ప్రజలకు సౌకర్యాల స్థాయిని పెంచడం, తప్పు సమాచారం పాలబడకుండా వారిని కాపాడడం ఈ సహకార పూర్వక ఒప్పందం లక్ష్యాలు. వీటితో పాటు నివాసులకు దేశవ్యాప్తంగా అత్యాధునిక ఆధార్ సేవా కేంద్రాలు (ఏఎస్‌కేస్), ఇతర ఆధార్ కేంద్రాల వద్దకు నిరాటంకంగా చేరుకొనేందుకూ వీలవుతుంది. ఈ ఒప్పందంపై సంతకాల కార్యక్రమాన్ని  2026 ఏప్రిల్ 1న పూర్తి చేశారు.
యూఐడీఏఐ సీఈఓ శ్రీ భువనేశ్ కుమార్ మాట్లాడుతూ, ‘‘యూఐడీఏఐ దేశ వాసులకు సేవ చేసే దృష్టితో పనిచేస్తోంది. ఈ రకమైన సహకారంతో పూర్తి భారత్‌లో ముందుగా సరి చూసిన ఆధార్ కేంద్రాల డిజిటల్ మ్యాపింగ్ సాధ్య పడుతుంది. ఆమోదిత ఆధార్ కేంద్రాల్ని సులభంగా వెతుక్కోవడంలో ప్రజలకు కూడా సాయం లభిస్తుంద’’న్నారు.
రాబోయే కొన్ని నెలల్లో దీనిని అమలులోకి తీసుకు వచ్చిన తరువాత.. ఇది వినియోగదారులు మేపుల్స్ యాప్ (Mappls App)లో వెదకినప్పుడు, ఆమోదిత ఆధార్ కేంద్రాల వైపునకు వెళ్లే దారిని వారు తెలుసుకోవచ్చును. యూఐడీఏఐలు అందించే ఆధార్ కేంద్రం సమాచారాన్ని మ్యాప్‌మైఇండియా  మేపుల్స్ వేదికతో కలుపుతుంది. దీంతో ఆధార్ కేంద్రాల ఖచ్చిత చిరునామా, అక్కడ లభించే సేవల వివరాలు, డిజిటల్ మ్యాపింగ్, వివిధ కేంద్రాల జాబితా వంటి వాటిని గుర్తించడం సులభమవుతుంది.
మ్యాప్‌మైఇండియా సహ వ్యవస్థాపకుడు, సీఎండీ శ్రీ రాకేశ్ వర్మ మాట్లాడుతూ, ‘‘యూఐడీఏఐకి సేవలను అందించడం, మేపుల్స్ యాప్ ద్వారా ప్రజలకు ఆధార్ కేంద్రాల వద్దకు సులువుగా చేరుకొనే అవకాశాన్ని కల్పించడం నాకు దక్కిన సౌభాగ్యమ’’న్నారు.
 

***