وزیر اعظم جناب نریندر مودی نے تہوار کی مبارکبادوں کا تبادلہ کرنے اور خطے میں ابھرتی ہوئی سلامتی کی صورت حال پر تبادلہ خیال کرنے کے لیے اردن کے بادشاہ شاہ عبداللہ دوم کے ساتھ ٹیلی فونک بات چیت کی۔

وزیراعظم نے شاہ عبداللہ دوم سے بات کی اور عید کی پیشگی مبارکباد دی۔ بات چیت کے دوران، دونوں رہنماؤں نے مغربی ایشیا کی ابھرتی ہوئی صورتحال پر تشویش کا اظہار کیا اور خطے میں امن، سلامتی اور استحکام کی جلد بحالی کے لیے مذاکرات اور سفارت کاری کی ضرورت کو اجاگر کیا۔

وزیر اعظم نے کہا کہ مغربی ایشیا میں توانائی کے بنیادی ڈھانچے پر حملے قابل مذمت ہیں اور ان سے کشیدگی میں مزید اضافہ ہوسکتاہے۔ جناب مودی نے تصدیق کی کہبھارت اور اردن سامان اور توانائی کی بلا روک ٹوک ترسیل کی حمایت میں کھڑے ہیں۔ وزیر اعظم نے خطے میں پھنسے ہوئے بھارتیوں کی بحفاظت واپسی میں سہولت فراہم کرنے میں اردن کی کوششوں کی مزید تعریف کی۔

وزیر اعظم نے ایکس پر لکھا:

’’میں نے اپنے بھائی شاہ عبداللہ دوم، اردن کے بادشاہ کو فون پر عید کی پیشگی مبارکباد دی۔ ہم نے مغربی ایشیا کی بدلتی ہوئی صورتحال پر تشویش کا اظہار کیا اور خطے میں امن، سلامتی اور استحکام کی جلد بحالی کے لیے بات چیت اور سفارت کاری کی ضرورت پر روشنی ڈالی۔ مغربی ایشیا میں توانائی کے بنیادی ڈھانچے پر حملے قابل مذمت ہیں اور اس سے کشیدگی میں مزید اضافہ ہو سکتا ہے۔ بھارت اور اردن سامان اور توانائی کی بلا روک ٹوک نقل و حمل کی حمایت میں کھڑے ہیں۔ خطہ میں پھنسے ہوئے بھارتیوں کی بحفاظت واپسی میں سہولت فراہم کرنے میں اردن کی کوششوں کی دل کی گہرائیوں سے تعریف کی۔‘‘

***

(ش ح۔اص)

UR No 4494