প্রধানমন্ত্রীগী লোইশঙ
প্রধান মন্ত্রীনা ইরানগী রাষ্ট্রপতিগা ৱারি শানখ্রে
প্রধান মন্ত্রীনা ইদ অমসুং নৌরুজগী য়াইফ পাউজেল পীখ্রে; লমদম অদুদা তংদু-লৈতাবা অমসুং মেরিতাইম সেকুরিতি পুরক্নবা তকশিনখ্রে
থাগৎখিবা:
21 MAR 2026 4:26PM by PIB Imphal
ঙসি প্রধান মন্ত্রী শ্রী নরেন্দ্র মোদীনা ইরানগী রাষ্ট্রপতি দোক্তর মসৌদ পেজেসকিয়ানগা ৱারি শানখ্রে, লমদম অসিগী চাউখৎ-থৌরাংগী থবকশিং অমসুং লৈবাক অনি মতেং পাংনবা ফগৎনবা খন্নখ্রে।
ইদ অমসুং নৌরুজগী শেংলবা থৌরমশিং লাকপদা, প্রধান মন্ত্রীনা রাষ্ট্রপতি দোক্তর মসৌদ পেজেসকিয়ানদা য়াইফ পাউজেল পীখ্রে। ৱারি শানবা অদুদা, কুহ্মৈগী মতম অসিনা নোংচুপ এসিয়া লমদমদা শান্তি, তুংদু-লৈতাবা অমসুং নুংঙাই-য়াইফবা মতম অমা পুরক্নবা লুচিংবশিংনা মখোয়গী থাজবশিং ফোঙদোকখি। লমদম অসিদা হন্দক মরুওইবা ইনফ্রাষ্ট্রকচরশিংদা লান্দাখিবদা প্রধান মন্ত্রীনা য়াম্না কন্না য়ানিংদবা ফোঙদোকখি, অসিগুম্বা থবকশিংনা লমদম অসিগী তুংদু-লৈতাবদা অকিবা ফাওহল্লে অমসুং মালেমগী মরুওইবা সপ্লাই চেনশিংদা অপনবা পীরে হায়না ফোঙদোকখি। অপনবা পীদনা জহাজ হোনবগী মরুওইবা অমসুং মালেমগী জহাজগী লম্বীশিং হাংদোকপা অমসুং অশোই-অঙাম থোকহন্দবগী মরুওইবা অদু প্রধান মন্ত্রীনা অমুক হন্না ফোঙদোকখি। মখা তারকপদা, ইরানদা লৈরিবা ভারতমচাশিং অশোই-অঙাম থোক্তনবা ইরান্না মখা তানা মতেং পাংবগীদমক প্রধান মন্ত্রীনা থম্মোয় শেংনা থাগৎপা ফোঙদোকখি।
প্রধান মন্ত্রীনা এক্সতা হায়খি;
“রাষ্ট্রপতি দোক্তর মসৌদ পেজেসকিয়ানগা ৱারি শানখ্রে অমসুং ইদ অমসুং নৌরুজগী য়াইফ পাউজেল পীখ্রে। কুহ্মৈগী মতম অসিনা নোংচুপ এসিয়া লমদমদা শান্তি, তুংদু-লৈতাবা অমসুং নুংঙাই-য়াইফবা পুরক্নবা ঐখোয়না থাজবা ফোঙদোকখ্রে।
লমদম অসিগী তুংদু-লৈতাবদা অকিবা ফাওহনবা অমসুং মালেমগী মরুওইবা সপ্লাই চেনশিংদা অপনবা পীবা মরুওইবা ইনফ্রাষ্ট্রকচরশিংদা লান্দাখিবদা য়ানিংদবা ফোঙদোকখি।
অপনবা পীদনা জহাজ হোনবগী মরুওইবা অমসুং মালেমগী জহাজগী লম্বীশিং হাংদোকপা অমসুং জহাজগী লম্বীশিং হাংদোকপা অমসুং অশোই-অঙাম থোকহন্দনবা অমুক হন্না খন্নখি।
ইরানদা লৈরিবা ভারতমচাশিং অশোই-অঙাম থোক্তনবা ইরান্না মখা তানা মতেং পাংবগীদমক থাগৎপা ফোঙদোকখ্রে”।
***
(রিলিজ আই.দি.: 2243508)
ভিজিতর কাউন্তর : 11
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Assamese
,
Bengali
,
Bengali-TR
,
Punjabi
,
Gujarati
,
Odia
,
Telugu
,
Kannada
,
Malayalam