প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভারতকা কংফালগী ঙমখৈ শম্নরিবা লৈবাকশিং (এল.বি.সি.)দগী লাকপা ইনবেস্তমেন্তকী গাইদলাইনশিংদা শেমদোকপদা অয়াবা পীখ্রে।

হৌজিক লৈরিবা পোলিসী অসি মখাদা পীরিবা অসিগুম্না অমুক হন্না য়েংশিনখ্রে অমসুং শেমদোকখ্রে:

'বেনেফিসিএল ইনিসিএতর (BO)' খংদোক্নবগী ৱাহন্থোক অমসুং ক্রাইতেরিয়া হাপ্পা

এমেন্দমেন্ত অসিনা বেনিফিসরি ওনরশিপ লেপথোক্নবগীদমক ইনভেস্তিং কম্ম্যুনিতীনা প্রিভেন্সন ওব মনি লোন্দরিং রুল্স, ২০০৫ মখাদা পাক শন্না শীজিন্নবা  দিফিনিসন অমসুং ক্রাইতেরিয়া অমা পীরি।

বেনিফিসরি ওনরশিপকী চাংয়েং অসি ইনভেস্তর এন্তিতীগী থাক্তা শীজিন্নগনি।

নন-কন্ত্রোলিং এল.বি.সি.গী বেনিফিসিএল ওনরশিপ চাদা ১০ ফাওবগী ইনভেস্তরশিং অসি সেক্তোরেল কেপ, এন্ত্রি রুট, এটেন্দেন্ত কন্দিসনশিংগী মতুং ইন্না ওটোমেটিক রুটকী মখাদা অয়াবা পীগনি। অসিগুম্বা ইনভেস্তমেন্তশিং অসি দি.পি.আই.আই.তি.দা ইনভেস্তমেন্ত পায়রিবা এন্তিতীনা মরী লৈনবা ঈ-পাউ/মথং-মথংশিং রিপোর্ত তৌবগী মখা পোল্লি।

অখন্নবা সেক্তরশিংদা ইনভেস্তমেন্তশিং অথুবা মতমদা ক্লিয়র তৌবা

কেপিতেল গুদস, ইলেক্ত্রোনিক কেপিতেল গুদস, ইলেক্ত্রোনিক কম্পোনেন্তশিং, পোলিশিলিকোন অমসুং ইঙ্গোত-ৱাফরশিংদা মেন্যুফেকচরিংগী অকক্নবা সেক্তরশিং/এক্তিবিতীশিংদা এল.বি.সি.গী ইনভেস্তমেন্তশিংগী প্রোপোজেলশিং অসি নুমিৎ ৬০নিগী মনুংদা প্রোসেস তৌগনি অমসুং ৱারেপ লৌগনি।

কেবিনেৎ সেক্রেতরীগী মখাদা লৈবা সি.ও.এস.না অকক্নবা সেক্তরশিংগী লিস্ত অসিসু রিভিয়ু তৌবা য়াই।

অসিগুম্বা কেসশীং অসিদা, ইনভেস্ত তৌরিবা এন্তিতী অদুগী মেজোরিতী শেয়রহোল্ডিং অমসুং কন্ত্রোল অদু মতম পুম্নমক্তা রেসিদেন্ট ইন্দিয়ন সিটিজেন (গুলি) অমসুং/ নত্ত্রগা রেসিদেন্ট ইন্দিয়ন এন্তিতী (গুলি) না রেসিদেন্ট ইন্দিয়ন সিটিজেন (গুলি) না মপু ওইদুনা অমসুং কন্ত্রোল তৌদুনা লৈগনি।

বেকগ্রাউন্দ

কোবিদ-১৯গী লাইচৎনা মরম ওইদুনা ভারতকী কম্পেনীশিং লৌশিনবা/অদোমগী কম্পেনীশিং লৌশিনবা থিংনবা, সরকারনা হৌজিক চৎনরিবা এফ.দি.আই. পোলিসী অসি প্রেস নোট ৩, ২০২০গী (পি.এন.৩) দেত ১৭.০৪.২০২০দা শেমদোকখ্রে। PN3গী মতুং ইন্না, ভারতকা কংফালগী ঙমখৈ শম্নবা লৈবাক অমগী এন্তিতী অমা নৎত্রগা ভারত্তা ইনভেস্তমেন্ত অমগী কান্নবা ফংলবা মপু অসি অসিগুম্বা লৈবাক অমহেক্তদা লৈবা নৎত্রগা মসিগী নাগরিক ওইরবা, সরকারগী লম্বীগী মখাদা খক্তদা ইনভেস্ত তৌবা য়াগনি। মসিগী মথক্তা, ভারত্তা লৈরিবা এন্তিতী অমদা লৈরিবা নত্ত্রগা লাক্কদৌরিবা এফ.দি.আই. অমহেক্তগী মপু ওইবগী ত্রান্সফর অমহেক্তনা মথক্তা পনখ্রিবা জুরিসদিক্সনগী মখাদা লৈবা বেনিফিসিএল ওনরশিপ ওইহল্লকপা, সরকারগী অয়াবা মথৌ তাই।

এল.বি.সি. ইনভেস্তরশিংনা স্ত্রেতেজিক ওইদবা, কন্ত্রোল তৌদবা ইন্তরেস্তশিং খক্তমক লৈবা য়াবা থৌওংশিংদা পি.এন.৩গী অথিংবশিং শীজিন্নবা য়াবা অসিনা পি.ই./ভি.সি. ফন্দশিংগুম্বা গ্লোবেল ফন্দশিং য়াওনা ইনভেস্তরশিংদগী ইনভেস্তমেন্ত ফ্লোশিংদা অকায়বা পী হায়না লৌখি।

কান্নবশিং:

অনৌবা গাইদলাইনশিং অসিনা ভারত্তা ললোন-ইতিক তৌবদা ময়েক শেংহনবা অমসুং ইজ ওফ দুইং পীগনি অমসুং ইনভেস্তমেন্তশিংদা মতেং পাংগনি। মসিনা এফ.দি.আই. হেনগৎহন্নবা, অনৌবা তেক্নোলোজীশিং ফংহন্নবা, দোমেস্তিক ভেল্যু এদিসন, দোমেস্তিক ফর্মশিং পাকথোক চাউথোকহন্নবা অমসুং গ্লোবেল সপ্লাই চেনগা পুনশিন্নবদা মতেং পাংগনি। মসিনা ভারতকী ইনভেস্তমেন্ত অমসুং মেন্যুফেকচরিংগী পাম্নবা মফম অমা ওইনা কম্পিতিতিবনেসিবিতী হেনগৎহনবদা মতেং পাংগনি। এফ.দি.আই. হেনগৎলকপনা দোমেস্তিক কেপিতেল মপুং ফাহল্লগনি, আত্মানির্ভর ভারতকী পান্দমশিং মতেং পাংলগনি অমসুং অপুনবা শেন্মিৎলোনগী গ্রোথ তপথহল্লগনি।

***