জয় জিনেন্দ্র!

জয় জিনেন্দ্র!

আচার্য় ভগৱান্ত শ্রী পদ্মসাগর সুরিশ্বর জী মহারাজ সাহেব, গুজরাতকী রাজ্যপাল আচার্য় দেবব্রতজী, মুখ্য মন্ত্রী শ্রী ভুপেন্দ্র ভাই, রাজ্য অসিগী উপ-মুখ্য মন্ত্রী ভাই হর্স সংঘাভি জী, পরম পুজিয়া আচার্য় ভগৱান্ত, পুজিয়া সাধু ভগৱান্ত, সাধবিজি ভগৱান্ত, মসিগী শেংলবা মীফম অসিদা তিল্লিবা আচার্য় অমসুং মুনি ভগৱান্ত পুম্নমক, ইকায় খুম্নরবা মীওইশিং, স্কোলরশিং, নুপীশিং অমসুং নুপাশিং!

ঙসি, ভগবান মহাভির জয়েন্তীগী য়াইফরবা কুমহৈ অসিদা, ঐহাক্না জেনশিংগী লাইফমলেন অসিদা লাকপগী খুদোংচাবা ফংজরে। অহানবদা, ঐহাক্না ভগবান মহাভিরগী খুয়া খাদা খুরুমজরি। কোবা তীর্থতগী ঐহাক্না লৈবাক মীয়াম পুম্নমকপু ভগবান মহাভির জয়েন্তীগী য়াইফ-পাউজেল পীজরি।

মরুপশিং,

ঙসি, ঐহাক্না পরম পুজিয়া আচার্য় শ্রী কৈলাস সাগর সুরেশ্বরজী মহারাজ সাহেবকী মফমদা ইকায় খুম্নবা উৎচরি। মহাক্কী মঙলান অদুনা কোবাগী লমদম অসিদা লৌশিং অমসুং থাজবগী অচৌবা মফম অসি লিংখৎলে। কোবা তীর্থগী মফম অসি ৱাখলগী শান্তিনা থল্লবা মফম অমনি। মফম অসি ঈশ্বরগী শক্তি ফংফম থোকপা মফম অমনি, মসিদা জেন মুনি অমসুং সন্ত কয়াগী তপস্যাকা মরী লৈনৈ, মফম অসিদা শেমগৎ-শাগৎপা অমসুং থবক তৌবসি মশানা মশাবু উৎলি অমসুং মথৌ তৌই। কোবা তীর্থদা তপ্না তপ্না নৈনবগী চৎনবী অমা, স্পিরিচুএল প্রাক্টিস অমা, অমসুং অথিংবা থম্বগী চৎনবী অমা মতৌ করম্না চত্থরকপগে হায়বদু ঐনা চহি কয়াগী মমাংদগী উরক্লি। মফম অসিদা ভেল্যুশিং অসি ঙাক-শেন্দুনা থম্লি, কলচরেল ভেল্যুশিং অসি মপাঙ্গল কনখৎহল্লি, অমসুং লৌশিং অসি মপাঙ্গল কনখৎহল্লি। হায়রিবা 'ত্রিবেনি' (অহুমগী পুনশিন্নবা) অসি ভারতকী সিভিলাইজেসনগী য়ুম্ফমনি। ত্রিবেনি অসি লেংদনা থম্বসি ঐখোয় পুম্নমক্কী থৌদাংনি।

