یونیک آئیڈینٹیفیکیشن اتھارٹی آف انڈیا (یو آئی ڈی اے آئی) نے میپ مائی انڈیا کے ساتھ ایک معاہدے پر دستخط کیے ہیں تاکہ ان کے میپلس ایپ پر مجاز آدھار مراکز کو دیکھایاجاسکے۔یہ ایک ایسا اقدام ہے جس سے آنے والے مہینوں میں رہائشی افراد  کے لیے سہولت میں اضافہ ہوگا ۔

توقع ہے کہ اس اقدام سے لوگوں کو مجاز آدھار مراکز کی شناخت کرنے اور ان تک رسائی حاصل کرنے میں مدد ملے گی اور مکینوں کو پیش کردہ خدمات کی نوعیت کی بنیاد پر آدھار مراکز کی شناخت کرنے میں مدد ملے گی ، جیسے بالغوں کا اندراج ، بچوں کا اندراج یا صرف پتہ اور موبائل اپ ڈیٹ  وغیرہ ۔

یہ تعاون عوامی سہولت کو بڑھانے ، غلط معلومات کا سد باب  کرنے اور اس بات کو یقینی بنانے کے لیے کیاگیا ہے کہ  مکینوں کو ملک بھر میں جدید ترین آدھار سیوا کیندروں (اے ایس کے) اور دیگر آدھار مراکز تک بلا رکاوٹ رسائی حاصل ہو ۔ اس معاہدے پر بدھ یکم اپریل 2026 کو دستخط ہوئے ۔

بھوونیش کمار ، سی ای او یو آئی ڈی اے آئی  نے کہا کہ ’’یو آئی ڈی اے آئی ہمیشہ  رہائشی مرکز پر مشتمل  ہے ۔ اس طرح کے تعاون سے پورے ہندوستان میں تصدیق شدہ آدھار مراکز کی ڈیجیٹل میپنگ کی سہولت ملے گی اور لوگوں کو مجاز آدھار مراکز کو آسانی سے تلاش کرنے میں مدد ملے گی ۔ ‘‘

 اگلے چند مہینوں میں  اس سہولت کے شروع ہونے کے ساتھ ہی   یہ اس بات کو یقینی بنائے گا کہ جب صارفین میپلس ایپ پر تلاش کریں گے تو انہیں مجاز آدھار مراکز پر رسائی دستیاب ہوگی۔ میپ مائی انڈیا یو آئی ڈی اے آئی کے ذریعہ فراہم کردہ آدھار سنٹر کی معلومات کو میپلس پلیٹ فارم میں ضم کرے گا اور درست نمائندگی ، ڈیجیٹل میپنگ اور آدھار مراکز کی الگ فہرست کو یقینی بنائے گا ۔

میپ مائی انڈیا کے شریک بانی اور سی ایم ڈی راکیش ورما نے کہا ،’’یو آئی ڈی اے آئی کی خدمت  فراہم کرنا اور میپلس ایپ کے ذریعے  لوگوں کو آدھار مراکز تک آسان رسائی  فراہم کرنا  ایک اعزاز ہے ۔

*****

(ش ح ۔ ش ب ۔ م ذ)

U.No: 5304