माहिती आणि प्रसारण मंत्रालय
माहिती आणि प्रसारण मंत्रालयाचे सचिव म्हणून चंचल कुमार यांनी स्वीकारला पदभार
Posted On:
02 APR 2026 3:28PM by PIB Mumbai
बिहार केडरचे 1992 च्या तुकडीचे आयएएस अधिकारी चंचल कुमार यांनी 01 एप्रिल 2026 रोजी माहिती आणि प्रसारण मंत्रालयाचे सचिव म्हणून पदभार स्वीकारला.
त्यांनी पदभार स्वीकारल्यानंतर, मावळते सचिव संजय जाजू आणि मंत्रालयातील इतर अधिकारी तसेच विविध माध्यम युनिट्सनी त्यांचे स्वागत केले. संजय जाजू यांची आता ईशान्य क्षेत्र विकास मंत्रालयाचे सचिव म्हणून नियुक्ती करण्यात आली आहे.
यापूर्वी, कुमार यांनी ईशान्य क्षेत्र विकास मंत्रालय (DoNER) आणि नागरी विमान वाहतूक मंत्रालयामध्ये सचिव म्हणून काम केले आहे, तसेच भारत सरकारमध्ये अनेक वरिष्ठ पदांवर सेवा बजावली आहे. त्यांनी नॅशनल हायवेज अँड इन्फ्रास्ट्रक्चर डेव्हलपमेंट कॉर्पोरेशन लिमिटेड (NHIDCL) चे व्यवस्थापकीय संचालक म्हणूनही काम पाहिले असून, धोरणात्मक महामार्ग आणि पायाभूत सुविधा प्रकल्पांमध्ये महत्त्वपूर्ण योगदान दिले आहे.
बिहार सरकारमध्ये त्यांनी मुख्यमंत्र्यांचे प्रधान सचिव आणि सचिव या पदांसह अनेक महत्त्वाची पदे सांभाळली आहेत. अनेक जिल्ह्यांमध्ये त्यांनी जिल्हाधिकारी म्हणूनही काम केले आहे.
चंचल कुमार आयआयटी कानपूरचे बी. टेक आणि एम. टेक पदवीधारक आहेत आणि त्यांनी पाटणा विद्यापीठातून अर्थशास्त्रात पीएच. डी मिळवली आहे. यामुळे त्यांच्या प्रशासकीय कारकिर्दीला एक भक्कम शैक्षणिक आणि धोरणविषयक पार्श्वभूमीचा आधार लाभला आहे.
***
निलिमा चितळे/शैलेश पाटील/परशुराम कोर
सोशल मिडियावर आम्हाला फॉलो करा: 
@PIBMumbai 
/PIBMumbai 
/pibmumbai 
pibmumbai[at]gmail[dot]com
(Release ID: 2248403)
अभ्यागत कक्ष : 77
Read this releasein:
English
,
Urdu
,
हिन्दी
,
Assamese
,
Bengali
,
Bengali-TR
,
Punjabi
,
Gujarati
,
Tamil
,
Telugu
,
Kannada
,
Malayalam