মরুপশিং,

চহি লিশিং কয়াগী ভারতকী হেরিতেজ, জেনিজমগী মতম চুপ্পগী লৌশিং, ঐখোয়গী থাজবশিং অমসুং মখোয়দগী ফংলকপা ইথিলশিং অসি লাক্কদৌরিবা চহি চা কয়াগী ওইনা অমর ওইহন্নবা অমসুং অনৌবা অমসুং মোদর্ন মওংদা মথংগী চারোন-শুরোনশিংদা পীথোক্নবা, ঐখোয়গী সেন্তশিংনা জৈন হেরিতেজ ম্যুজিয়ম অসিবু শেমখিবদা ঐহাক নুংঙাইবা ফাওই। ঙসিদি, মসিগী ৱাখল্লোন অসি চাউনা মওং অমদা মপুং ফাহল্লক্লি। মসিগী সম্রাত সম্প্রতী ম্যুজিয়ম অসি জেন ৱাংঙুলোল, ভারতকী চৎনবী অমসুং ঐখোয়গী অরিবা মতমগী হেরিতেজকী অশেংবা মফম অমা ওইরক্লি। ঐহাক্না ঐখোয়গী জেন মুনি অমসুং সন্ত পুম্নমকপু মসিগী অখন্নবা হোৎনবগীদমক থাগৎপা ফোংদোকচরি। ঐহাক্না মখোয়গী খুয়া খাদা খুরুমজরি। মসিগী থবক অসিদা চাউনা থৌদাং লৌখিবা থৌনা ফরবা মীওই লিশিং কয়াবু ঐহাক্না থাগৎপা ফোংদোকচরি।

ইচিল-ইনাওশিং,

ঐখোয়না অনৌবা মীরোলদা মতম চুপ্পগী ওইবা লৌশিং পীথোক্নবা, অনৌবা মীরোল পুরক্নবা ইন্নোবেসন তৌরকপা মতমদা, মসিদগী ঐখোয়গী হেরিতেজ অসিসু মপাঙ্গল কনখৎলগনি অমসুং লাক্কদৌরিবা হয়েংসু অসিসু ইথিল ফংলগনি। সম্রাত সম্প্রতি ম্যুজিয়ম অসি ভারতকী মীওই করোর কয়াগী হেরিতেজনি। মসি ভারতকী শিংথানীংঙাই ওইরবা মমাংগী মতমগী হেরিতেজনি। মসিগীদমক্তা, ঐহাক্না লৈবাক মীয়াম পুম্নমকপু থাগৎপা ফোংদোকচরি।

মরুপশিং,

সম্রাত সম্প্রতী অসি পুৱারীগী নিংথৌ অমগী মমিং খক্তমক নত্তে। সম্রাত সম্প্রতি অসি ভারতকী ৱাংঙুলোল অমসুং চৎনবীশিংবু শম্নহল্লিবা থোং অমনি। মরমদি, ঐখোয়না পুৱারীদা য়েংবদা, মালেমগী সিভিলাইজেসন কয়াদা, অচৌবা থিঙ্করশিং অমসুং ফিলোসোফরশিং পোক্লকখি। মীওইবা খুন্নাইগী ৱাখল্লোনশিং অসি তোঙান তোঙানবা ৱাহন্থোকশিংদা হাপচিনখি। অদুবু, ওথোরিতী অমসুং শক্তিগী ৱাহং লাকপা মতমদা, লৈঙাকপা কয়া অমনা ৱাখল্লোন অমসুং মগুনশিংবু নাকল অমদা থাদোকখি। মরম অসিনা, ৱাখল্লোন অমসুং থবক-থৌরম, ৱাখল্লোন অমসুং সিস্তেমগী মরক্তা অৱাৎপা অমা লেপ্তনা লৈরকখি। অদুবু, ভারত্তা, সম্রাত সম্প্রতীগুম্বা লৈঙাকপশিং লৈরম্মি, মখোয়না ওথোরিতীবু সর্ভিস অমসুং স্পিরিচুএল প্রেক্তিস ওইনা লৌদুনা থবক তৌরম্মি। নাকল অমরোমদা নিংথৌ খরনা হিংসাবু খুৎলায় অমা ওইহন্দুনা লৈঙাক পায়রম্বা অদুগা, নাকল অমরোমদা, সম্রাত সম্প্রতীনা নিংথৌ ওইরিঙৈদা অহিংসাবু পাক শন্না শন্দোকখি। মহাক্না অচুম্বা ৱা ঙাংনবা, হুরান চিন্থি তৌদনবা অমসুং অপাম্বগী ৱাখল লৈতনবা থৌগৎখি। অসিগুম্বা ওইজবা থাদোকপা, অসিগুম্বা ইশাগী খন্দবা  ৱাখল্লোনগা লোয়ননা পুন্সি হিংবা, লৈঙাক অসি সেবাগী মেদিয়ম অমা ওইনা লৌবা - মসি ঐখোয়না ভারতকী মমাংগী মতমদগী খক্তগী তমজবা ঙম্মী। ঐখোয়না মসিগী মমাংগী মতম অসি ম্যুজিয়ম অসিদা ঙাক্তুনা থম্লি।

