યુનિક આઇડેન્ટિફિકેશન ઓથોરિટી ઓફ ઇન્ડિયા (UIDAI)એ તેની મેપલ્સ એપ પર અધિકૃત આધાર કેન્દ્રો પ્રદર્શિત કરવા માટે MapmyIndia સાથે કરાર પર હસ્તાક્ષર કર્યા છે. આ પગલાંથી આગામી મહિનાઓમાં રહેવાસીઓને નોંધપાત્ર સુવિધા મળશે.

આ પહેલથી લોકોને અધિકૃત આધાર કેન્દ્રો ઓળખવામાં અને ઍક્સેસ કરવામાં મદદ મળશે તેવી અપેક્ષા છે. સાથે જ તેનાથી રહેવાસીઓને આધાર કેન્દ્રો દ્વારા આપવામાં આવતી સેવાઓના આધાર પર - જેમ કે પુખ્ત વયના લોકો માટે નોંધણી, બાળકો માટે નોંધણી અથવા ફક્ત સરનામું અને મોબાઇલ નંબર અપડેટ્સ – આધાર કેન્દ્રોની ઓળખ કરવામાં પણ સહાયતા મળશે.

આ સહયોગનો ઉદ્દેશ જાહેર સુવિધા વધારવા, ખોટી માહિતીનો સામનો કરવા અને દેશભરના લોકોને અત્યાધુનિક આધાર સેવા કેન્દ્રો (ASKs) અને અન્ય આધાર કેન્દ્રો સુધી સરળતાથી પહોંચ મળે તે સુનિશ્ચિત કરવાનો છે. આ કરાર પર બુધવાર, 1 એપ્રિલ, 2026ના રોજ હસ્તાક્ષર કરવામાં આવ્યા હતા.

UIDAIના CEO શ્રી ભુવનેશ કુમારે જણાવ્યું હતું કે, "UIDAI હંમેશા કેન્દ્રમાં રહેલા લોકો સાથે કામ કરે છે. આ સહયોગથી સમગ્ર ભારતમાં ચકાસાયેલ આધાર કેન્દ્રોનું ડિજિટલ મેપિંગ શક્ય બનશે અને લોકોને અધિકૃત આધાર કેન્દ્રો સરળતાથી શોધવામાં મદદ મળશે."

આગામી થોડા મહિનામાં જ્યારે તે શરૂ થશે, ત્યારે તે ખાતરી કરશે કે યૂઝર્સ Mappls App પર સર્ચ કરે તો તેને અધિકૃત આધાર કેન્દ્રો પર જ મોકલવામાં આવે. MapmyIndia, UIDAI દ્વારા પૂરી પાડવામાં આવેલ આધાર કેન્દ્રની માહિતીને મેપલ્સ પ્લેટફોર્મમાં એકીકૃત કરશે અને સચોટ વિગતો, ડિજિટલ મેપિંગ અને આધાર કેન્દ્રોની અલગ સૂચિ સુનિશ્ચિત કરશે.

MapmyIndiaના સહ-સ્થાપક અને સીએમડી રાકેશ વર્માએ જણાવ્યું હતું કે, "અમને UIDAIની સેવા કરવાનો અને Mappls App દ્વારા આધાર કેન્દ્રો સુધી સરળ પહોંચ પ્રદાન કરવાનો ગર્વ છે."

SM/DK/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com