন ৰাজ্যৰ উপ-নিৰ্বাচনৰ সময়সূচী ১৫ মাৰ্চ, ২০২৬ তাৰিখে ঘোষণা কৰিছিল।
২. এক নিকা প্ৰচাৰৰ পৰিবেশ নিশ্চিত কৰাৰ বাবে কোনো ৰাজনৈতিক দল, প্ৰাৰ্থী, সংগঠন বা ব্যক্তিয়ে নিৰ্বাচনৰ দিনা আৰু নিৰ্বাচনৰ এদিন পূৰ্বে ছপা মাধ্যমত কোনো বিজ্ঞাপন প্ৰকাশ কৰিব নোৱাৰিব, যদিহে বিষয়বস্তুবোৰ ৰাজ্য/জিলা পৰ্যায়ত মিডিয়া প্ৰমাণপত্ৰ আৰু নিৰীক্ষণ সমিতি (এমচিএমচি)ৰ দ্বাৰা পূৰ্ব-প্ৰমাণিত নহয়।
৩. ব্যক্তি বা প্ৰতিদ্বন্দ্বিতা কৰা প্ৰাৰ্থীসকলে জিলা এমচিএমচিৰ সৈতে বিজ্ঞাপনৰ প্ৰমাণপত্ৰৰ বাবে আবেদন কৰিব পাৰিব। ৰাজ্য/কেন্দ্ৰীয়শাসিত অঞ্চলত মুখ্য কাৰ্যালয় থকা সকলো পঞ্জীয়নভুক্ত ৰাজনৈতিক দলে ৰাজ্যিক পৰ্যায়ৰ এমচিএমচিৰ সৈতে এনে বিজ্ঞাপনৰ প্ৰমাণপত্ৰৰ বাবে আবেদন কৰিব পাৰিব।
৪. সেই অনুসৰি নিৰ্বাচন অনুষ্ঠিত হ’বলগা ৰাজ্য/কেন্দ্ৰীয়শাসিত অঞ্চলত বিজ্ঞাপনৰ পূৰ্ব-প্ৰমাণীকৰণ তলত দিয়া সময়সূচী তলত দিয়াধৰণৰঃ-
|
সাধাৰণ নিৰ্বাচন অনুষ্ঠিত হ’বলগা ৰাজ্য/কেন্দ্ৰীয়শাসিত অঞ্চলৰ নাম
|
ভোটদানৰ তাৰিখ
|
পূৰ্ব-প্ৰমাণীকৰণ বাধ্যতামূলক হোৱা ছপা বিজ্ঞাপনৰ প্ৰকাশৰ তাৰিখসমূহ
|
|
অসম, কেৰালা আৰু পুডুচেৰী
|
০৯.০৪.২০২৬
|
০৮.০৪.২০২৬ আৰু ০৯.০৪.২০২৬
|
|
তামিলনাডু
|
২৩.০৪.২০২৬
|
২২.০৪.২০২৬ আৰু ২৩.০৪.২০২৬
|
|
পশ্চিমবংগ
|
২৩.০৪.২০২৬ (প্ৰথম পৰ্যায়)
|
২২.০৪.২০২৬ আৰু ২৩.০৪.২০২৬
|
|
২৯.০৪.২০২৬ (দ্বিতীয় পৰ্যায়)
|
২৮.০৪.২০২৬ আৰু ২৯.০৪.২০২৬
|
৫. ছপা মাধ্যমত ৰাজনৈতিক বিজ্ঞাপনৰ বাবে পূৰ্ব-প্ৰমাণীকৰণ বিচৰা আবেদনকাৰীয়ে বিজ্ঞাপন প্ৰকাশৰ প্ৰস্তাৱিত তাৰিখৰ দুদিনৰ ভিতৰত এমচিএমচিত আবেদন কৰিব লাগিব।
৬. সময়মতে পূৰ্ব-প্ৰমাণীকৰণৰ সুবিধাৰ বাবে ৰাজ্য/জিলা পৰ্যায়ত এমচিএমচিক এনে বিজ্ঞাপন পৰীক্ষা আৰু পূৰ্ব-প্ৰমাণীকৰণ কৰিবলৈ সক্ৰিয় কৰা হৈছে আৰু দ্ৰুতভাৱে সিদ্ধান্ত লোৱাটো নিশ্চিত কৰা হৈছে।
৭. এমচিএমচিসমূহেও সংবাদ মাধ্যমত ধনৰ বিনিময়ত বাতৰিৰ সন্দেহজনক ঘটনাৰ ওপৰত চোকা নিৰীক্ষণ ৰাখিব আৰু উপযুক্ত ব্যৱস্থা গ্ৰহণ কৰিব।
**********
PK/GDH/RP/HS
(ৰিলিজ আই ডি : 2249374)
অতিথি কক্ষ : 16