মরুপশিং,

ঐহাক্না য়েংখি, মসিগী ম্যুজিয়ম অসিসু ভারতকী মশক মওং অসি খোংথাং খুদিংদা উবা ফংহন্নবগী মওংদা দিজাইন তৌখ্রে। মসিগী গেল্লরী তরেৎ অসি, গেল্লরী খুদিংমক্না ভারতকী মখল-মখা কয়াগী অমসুং কলচরগী চাউখৎপগী মমি তাক্লি। অহানবা গেল্লরীদা, ঐখোয়না নভপদ অদু উবা ফংই। নভপদ হায়বদি, অরিহন্ত, সিদ্ধা, আচার্য়, উপাধ্যায় অমসুং সাধু হায়বনি। অচুম্বা মিৎয়েং, অচুম্বা লৌশিং, অচুম্বা লমচৎ-শাজৎ অমসুং অচুম্বা তপস্যা; হায়বদি, ঐখোয়না পুন্সিদা তপস্যা তৌরিবা মীওইশিংদগী তম্লি, অমসুং ঐখোয়না লৌশিনবা লৌশিং অদু অচুম্বা ওইগদবনি! ঐখোয়গী লমচৎ অসি অচুম্বা ওইগদবনি! মরমদি, লৌশিং অসি চুম্লবা মতমদা, মসিনা ইক্বেনিমিতী অমসুং সর্ভিসকী য়ুম্ফম ওইরকই।

মরুপশিং,

অহুমশুবা গেল্লরীদা, ঐখোয়গী তীর্থনকরশিংগী পুন্সি, মখোয়গী তম্বীরোল অমসুং থৌদোকশিং অসিসু আর্তিস্তিক ওইবা মওংদা পুন্সিদা পুরক্লি।

ইচিল-ইনাওশিং,

অহুমশুবা গেল্লরীদা, ঐখোয়গী তীর্থনকরশিংগী পুন্সি, মখোয়গী পাউতাক অমসুং থৌদোকশিংসু লৈরি। মসিগী ম্যুজিয়ম অসিদা, ভারতকী খ্বাইদগী চাউবা অখন্নবা, খ্বাইদগী চাউবা শক্তি অসি উবা ফংই। ঐহাক্না মমাংদা হায়খিবগুম্না, ঐখোয়গী শক্তি অসি ভারতকী মখল-মখা কয়া অমসুং মখল-মখা কয়াদা অমত্তা ওইবসিনি। মালেম অসিনা মতম পুম্নমক্তা থাজবা, ধর্ম অমসুং থাজবগী মিংদা লান থেংনদুনা লাক্লি, অদুবু মসিগী ম্যুজিয়ম অসিদা, ভারতকী অতোপ্পা ধর্ম পুম্নমক্কীসু শিংথানিংঙাই ওইবা মশক অমা উবা ফংলি। বৈদিক অমসুং বুদ্ধগী চৎনবীশিং, বেদশিং, পুরানশিং, আয়ুর্বেদ, য়োগ, ফিলোসোফী - তোঙান তোঙানবা চৎনবীশিংগী মচু পুম্নমক অমত্তা ওইনা ইরেংবমগুম্না লৈমিন্নবা, মসি ভারত্তা খক্তনা ওইথোকপা ঙম্মি।

