وزارت اطلاعات ونشریات
جناب چنچل کمار نے اطلاعات و نشریات کی وزارت (ایم آئی بی)کے سکریٹری کی حیثیت سے عہدے کی ذمہ داری سنبھالی
پوسٹ کرنے کی تاریخ:
02 APR 2026 3:28PM by PIB Delhi
جناب چنچل کمار نے یکم اپریل 2026 کو اطلاعات و نشریات کی وزارت کے سکریٹری کی حیثیت سے عہدے کی ذمہ داری سنبھالی ۔جناب چنچل کمار بہار کیڈر سے تعلق رکھنے والے 1992 بیچ کے ایک آئی اے ایس افسر ہیں ۔ سبکدوش ہونے والے سکریٹری جناب سنجے جاجو اور وزارت کے دیگر عہدیداروں اور مختلف میڈیا اکائیوں نے ان کے عہدہ سنبھالنے پر ان کا استقبال کیا ۔ جناب سنجے جاجو کو اب شمال مشرقی خطے کی ترقی کی وزارت کے سکریٹری کا چارج دیا گیا ہے ۔
اس سے پہلے جناب کمار نے شمال مشرقی خطے کی ترقی کی وزارت (ڈی او این ای آر) اور شہری ہوا بازی کی وزارت میں سکریٹری کے طور پر خدمات انجام دیں ہیں اوروہ حکومت ہند میں کئی اعلی عہدوں پر بھی فائز رہ چکے ہیں ۔ انہوں نے نیشنل ہائی ویز اینڈ انفراسٹرکچر ڈیولپمنٹ کارپوریشن لمیٹڈ(این ایچ آئی ڈی سی ایل) کے منیجنگ ڈائریکٹر کے طور پر بھی خدمات انجام دی ہیں اور اسٹریٹجک ہائی وے اور بنیادی ڈھانچے کے منصوبوں میں بھی اپنا رولاادا کیا ہے ۔
بہارحکومت میں انہوں نے متعدد اضلاع میں ڈسٹرکٹ مجسٹریٹ کے طور پر خدمات انجام دینے کے علاوہ وزیر اعلی کے پرنسپل سکریٹری اور وزیر اعلی کے سکریٹری سمیت کئی اہم عہدوں پر بھی کام کیا ہے ۔
جناب چنچل کمار نے آئی آئی ٹی کانپور سے ایم ٹیک اور بی ٹیک کی ڈگریاں حاصل کی ہیں اور پٹنہ یونیورسٹی سے معاشیات میں پی ایچ ڈی کی ڈگری حاصل کی ہے ، جس سے ان کے انتظامی کیریئر میں ایک مضبوط تعلیمی اور پالیسی پس منظر سامنے آیا ہے ۔
*****
ش ح۔ ش م ۔ اش ق
U. No- 5309
(ریلیز آئی ڈی: 2248404)
وزیٹر کاؤنٹر : 27
یہ ریلیز پڑھیں:
English
,
Marathi
,
हिन्दी
,
Assamese
,
Bengali
,
Bengali-TR
,
Punjabi
,
Gujarati
,
Tamil
,
Telugu
,
Kannada
,
Malayalam