صارفین کے تحفظ کی مرکزی اتھارٹی (سی سی پی اے) نے ہوٹلوں اور ریستورانوں کے صارفین کے بلوں میں ’’ ایل پی جی چارجز ‘‘   ، ’’  گیس سرچارج ‘‘  اور  ’’  ایندھن کی قیمت کی وصولی ‘‘  جیسے اضافی چارجز عائد کرنے کا سنجیدگی سے نوٹس لیا ہے اور اس عمل کو  صارفین کے تحفظ کے قانون  2019 کے تحت غیر منصفانہ تجارتی عمل قرار دیا ہے ۔ اس بات کا مشاہدہ کرتے ہوئے کہ سروس چارجز پر موجودہ رہنما خطوط کو نظر انداز کرنے کے لیے  ، اس طرح کے چارجز عائد کیے جا رہے ہیں ، اتھارٹی نے  صارفین کے تحفظ کے قانون  2019 کی دفعہ 10 کے تحت ایک تازہ ایڈوائزری جاری کی ہے  ، جس میں ہدایت کی گئی ہے کہ اس طرح کے چارجز  از خود عائد نہیں کیے  جا سکتے اور خبردار کیا ہے کہ خلاف ورزیوں پر سخت کارروائی کی جا سکتی ہے ۔

سی سی پی اے نے  صارفین کی قومی ہیلپ لائن (این سی ایچ) پر موصول ہونے والی شکایات اور میڈیا رپورٹس کی بنیاد پر مشاہدہ کیا ہے کہ کچھ ہوٹل اور ریستوراں مینو اور قابل اطلاق ٹیکسوں میں دکھائے گئے کھانے اور مشروبات کی قیمت کے علاوہ ڈیفالٹ طور پر کنزیومر بل میں اس طرح کے چارجز عائد کر رہے ہیں ۔ اس طرح کے طریقوں کے نتیجے میں شفافیت   متاثر ہوتی ہے اور صارفین پر بلاجواز اخراجات عائد ہوتے ہیں ۔

’’ ایل پی جی چارجز ‘‘  یا اسی طرح کے چارجز عائد کرنے کا موجودہ رواج ایک مختلف نام اپناتے ہوئے مذکورہ بالا رہنما خطوط کو نظرانداز کرنے کی  ایک کوشش ہے ۔ سی سی پی اے نے واضح کیا ہے کہ ایندھن ، ایل پی جی ، بجلی  اور دیگر آپریشنل اخراجات جیسے ان پٹ اخراجات کاروبار چلانے کی لاگت کا حصہ ہیں اور اسے مینو آئٹمز کی قیمتوں میں شامل کیا جانا چاہیے ۔ علیحدہ لازمی چارجز کے ذریعے اس طرح کے اخراجات کی وصولی ایکٹ کے سیکشن 2 (47) کے تحت ایک غیر منصفانہ تجارتی عمل ہے ۔

اس ایڈوائزری کے ذریعے سی سی پی اے نے مشورہ دیا ہے کہ:

1. کوئی بھی ہوٹل یا ریستوراں بل میں ڈیفالٹ یا  از خود  ’’  ایل پی جی چارجز ‘‘  ، ’’ گیس چارجز ‘‘  ، یا اسی طرح کے چارجز عائد نہیں کرے گا ۔
2. صرف قابل اطلاق ٹیکسوں کے علاوہ  ، مینو میں دکھائی جانے والی قیمت حتمی قیمت ہوگی ۔
3. صارفین کو گمراہ نہیں کیا جائے گا یا کوئی اضافی چارج ادا کرنے پر مجبور نہیں کیا جائے گا  ، جو رضاکارانہ نوعیت کا نہ ہو ۔

ایڈوائزری میں مزید اس بات کا اعادہ کیا گیا ہے کہ اس طرح کے چارجز ، نام سے قطع نظر ، سروس چارج یا اضافی فیس کی نوعیت کے ہیں اور ڈیفالٹ کے طور پر ان کا عائد کیا جانا    4 جولائی ، 2022 ء  کے سی سی پی اے کے رہنما خطوط کی خلاف ورزی کے مترادف ہوگا اور صارفین کے تحفظ  کے قانون ، 2019  کے تحت  اس کے خلاف کارروائی کی جا سکتی ہے ۔

صارفین کی شکایات کا ازالہ

1. جن صارفین کو اس طرح کے طریقوں کا سامنا کرنا پڑتا ہے   ،وہ  مندرجہ ذیل اقدامات کر سکتے ہیں:
2. ہوٹل یا ریستوراں سے بل سے چارج ہٹانے کی درخواست کریں ۔
3. 1915 پر کال کرکے یا این سی ایچ موبائل ایپ کے ذریعے نیشنل کنزیومر ہیلپ لائن پر شکایت درج کروائیں ۔
4. ای-جاگرتی پورٹل کے ذریعے مجاز کنزیومر کمیشن کے  پاس شکایت درج کروائیں ۔
5. ضلع کلکٹر یا براہ راست سی سی پی اے کو شکایت درج کروائیں ۔

سی سی پی اے ملک بھر میں اس طرح کے طریقوں کی  سخت نگرانی کر رہا ہے ۔ ہوٹلوں اور ریستورانوں کی طرف سے غیر منصفانہ یا غیر مجاز  چارجز کے نفاذ سمیت کسی بھی خلاف ورزی سے مناسب طریقے سے نمٹا جائے گا  اور صارفین کے مفادات کے تحفظ کے لیے سی سی پی اے کی طرف سے ایکٹ کی دفعات کے تحت ضروری کارروائی کی جائے گی ۔

(یہ ایڈوائزری  صارفین کے تحفظ کی مرکزی اتھارٹی کی ویب سائٹ https://doca.gov.in/ccpa/guidelins.php پر دستیاب ہے ۔ )

...........................................

) ش ح –    ش ب    -  ع ا )

U.No. 4891