মরুপশিং,

. ঙসি মালেম অসিদা লৈরিবা ফীভমশিং অসিদা, মালেম অসি অৱাবা অমসুং অৱা-অনাগী মৈনা চাক্লিবা অসিদা, মসিগী ম্যুজিয়ম অসিগী হেরিতেজ, মসিগী পাউজেল অসি ভারত খক্তগী নত্তনা মীওইবা খুন্নাইগীদমক্তা য়াম্না মরু ওই। মালেমগী লৈবাক কয়াদগী মফম অসিদা লাকপা ক্যুয়রিওস ওইবা মীওইশিং, মহৈরোয়শিং অমসুং রিসর্চ তৌবশিংগী মশীং অসি মখা তানা হেনগৎহন্নবা ঐখোয়না হোৎনগদবনি। মফম অসিদা লাকপা মীওইশিংনা ভারতকী অমসুং জৈনগী তম্বীরোলশিং মালেমগী মফম খুদিংমক্তা পুখৎকদবনি।

মরুপশিং,

ভারত্তা, লৌশিং অসি মতম পুম্নমক্তা মনিং তম্না চেল্লি। মতম খুদিংদা, তীর্থনকরশিং অমসুং লৌশিং লৈবা থিঙ্করশিং পোক্লকখি। লৌশিংগী খোমজিনবা অসি লেপ্তনা হেনগৎলকখি, মতমগী মতুং ইন্না অনৌবা কয়া অমসু হাপচিনখি। খল্লু, মতম অমদা তেক্সিলা অমসুং নালন্দাগুম্বা ঐখোয়গী য়ুনিভর্সিতীশিং অসি লাইরিকশিং অমসুং মেনুস্ক্রিপ্স কয়াগা মপুং ফানা লোয়নরম্মি। অদুবু, মপানগী লান্দারকপা মীওইশিংনা, ধর্মগী ওইবা মওংদা অখুবা মীৎয়েং, লৌশিংবু মখোয়গী য়েক্নবা ওইনা লৌদুনা, মখোয়বু মৈ থাখি; মীওইবা খুন্নাইগী অসিগুম্বা চাউরবা হেরিতেজশিং অদু মাংখি। অরুবা মতম অদুদা, মীওইশিংনা মীরোল কয়াদগী লেমহৌরিবা মেনুস্ক্রিপশিং অসি ঙাক-শেন্দুনা থম্মি। নীংতম্বগী মতুংদা, মখোয়বু ফংহনবা, মখোয়বু ঙাক শেন্নবা অসি লৈবাক অসিগী থৌদাং ওইগদবনি, অদুবু নুংঙাইতবা ৱাফমদি, ক্রীতদাসকী ৱাখল্লোননা মরম ওইদুনা, মসিগী মতাংদা করিগুম্বা অমত্তা পুক্নিং চিংশিনখিদে। আচার্য় ভগৱান্ত শ্রী পদ্মসাগর সুরেশ্বর জী মহারাজ সাহেবগুম্বা অচৌবা মীওইশিং অমসুং অঙকপা মীওইশিংনা মসিগী মরুওইবা অদু খঙখি। মখোয়না মখোয়গী পুন্সি পুম্বা মসিগীদমক কত্থোকখি। মখোয়গী পুন্সিগী চহি ৬০গী মনুংদা, খুঙ্গং খুঙ্গং, শহর খুঙ্গং, লৈবাক অসিগী মফম খুদিংমক্তগী, মখোয়না মেনুস্ক্রিপশিং থিখি। পামগী মনা অমসুং বির্চ মকুদা চহি চাম্মাগী মমাংগী লৌশিং য়াওবা অসিগুম্বা মেনুস্ক্রিপ্ত লাখ অহুম হেন্না ঙসি কোবাদা সেক্যুর তৌদুনা কম্পাইল তৌখ্রে। মসি ভারতকী মমাংঙৈ, ভারতকী হৌজিক্কী অমসুং ঐখোয়গী তুংলমচৎকীদমক য়াম্না চাউবা থৌদাং অমনি।

মরুপশিং,

মমাংগী সরকারশিংনা মেনুস্ক্রিপশিংবু থৌশাদবগী অশোয়বা অদু ঙসি ঐখোয়না চুমথোক্লি। মসিগীদমক্তা, ঐখোয়না ‘জ্ঞান ভারতম মিসন’ হৌদোক্লে। থবক অসিদা ঐখোয়না তেক্নোলোজী শীজিন্নরি। মিসন অসিগী মখাদা, অরিবা মেনুস্ক্রিপশিং দিজিতেলাইজ তৌবগী থবক পায়খৎলি, অমসুং মখোয়শিং অসি সাইন্তিফিক ওইবা মওংদা ঙাক-শেন্দুনা থম্লি। স্কেন তৌবা, কেমিকেল ত্রীৎমেন্ত তৌবা, অমসুং দিজিতেল কালেক্সনগুম্বা থবক পুম্নমক মসিগী মাইকৈ অসিদা চত্থরি। নোংমাইজিং নুমিৎকী মন কী বাত্তা ঐহাক্না মসিগী মাইকৈ অসিদা সর্ভে অমা করম্না হৌদোকখিবগে হায়বগী মতাংদা কুপ্না নৈনখি। মসিদা, লৈবাক অসিগী মফম কয়াদগী লাকপা মীওইশিংনা মখোয়না ঙাক-শেন্দুনা থম্লিবা মেনুস্ক্রিপশিং অদু অপলোদ তৌরি। কেম্পেন অসিনা লৈবাক অসিগী মফম খুদিংমক্তা শন্দোরক্লিবা মেনুস্ক্রিপশিং অসি খোমজিনবদা অচৌবা থৌদাং অমা লৌগনি।

মরুপশিং,

সরকারগী থাক্তা "জ্ঞান ভারতম মিসন" অমসুং কোবতীর্থকী অখন্নবা থৌদাং, খুন্নাই অমসুং সরকারগী অপুনবা হোৎনবশিং অসি ভারতকী অনৌবা কলচরেল রিসর্জেন্সকী মশক অমনি।

মরুপশিং,

ঙসিদি, লৈবাক অসিগী কলচরেল হেরিতেজ অসি ঙাক-শেন্দুনা থম্নবা অমসুং মালেমগী মীয়ামদা শন্দোক্নবা হোৎনরিবশিং অসি থাক খুদিংমক্তা পাংথোক্লি। মেনুস্ক্রিপ্তশিং অমসুং লৌশিংগী হেরিতেজ ঙাকশেনবগী থবক লেপ্তনা চত্থরি। মসিগা লোয়ননা, অরিবা লাইশংশিং অমুক হন্না শেমগৎপা, লাই খুরুমফমশিং শেমগৎপা, পুৱারী ওইরবা মফমশিং শেমগৎপা অমসুং আয়ুর্বেদ অমসুং য়োগবু প্রমোৎ তৌবা অমসুং পাকথোক চাউথোকহনবগী থবক লেপ্তনা চত্থরি। গুজরাতকী লোথালদা অচৌবা মেরিতাইম ম্যুজিয়ম অমা শাগৎলি। মসি মালেমগী খ্বাইদগী চাউবা মেরিতাইম ম্যুজিয়ম ওইগদৌরিবনি। মসি মফম অসিদগী কিলোমীতর ৭০-৮০ লাপ্না লৈ। অতোপ্পা নাকল অমদা, ভাদনগরদা য়াম্না চাউবা ম্যুজিয়ম অমা শঙ্গাখ্রে। মসিনা মালেমগী অফবা ম্যুজিয়মশিংগী মরক্তা মসিগী মফম অমা ফংখ্রে। দিল্লীদা 'য়ুগে য়ুগীন ভারত' ম্যুজিয়ম শানবা শেম-শারি। ঙসি, অহানবা ওইনা, নীংতম লানগী পুৱারীবু অপুনবা মওংদা পুথোক্নবা ৱাহন্থোক লৈবা থবক পায়খৎলি। অদোম্না নীংশিংগদবনি, মমাংদা হায়রিবা থবকশিং অসি রাজনিতীগী লেন্সকী থোংদা পাংথোকই; রাজনিতীগী ইমুং অমগী ৱারীবু মতৌ করম্না শেমগদগে, ভোৎবেঙ্ককী মতুং ইন্না করম্না ৱা ঙাংগদগে - পুম্নমক অসি মসিগী অকোইবদা লৈরমখি। ঐখোয়না মসিগী ৱাখল্লোন অসি লোইশিনখ্রে। ঐখোয়না 'সবকা সাথ, সবকা বিকাস'গী মন্ত্র অসিগা লোয়ননা চংশিল্লি। হায়রিবা মন্ত্র অসি দিবেলপমেন্ত ইন্দিয়াগী ভিজন অসিগী থৱায়নি।

মরুপশিং,

ময়াম পুম্নমক্না ভারতকী হেরিতেজ অসিবু থাগৎনবা হোৎনরি। ঐখোয়না ইশাগী অপাম্বগী ৱাংমদা চংশিল্লগা খুন্নাই অমসুং লৈবাক অসিগী পান্দমগীদমক থবক তৌরবদি লৈবাক অসিগী চাউখৎপদা হেন্না খুমাং চাউশিনগনি। অসিগুম্বা ৱাখল্লোন অসিগা লোয়ননা, ঐহাক্না দিল্লীদা নভকর মহামন্ত্র দেদা পাংথোকখিবা প্রোগ্রাম অদুদা শরুক য়াখি। থৌদোক অদুদা, কাঙলুপ মরিমক পুনশিনখি। পুৱারী ওইরবা থৌরম অদুদা, ঐহাক্না ৱাফম মপান, ফিরেপ মাপনগী মতাংদা ঙাংখি, মদু ঐখোয়গী মুখ্য মন্ত্রী ভুপেন্দ্র ভাইনসু পনখি। মতম খুদিংদা, ঐহাক্না অদোমগী মমাংদা ঐহাক্কী ৱারেপ মাপনন অসি অমুক হন্না হায়জরি। ঙসিগী থৌরম অসিসু মখোয়বু অমুক হন্না নীংশিংনবগী তাঞ্জা অদুনি। অহানবা ৱারেপ - ঈশিং কনবগী ৱারেপ। অনিশুবা ৱারেপ – এক পের মা কে নাম। অহুমশুবা ৱারেপ - মিসন ওফ ক্লিনিতী। মরিশুবা ৱারেপ – ভোকেল ফোর লোকেল। মঙাশুবা ৱারেপ - দেশ দর্শন (লৈবাক অসিদা চৎপা) । তরুকশুবা ৱারেপ - নেচরেল ফার্মিং শীজিন্নবা। তরেৎশুবা ৱারেপ - হকশেল ফবা পুন্সি মহিং অমা চৎনহনবা। নিপানশুবা ৱারেপ - য়োগ অমসুং শান্ন-খোৎনববু পুন্সিদা য়াওহনবা। মাপলশুবা ৱারেপ অসিদি - লাইরবশিংবু মতেং পাংনবা ৱারেপ, অমসুং নখোয় পুম্নমক্না হাপচিনখিবা ১০শুবা ৱারেপ অসিদি - ভারতকী হেরিতেজ ঙাক শেন্নবা ৱারেপ অসিনি। ঙসিগী প্রোগ্রাম অসি মসিগী মমি অমনি।

মরুপশিং,

লাক্কদৌরিবা মতম অসিদা, ঐখোয়গী মাংদা অচৌবা পান্দমশিং লৈরি; ঐখোয়না অচৌবা ৱারেপশিং অদু মপুং ফাহনগদবনি। ঐখোয়গী অপুনবা, ঐখোয়গী কলচরেল সপোর্তশিং অসিনা মসিদা ঐখোয়গী পাঙ্গল ওইগনি। ঐহাক্না থাজবা থম্লি মদুদি সম্রত সম্ম্রতী ম্যুজিয়ম অসিনা লাক্কদৌরিবা মতম অসিদা মসিগী মায়কৈ অসিদা মরু ওইবা থৌদাং অমা লৌগনি। মসিনা অনৌবা মীরোলনা ইথিল অমসুং খুন্নাইনা অনৌবা ইনর্জী ফংগদবা লৌশিং, স্পিরিচুএল প্রেক্তিস অমসুং কলচরগী ময়োল অমা ওইগনি। থাজবা অসিগা লোয়ননা, মসিগী মরুওইবা থবক অসিগীদমক ঐনা অমুক্কা হন্না ময়াম পুম্নমকপু থাগৎপা ফোংদোকচরি।

অমসুং মসিগা লোয়ননা, ঐহাক্না মীপুম খুদিংমক্তা হায়জরি মদুদি মহারাজ সাহেবনা মসি পুম্নমক তৌরি, ঐখোয়না মসি য়েংনবা মতম পীদ্রবদি, মসি করম্না মথৌ তৌগনি? মীওই কয়া অমা মফম অসিদা লাক্লগা য়েংবদগী হল্লক্লোইদবনি; খঙনবা হোৎনবীয়ু, খঙনবা হোৎনবীয়ু; মসি মমল নাইদ্রবা পোৎশক অমনি। অমসুং ঐহাক্না গুজরাতকী জেনরেসন খুদিংমক্কী মীওইশিংবু মখোয়গী ইমুং মনুংগা লোয়ননা মফম অসিদা লাক্নবা, মখোয়গী থম্মোয়গী অপাম্বা ফাওবা মসিদা উনবা, অমসুং লৌশিং অমসুং চাউরবা হেরিতেজ অসিদা চাউথোকচবা পোক্নবা হায়জরি। অমসুং ঐহাক্কীদমক্তদি, ঙসিগী মহাভির জয়েন্তী অসি মওং কয়া অমদা অফবা ওইরি মরমদি ঐহাক্না গুজরাতকী লমদা খোঙ থাংজিল্লগা, মফম অসিদা গান্ধীনগরদা লাকপগা লোয়ননা, অহানবা প্রোগ্রাম অসি হৌরকফমগা শম্নবনি, অমসুং মফম অসিদগী ঐহাক হৌজিক সনান্দা চৎকনি; অনিশুবা প্রোগ্রাম অসি মফম অদুদা লৈরে - মালেমগা শম্নবনি। মফম অসিদা ঐহাক্না কলচরগী অচৌবা চৎনবীশিং অমসুং অচৌবা মমাংঙৈগী মগুনশিং অদু উবা ফংখি। সনান্দা মালেমগী খ্বাইদগী অরিবা তেক্নোলোজীগী চিপশিং শাবগী হৌদোকপগী থৌরম পাংথোক্লি। সেমিকন্দক্তরশিং শাবগী হৌদোকপগী থৌরম পাংথোক্লি। মসিদা হৌরকফমগা শম্নবা অমসুং মফম অদুদগী মালেমগা শম্নবগী ৱাফম লৈ, অমসুং মসি পুম্নমক অসি গুজরাতকী লমদমদা, ভারতকী লমদমদা থোক্লি। ময়াম পুম্নমকপু য়াইফ-পাউজেল পীজরি। ময়ামবু হন্না-হন্না থাগৎচরি।

জয় জিনেন্দ্র!

জয় জিনেন্দ্র!

জয় জিনেন্দ্র!

খঙহঞ্জবা: মসি প্রধান মন্ত্রীগী ৱারোলগী চাউরাকপা ৱাহন্থোক পীবনি। তশেংবা ৱারোলদি হিন্দীদা পীখি।

****